القوس (النشّاب)

[عبدالعزيزشويل]

السلام عليكم ورحمة الله

ياشباب احد عنده خبره بالقوس واللي بعضهم يسمونه نشّاب, دورت في السعودية كلها مالقيت احد يبيعه لا في الرمايه ولا في الانترنت

هل هو ممنوع واذا مو ممنوع كيف اقدر احصله ؟؟

من وانا بزر وانا ودي بالقوس ذا بس ماحصلته

[نايف الشيباني]

اليوم لاقي واحد بالانستقرام عارضها بحول الثلاثه الاف
حس بالانستقرام اضنك تلقاه نسيت حسابه.
واما المنع فكانت مصرحه وتوقفت مادري وش السبب
بالتوفيق

[هلال عيد]

http://youtu.be/2wBMSnTL-hA?list=PLzXUw0-xPqprPQs8r2BGEoEHDg25hSFwU






http://youtu.be/_SsFSiMrC2M

[أ ب و ح س ن]

فيه محل في الباحه مريته في الصيف الماضي يقول موجود عنده

[waheead2002]

اذا انت بالرياض تحصلهم بالاتحاد السعودي للرماية بالسهام
بمجمع فيصل بن فهد
واذا بجدة تحصلهم بالقرية الرياضيه
طبعا تقدر ترمي بأقواسهم وتجرب
واذا اعجبتك اللعبة تطلب عن طريق المدرب كلنت او المدرب اسامة الجميزي
وتضمن وصولها لانها تجي رسمية عن طريق الاتحاد السعودي
طبعا انواع فيه منها الغالي وفيه منها الرخيص
وتقدر تطلبها من برى بس ضروري يكون قوس أولمبي وتجيبه على اجزاء لكن فيه مخاطره واحتمال يتصادر
اما قوس الكمباوند راح يتصادر اكيد
واللعبة جميله لعبتها حوالي سنه وفيها بطولات وحماس
واتمنى اكون افدتك
وتحياتي لك

[Got]

حسب النوع بعضها يدخل وبعضها يتصادر