للي عنده خبرة بالشد(الهنفل)ما هو السمك المناسب للطبق ؟؟ [الأرشيف]

مشاهدة النسخة كاملة : للي عنده خبرة بالشد(الهنفل)ما هو السمك المناسب للطبق ؟؟

شاص

13/12/2006, 10:54 AM

السلام عليكم ورحمة الله .. كم سؤال عالطاير للي عنده خبرة بالشد (الهنقل ) :
ما هو السمك الأفضل للطبق بحيث يتحمل الأعراض اللي فوقه (الخشب اللي يقسم الشد ) ؟؟
وش أفضل نوعية ؟؟
وبكم سعره ؟؟
وين أحسن منجرة تضبطه بالرياض ؟؟

(وينك يالمنتعش :j )

عاشق البران99

13/12/2006, 11:14 AM

وعليكم السلام ورحمة الله وبركاته :

من واقع تجربة أيام الهلي (الله يذكره بالخير) :D أفضل خشب هو السويدي ألواح والسماكة 3سم والعرض من 20 - 25 سم ،،،

مع ان البعض راح يقول سميك مرة ،،، :eek:

لكن هذا أفظل ماجربت لأن العرض والسماكة تتحمل ضغظ العفش مع المطبات ويكون الطبق هاااادي وبدون قرقعة إذا كان الحمل خفيف أو بدون حمل ،،،

واحرص يكون مجرى الطبق الي يمين ويسار مسكر من فوق بالشكل هذا ( ] ) وانتبه لا يكون زي كذا ( L ) عشان يثبت عند المطبات لكن خل مقدار 25سم في البداية مفتوح بالشكل هذا ( L ) عشان تخشش معه الخشب وبعدين تدفه للأخير ،،،

الدرندس

13/12/2006, 11:56 AM

سلام
انا مركب هنقلين على هايلكس4×4وحاطله طبق لوح بلكاش اسمك نوع 18 ملي الاسود قيمته 82ريال
وانت بغيت الي يتحمل فعليك با الواح الخشب الي ترص ورى بعض

شاص

13/12/2006, 12:50 PM

الإخوة عاشق البران99 ، الدرندس .. مشكورين على سرعة الرد وعلى المعلومة القيمة لكن بالنسبة للخشب السويدي عرضه قليل يعني أبحتاج إلى 5 أو 6 ألواح تقريباً وإلا قصدك أثبتهن جميع لأن اللي في بالي أنه يكون لوح واحد يعني قطعة واحدة وال 18 ملي كأنه خفيف نوعاً ما .. وش رايكم ؟؟ ..

عاشق البران99

13/12/2006, 12:58 PM

ما أنصحك تحط لوح واحد خله خمس ألواح أسهل في التركيب والفك والشيل ،،،

ويفكن أزمه وقت الغراز الكايد ،،،

ولو بغيت تشيله لأي حاجة راح يبهذلك إذاكان قطعة وحدة ،،،

والـ 18 ملي من وجهة نظري تراه خفيف ،،،