فور تشينر 2015 6 سلندر دبل

[abu ali]

السلام عليكم ورحمة الله وبركاته

استشارة

نويت اشتري سيارة جيب وكانت النية برادو 6 سلندر لكن السعر كان مبالغ فيه اكثر من المعقول
فقررت تحويل الفكرة للفور تشينر , احتاج للمشورة والنصحية وماخاب من استشار .
مع العلم ان رجل راعي بر وكشتات .

[طلال مكشاتي]

يفيدونك الاخوان

[قناص الوعول]

هايلوكس بس عزمها قوي شوي صناعته اندنوسي واكثر الي اشوفهم شروه يبيعونه بعد شهرين ثلاثه ما جازلهم الموتر

[اسبيدر مان]

سيارة اثبتت وجودها وعملانيتها لكنها بمور الامن والسلامه صفر
عموما انت استخر واذا جزمت خذ قير اوتو

مع اني ودي تعيد النظر في البرادو لكونه سيارة جبارة

[قناص الوعول]

الخيار الافضل منه بسعره اكستيرا ولك الخيار

[abu ali]

الله يعطيكم العافية ماقصرتوا
قررت صرف النظر عنها، سيارة سهلة الانقلاب ونسبة السلامة فيها تكاد تكون صفر.

40000 الف ريال ممكن تجيب سيارة بترول نظيف؟ لأن الرغبة بدأت تميل له.

[albara]

السلام عليكم ورحمة الله
من واقع تجربة معي فوترتشنر 2012 في اكس 6 سرندل
قنصت علية بنجد وبالغربية وطلعت عليه مكاشيت وهو مرفوع بيايات استرالية ومساعدات خلفية مونرو وأمامية حقت هايلوكس دبل يعني مرفوع أعلى من شد البلد بزياده 5 الى 6 سم ومع إني أطرد عليه بعض الأحيان ولكن والحمد لله ما حصل معي مشكلة إنقلاب أو حتى ميلان وعليه قومة وخفة أفضل من الاند كروزر 8 سرندل


طبعاً الحكم هذا لأن معي كلا السيارتين

[المميـز]

:

الفورتشنر اثبت وجوده بالسوق الخليجي
وسياره لها انتشار واسع جدا واصبح منافس لمن ينافس
الفورتشنر لي تجارب معه واثبت جدارته ماشاء الله
مقولة سهل الانقلاب وخفيف وقاسي لاتحكم عليها الا بعد التجربه واستأجر وجرب
والله يكتب لك اللي فيه الخير

:

[الصيادالمليح]

الفورتشنر 6 سلندر عملية وممتازة واللي يقول تنباع بعد شهرين او ثلاثة فكان يقصد الاربعة سلندر لانها ضعيفة العزم وتحن في الطلعات

ومن ناحية انها سهلة الانقلاب فهو مجرد شعور لاختلاف استخدام السيارات وبمجرد التعود عليه فيصير جدا عادي وتقدر تتغلب على هذا الشيء بتعريض الجنوط و الكفرات بحيث تغير من مركز الثقل ويكون الثبات اعلى

عيبها سعرها المرتفع نسبيا مقارنة بمنافساتها مثل النيسان اكستيرا

و انصحك بالاكستيرا اوف روود عملية اكثر من االفورتشنر

[1824]

الفورتشنر اذا 6 فل ممتاز اذا لقيته بسعر طيب خذه ما تندم اما اذا غالي فعليك اذا انت راعي بر الاكستيرا افضل نوع الاوف رود ممتاز والخيار حسب الاستخدام

[أبو شيري]

الفورتشنر 6 سلندر عملية وممتازة جداً وأفضل فزه من اغلب الجيوب
اما سالفة الأنقلاب هذي ترجع للسواق بعض الناس يقلب لو بالحراثه
عموماً أسئل نفسك عمرك شفت فورتشنر منقلب
الجواب ... لا
لذلك أشتر وكد ومد والعمر فاني

[Mohammed5d]

الفورتشنر اعتمادي خفيف نفس صيانته غير مكلفه
كان معي اف جي وبعته وشريته فزته قويه ويعاون نفسه في الطعوس اذا غرز ماتبلش فيه
ينقصه بعض الراحه

[الفهيد بدر]

سيارته ممتازه بس انصحك بالفتك