المساعد الشخصي الرقمي

مشاهدة النسخة كاملة : هل الدعامات الامامية التي تركب على الجيوب تحمي الموتر بعد الله عزوجل أثناء الاصطدام



أنصر نبيك
21/11/2014, 10:12 PM
السلام عليكم ورحمة الله وبركاته

http://img1.haraj.com.sa/userfiles30/2014-07-30/53d8d22ae2dc1.jpg

http://img.haraj.com.sa/userfiles30/2013-02-25/512b6cd2d80ee.jpg

كثرت في الآونة الأخيرة انتشار الدعامات الامامية والخلفية

على سيارات الدفع الرباعي على وجه الخصوص

بعضها تصنع في ورش الحدادة وبعضها تأتي جاهزة وربما

من يركبها على موتره معه حق خاصة انه يدفع دم قلبه على الموتر

فهل هي فعلاً تحمي الموتر بعد الله عز وجل أثناء التعرض لحوادث الاصطدام سواء من الامام أو الخلف

أم انها هكذا فقط لتخويف اصحاب المواتر الصغار وخاصة سواقين
الليموزينات المتهورين هههه وأيهما الافضل الجاهزة أم التي تصلح في الورش

الحربي 591
21/11/2014, 10:24 PM
تحمي من الدقات البسيطه
مثلا
اذا واقف على الاشاره وواحد قدامك سيارته تدردح عليك ومانتبه و دقك
هنا ممكن ممكن نقول فايدتها
لكن بالنسبه للحوادث القويه مافيه فرق
وشكل الدعامات اللي مثل حقت الدوريات حلوه لكن على السيارات الكبيره
من الجمسات والجيوب
والتفصيل والجاهز
على حسب طلبك
انا ادور دعامه عشان اركب كشاف طوله متر
مالقيت دعامه جاهزه
وشكلي بفصل
واغلب اللي مركبينها السواقين
وفيه انواع صب اسعارها توصل 10الاف هذي ممكن تخفف من الحادث وقوته

أنصر نبيك
21/11/2014, 10:36 PM
هلا اخوي الحربي توصل 10 آلاف !!!!!!!!!!!!! شيء عجيب فعلاً

الحربي 591
21/11/2014, 11:25 PM
هلا اخوي الحربي توصل 10 آلاف !!!!!!!!!!!!! شيء عجيب فعلاً

ايه نعم توصل 10الاف
اكتب في قوقل ARB
متخصصه في الدعامات والصدامات والسيارات الدفع الرباعي وتجهيزاتها بشكل عام شوف اسعارها
لا تقل عن 5الاف:eek:
واذا كان معاها ونش دبل القيمه

اسبيدر مان
21/11/2014, 11:32 PM
وعليكم السلام ورحمة الله وبركاته

انا من مدمنين تركيب الدعمات المفصله وكذلك الهوكات الخلفيه

عموما الدعامه تحمي وتساعد بالامور الخفيفه وكذلك بعضهن مجهز بمسحاة وفاس وعلاق ذبايح وبعضهن ممكن تركب عليها ونش سحب وصار لي مواقف كثيره معها
اذكر رجل معه زوجته واولادة متوقف عند الصراف الالي وكان متنرفز ويهاوش ويلجلج على زوجته فلما جاء دوره عند الصراف كنت انا خلفه بمسافة 150 متر تقريبا فلما سحب من الصرافه رجعت سيارته للخلف بقوة لدرجه انها صدمت سيارتي ثم تقدمت وارتدت ورجعت ثانيه وصدمتني وانا بسيارة ماحركت ساكن فنزل مرتبك وناظر سيارته ورجع لي يعتذر ويتاسف .
الموقف الثاني كنت فاتح الباب الكبير ابدخل السياره داخل البيت طبعا الباب مهب كهرب من البيبان القديمه الى تجي صفقيتين ومزلاجات وزحمه المهم نزلت انا وفتحت الباب ورجعت وركبت السياره فلما دخل وجه الموتر سبحان الله الهواء رجع البيبان وجنك طايرات ومن قوة الضربه بدعامة الموتر طاحت صبه اسميت من سقف الباب والحمد لله الموتر ماتاثر

هذا غير دف السيارات المتعطله او المغرزة

وشكرا على الموضوع الجميل

ذيب المراقي
21/11/2014, 11:38 PM
من وجهة نظري اشوف ان ضرر الدعمات الكبيرة ضررها اكبر من نفعها لان في حالة الصدمة بتكون التلفيات تلحق للكبوت والشمعات والشبك بعكس لما تكون الصدمة بصدام العايدي
الفايدة الوحيدة هو تركيب الكشافات فقط
ودمتم

