تركيب بطاريه اضافية

[هزاع المطيري]

السلام عليكم ورحمه الله وبركاته



صبحتم بالخير..
يا اخوان جزاكم الله خير
حبيت اركب بطاريه اضافيه علا الددسن
فيه احد جرب؟ ، والي عنده اي معلومه
تنفع ولا لا ..
والي يعرف محل بحفرالباطن يركبها
لا يبخل علينا جزاكم الله الف خير

[ابوفريحح]

وش فايدتها الاضافيه هي تجي من بلدها بطاريه وحده

[كاشت في الحوش]

تكفى يا هزاع
اذا ركبت عطنا صور وطريقة التركيب
ناوي اركب لي على الددسن

[AASEM]

ايش بتستفيد منها بطارية السياره موجوده لاتقول بتحافظ على حقت السياره هي مدتها سنه بتغيرها

[هزاع المطيري]

ايش بتستفيد منها بطارية السياره موجوده لاتقول بتحافظ على حقت السياره هي مدتها سنه بتغيرها

اخوب اتمنى انك ماتصرح من عندك
واذا ماتعرف وش فايدتها ووش الي استفيده ما نزلمك بالرد..

[عايض الاحمدي]

فيه جهاز اسمه رفيق الدرب
لكن ما جربته
بعدين ما انصحك كله ولا الكهرب يما ناس ولعت سيارتهم بسبب الكهرب ، وقيمه التعديل بقيمه بطاريه جديده،
بعدين مالها مكان في الددسن اذا تقصد تعدل لها مكان قبال ثلاجه المكيف كيف بتركب السيفون، عموماً ما انصحك اذا انت متى راعي بر. وما تستخدم البطارية كثير. والموتر طافي موفق

[حاميش]

من وجهة نظري كل شي إلا الكهرب واللي يقول تعرف فايدة وما تعرف فايدة البطارية الثانيةالتماس بسيط يولع فيك انت وسيارتك

[محيسن1]

السلام عليكم الي جميع الردود السابقة
احد منكم جرب ركب بطارية احد منكم جاه مشاكل منها
كله كلام في كلام وهذا اللي وهق الكثير انا لي اكثر من خمس سنوات اي موتر اشرية ع طول اركب بطارية اضافية وشغلات ثانية ولاشفت اي شي ولله الحمد اهم شي تشتغل عند واحد متخصص
بالرياض عندك الصبي مخرج 15والمنديل مخرج 16وسوافي مخرج18

[حاميش]

إن شاء الله تولع بك سياره وتعرف كلام في كلام

[بربنجي]

فيه اخي الفاضل اكثر من موضوع في مكشات يتكلم عن البطارية الاضافية من الالف الى الياء
عليك بالبحث فقط

وزي ما ذكر الاخ الي فوق بعض المحلات التالية

السلام عليكم الي جميع الردود السابقة
احد منكم جرب ركب بطارية احد منكم جاه مشاكل منها
كله كلام في كلام وهذا اللي وهق الكثير انا لي اكثر من خمس سنوات اي موتر اشرية ع طول اركب بطارية اضافية وشغلات ثانية ولاشفت اي شي ولله الحمد اهم شي تشتغل عند واحد متخصص
بالرياض عندك الصبي مخرج 15والمنديل مخرج 16وسوافي مخرج18


والله يحفظك

[محيسن1]

إن شاء الله تولع بك سياره وتعرف كلام في كلام



الحمد لله نعمة العقل

[مسير عليكم]

إن شاء الله تولع بك سياره وتعرف كلام في كلام

خير الكلام ماقل ودل
وبعدين عشان تثبت صحه كلامك تدعي علي عيال المسلمين
الله يصلح قلبك ويهديك

بالنسبه لخوي الي يبي يركب بطاريه اضافيه الشباب تكلمو بمواضيع كثيره الي قالو دقمه الجمس والي قالو المنظم حق رفيق الدرب

والكفه عندي ترجح لمنضم حق رفيق الدرب لانه اول شي اذا فللت يوقف مايشحن كذا تريح الدينمو وخصوصن ان استعمالك كشتات يعني ماراح تكدها واجد ثاني شي لاحضت تركيبها ابسط واقل حوسه اسلاك
اخيرا تقدر تشرك السياره بالمنضم خصوصن لاركبت سلك قوي ويتحمل وطبعا النقطه ذي كثير تخوفو منها قالو يمكن ماتتحمل الاسلاك

الدقمه الي جربوها يمدحونها خصوصن انها قطعه تجي اصليه في الجمس فجودتها اعلى وتكد اكثر طبعا ماحد عطاها حقها من الشرح الوافي لشغلها

واخيرا ابحث الشباب ترا نزلو مواضيع كثيره مشروحه لتركيبها

[TIS]

السلام عليكم

هذا رابط فيه جميع المعلومات الخاصة بالبطارية

http://mekshat.com/vb/showthread.php?t=365568&highlight=%E3%E4%D9%E3+%D1%DD%ED%DE+%C7%E1%CF%D1%C 8

[Tool_crib]

السلام عليكم الي جميع الردود السابقة
احد منكم جرب ركب بطارية احد منكم جاه مشاكل منها
كله كلام في كلام وهذا اللي وهق الكثير انا لي اكثر من خمس سنوات اي موتر اشرية ع طول اركب بطارية اضافية وشغلات ثانية ولاشفت اي شي ولله الحمد اهم شي تشتغل عند واحد متخصص
بالرياض عندك الصبي مخرج 15والمنديل مخرج 16وسوافي مخرج18

طيب لا تدف

[nayf01]

ياهزاع انت من حمران الناظر وحقك علينا الاجابه

شوف طال عمرك والنصيحة للجميع

التلاعب في الكهرباء امراً خطير وعواقبه وخيمة
والشباب ما قصروا الله يجزاهم خير وانأ أقول
لاتركب بطارية الا عند مختص في تجهيزات السيارات الخاصة بالرحلات تراهم يصلحون لها مكان وشغلهم مضمون وأسلاكهم ذات جوده عالية غير انتبه وفقك الله لكل خير وحقق لك أمالك