المساعد الشخصي الرقمي

مشاهدة النسخة كاملة : هام لكل من يملك بطارية اوبتيما الأمريكية .



بواردي2013
20/11/2014, 08:25 PM
السلام عليكم ورحمة الله وبركاته
اخواني مساء الخيرات جميعاً
انقل لكم تجربتي مع بطارية اوبتيما الشركة أمريكيه ( وتصنع في المكسيك ) بطارية جافة لونها اصفر
75 امبير اشتريتها قبل 4 سنوات تقريباً
بسعر 1400 ، وركبتها (اضافية ) البطارية مافيها كلام وعملية لكن بسبب سوء استخدامنا
للبطاريات عمرها الافتراضي يقل وسوء الاستخدام يكون ب:
1- عدم استخدامها بشكل مستمر .
2- تركيبها اضافية بدون منظم .
3- عدم تفريغ شحنها بعد كل فترة.
لاحظت ضعف في البطارية بعد تشغيل
الإنارة تضعف بشكل واضح جداً المهم
مريت محل بطاريات وكشف عليها واعطت
11،5امبير والسيارة تشتغل وقالي خلاص انتهى عمرها ولازم تستبدلها كلامه مااعجبني !
فقررت اسوى هالتجربة لعلها تفيد وهي تفريغها من الشحن تماماً وفعلا شغلت الثلاجة لحد ماطفت وبعدها وصلت عليها لمبة غازية صفراء قوة 100 امبير حتى طفت وانتهى شحنها ( طبعاً لازم في حالة تفريغها تفصل الفيوز اللي بين البطاريتين
عشان مايشحنها الدينمو) بعد ماانتهت وفرغت شحنها نزلتها عند كهربائي وقلت له اشحنها اقل شي 10 ساعات بشاحن الكهرب عنده ، وفعلاً مريت عليه من بكرى وقاس قوتها طلعت 14 قبل تركيبها والحمدلله نجحت التجربة100% وتم انعاشها بعد 4 سنوات خدمة
وسويت لها اختبار بعد هالتجربة شغلت الثلاجة وجميع لمبات الاضاءة بالسيارة
لمدة 3 ساعات وماشاء الله تبارك الله
افضل من قوتها وهي جديدة . هذي تجربتي نقلتها عشان مااحد يتخسر ويأخذ بكلام اصحاب محلات البطاريات او الكهربائيين ويرمي بطاريته وهي باقي فيها عمر، خصوصاً انها غالية وعذراً للإطالة ، من يستفيد من هالتجربة يدعو لي ولوالدي وجزاكم الله خيراً.

سالم محمد
20/11/2014, 08:33 PM
الله يعطيك العافية على نقل التجربة لاخوانك
هل صحيح ما عاد تجي صناعه أمريكية ابدا
وهل سعرها بالكويت بنصف قيمة اللي عندنا
ومن وكيلها بالرياض

بواردي2013
20/11/2014, 08:48 PM
الله يعافيك اخوي ابومحمد
على حد علمي صناعتها
الامريكية متوقف اما سعرها بالكويت
فعلاً ارخص من عندنا بس مايوصل للنصف
اما وكيلها بالرياض قالوا بشارع الغرابي
بس مااعرف المحل ووكيلها بالقصيم
محل العقيلات ببريده .

ناصح
20/11/2014, 09:58 PM
نشكرك على هذا المعلومة



تقبل تحيتي

خالد تميم
21/11/2014, 12:26 AM
مشكور يخوي .
والله عندي ثنتين انتهت صارت ماتقبل شحن وكنت والله برميهم لاكن بجرب طريقتك .
مع شكري الجزيل .....

بواردي2013
21/11/2014, 01:35 PM
هلابك اخوي عبدالسلام
والشكر موصول لكم
على جهودكم المباركة.

بواردي2013
21/11/2014, 01:36 PM
حياك اخوي خالد
وارجوا ان التجربة تفيدك إن شاء الله.

AMERALNET
23/11/2014, 09:37 AM
الله يجزاك الجنه والديك
عندي وحده صفرا لها عندي قرابة ثلاث سنوات ونصف
وراميها بالبيت
لاكن بعد كلامك بجربها

بواردي2013
23/11/2014, 09:58 PM
آمين واياك ووالديك وكل مسلم
جرب وإن شاء بتضبط معك.

صالح السالم
24/11/2014, 09:04 PM
شكراعلى هذه المعلومات أنامعي بطارية الرماية ركبت بطارية كوريةجديدة قبل خمسة أشهرفقط واليوم لاتقبل الشحن سأجرب طريقتك وفقك الله .

بواردي2013
25/11/2014, 06:36 PM
هلابك يابوسالم
والله يوفقك ويسعدك
وأن شاء الله تضبط معك
جرب وماراح تخسر شي .

kha6622
04/12/2014, 02:43 PM
معلومه جديرة بالتجربه

التعـ King ـديل
04/12/2014, 05:36 PM
تجربه مفيده ولكن السؤال هل تجربتك تنفع لجميع البطاريات الالكترونيه مثل اي سي ديلكو وغيرها

Bader-M
04/12/2014, 07:50 PM
تجربة قيمة ومفيدة
الله يعطيك العافية
شكرا لك

علي العساف
05/12/2014, 06:14 PM
ما يمدي رميتها ... ما كملت سنه

رفلوا
14/12/2014, 08:40 PM
الله يجزاك خير انتم شباب التجارب المفيده الله يوفقكم وتتميزون اكثر وفقك الله

بواردي2013
16/12/2014, 07:57 PM
واياك اخوي وكل مسلم
وشكراً لمرورك