شاق النفد
22/11/2014, 02:55 AM
وعليكم السلام
بالنسبة للدقشات الخفيفة تحمي لموتر
اما للحوادث القوية تعدم اجزاء من الوجهيه مالها دخل مثلا الشاص يميل والكبوت تشقه شق
لو كان ماعليه دعامة كان سلمت
هذا غير انك بتعدم الموتر اللي الصدمته الله لا يقوله

الله يبعدنا عن المكروه واجمعين المسلمين

والتامين ما يغطي تكاليف الحادث لان الدعامة تبطله

الاشهب 507
22/11/2014, 02:13 PM
ياخوي اناسار عندي
خبره في الدعامه
وكيف لزم تكون وكم قوت الحديد
وكيف تركب والمقاس الناسب
وكيف تخليها ماتتحرك من مكانه
حتى في الدقات والحوادث لاسمح الله
ماتتحرك إلى شيء بسيط وسار لي
حادثين شينه بلحيل والحمد لله الموتر ماتاثر
بس انكسر اصطب بس والحمد لله
ام الجاهزه فالمنيوم وخفيفه ادنا دقه ترجع على
خشم الموتر وترى التامين دفع عني
25 الف وهي مركبه وماعليك من كلام الناس
وارسل لي رقمك خاص
واراسك واتس واعلمك كل شيء بلتفصيل
وترى هي خلاصت تجارب واختبارات وخبرتي المتواضعه
وتجارب قاسيه جدن وسويت تعديلات كثير
الين ولله الحمد قدرت بفضل اله اخليه ماتتحرك من محله
إلى حاجه بصيطه بعد اصتدام عنيف جدن لاسمح الله
وارسل رقمك على الخاص واعلمك كل شيء بلتفصيل
معى الصوره
الأشهب 507

عايض الاحمدي
22/11/2014, 02:46 PM
أنا ضد الدعامات ي جماعه الدقات البسيطه اللي يروح فيها الاسطبات او الصدام هذي هينه وأمرها بسيط
اما أنكم تروح تركب دعام وتقول او موتر ما تضرر في الحادث ، بل العكس من وجهه نظري لان الصدام الحديد او الدعام يكون وقعه وأثره على الشاصات أقوى ويفرشخ شاصات السياره ويدخل الهزه في قلب السياره اللي عليها جميع كراسي السياره من المكينه والوصلة الي بين الشاصات وكراسي الرديتر ، شوف انا ضد الدعامات خوصوصاً يوم يتركب بطريقه بدآئه مسمار في الشاصات وخلاص وهذا اكبر خطر لقلب السياره والركاب داخل المركبة ،الا اني تعجبني فكره صدامات الكوابرس والأمريكي القديم بشكل عام هو انه في طرفي الصدام فيه ماصورتين مجوفه تدخل في بطن بعض اثناء الحادث، بس انت تتكلمون على
سيارات صبتها غير حديد حديد
وشكراً

BoFlanQ
23/11/2014, 08:11 AM
دعاميات الصب حديد قويه وتنفع في الحوادث

لدرجه انها انمنعت عندنا في الامارات .. لانه وقت الحادث الي مركب دعاميه صب حديد ماراح يتاثر والطرف الثاني راح ياكلها

4200
23/11/2014, 09:13 AM
موضوع جميل
لاكن المشكله في شركات التأمين لا سمح الله سويت حادث بسيط مايشملك التأمين لأنك عملت اكسسورات على السياره لذكلك يلقونها مخرج لهم على اساس التأمين ما يغطي السياره وتتحمل انت دفع قيمه التكلفه لاصلاح السياره المصدومه

الاشهب 507
23/11/2014, 08:56 PM
دعاميات الصب حديد قويه وتنفع في الحوادث

لدرجه انها انمنعت عندنا في الامارات .. لانه وقت الحادث الي مركب دعاميه صب حديد ماراح يتاثر والطرف الثاني راح ياكلها
الامارتين على عين وراس
بس عندي لكم طلب جميعن لاباقي تتحفونا
بلقوانين إلى عندكم
ترى المسأؤلين إلى عندنا يغارون تعرف معنا يغارون
يعني لو شرب وزيركم كاسةماء لزم إلى عندنا
يشرب كاوبين علشان يجي احسن من وزيركم
ويمكن إذا شاف مشاركتك يمنعون حتى صدامات الوكالة
ههههههههههههه
الله يستر لايكون فيه مباحث ويلقطني وانام في حفره
الله يستر علينا
الأشهب 507

أنصر نبيك
23/11/2014, 11:04 PM
عارفين وش احلى من الموضوع خفة دمكم :Dمشاركات ظريفة ورائعة:good2: جعلكم تسلمون ياغاليين :heart: