استفسار عن خرازة المانيه

[نايف الشيباني]

السلام عليكم
انا عرض علي خرازه تشبه ام خده مكتوب عليها بالكمبيوتر ماهي حفر
Mod.koch made by umarex-Germany

جربت ارمي بها الفارغ ماطلع نشب ببيت النار
المخزن به فضاوه اشك انه ماهو لها ،

وقريت بالنت انها صينيه ، فقلت شوركم قبل المناشب بالشوش :)

كيف اصابتها ميه بالميه ؟
وخراباتها هل تخدم والا لا ؟

الله لايهينكم لاتحرمونا من تجربتكم فيها .

[أبو خالد ،،]

انا جربتها ما تصلح وهي صناعه صينيه

[مناحي الزهيري]

صينية ١٠٠٪

[نايف الشيباني]

ابو خالد ومناحي
يعطيكم العافيه ع التفاعل

يعني البرازيليه اطيب

[(هزاع)]

وعليكم السلام ورحمة الله

اغلب الصينيات يوجد بها هذا العيب

والمشكله بالناتوش او كما يطلق عليه الظفر

وهو يغير عند الشايقي مع الترباس كامل

ان كانها زهيدة الثمن لاباس اشترها وغير ترباسها او استخدمها على حالها

[( شميريخ )]

عندي تختها تماتيك نتشها للفارغ طيب ولا ترفدف الا بحالة انها وصخت ولا ابطيت مانظفتها .
اللي لاحظة باللي عندي انها ماهي دقيقه مثل البرنو بالمسافات اللي حول 100 متر مدري العذروب بها والا بالفشق .
انصحك اذا سعرها ماهو رخيص اصرف النظر عنها .

[نايف الشيباني]

والله يالربع سعرها بسعر برازيليه جديده
انتم وش رايكم

[ابو سفيان]

صينيه ابعد عنها البرازليه افضل منها

[نايف الشيباني]

بيض الله وجهك يابو سفيان
انت والربع ولاهنتوا

[( شميريخ )]

البرازيلية اطيب يكفي انها من شركة معروفه