المساعد الشخصي الرقمي

مشاهدة النسخة كاملة : اشتريت فورد امسبرورر 2004 ابي مشورتكم



صياد الرأس
25/11/2014, 07:25 PM
السﻻم عليكم
اخواني اﻻفاضل ..اشتريت فورد اكسبرورر امريكي 2004 لون اسود ممشاه 155 بالميل وعجبني ممشاه وسعرة معقول مناسب لي وماشاء الله بعد الفحص والتجربه طلع فيه ولله الحمد بعض المﻻحضات تتصلح وصلحتها وكله تمام التمام ولله الحمد .
ﻻكن بعد ماشتريتها واقتنعت بها وعجبتني كمواصفات وسﻻمه وراحة وقطع متوفر وانتم اخبر مني بها ..والمهم ..احترت فيهاو فيه من الشباب من يقول ماتصلح وخرابات وحساسات بعها احسن لك ومنهم من يقول سيارة ممتازة وعملية وقوية وخدومه وماتطلب بس المحافظه عليها اول باول ...قلت اخذ بمشورة اخواني في هذا المنتدى الصريح هم من يفيدوني ويدلوني ويرحوني من الحيرة ...وعلما السيارة عاجبتني بقوة ولقيتها بسعر طيب ولو ابيعها مابﻻقي سيارة نظيفه اﻻ غالي او قرنبع ماتصلح ...هذا ماعندي واعذروني على اﻻطالة وبرضه ابغاها احيانا للقنص والرحﻻت هي تصلح ول ماش
.....والسﻻم عليكم

المميـز
26/11/2014, 04:50 AM
:

ماشاء الله مبروك ماشريت والله يعطيك خيره ويكفيك شره
الاكسبلورر غني عن التعريف وسيارة مكده بشرط ان يكون اللي معك ٦ سلندر وليس ٨
واذا تبيه يدلعك لازم تدلعه وتعتني فيه وهذا الشي طبيعي في كل سياره
اعرف شخص معه ٢٠٠٤ ماشاء الله كارفه واذا طلب قطعه متوفره
ومثل ماتفضلت لو بتبيعه منت لاقي شي بسعره ونظافته
وعليك بالاستخاره والله يكتب لك اللي فيه الخير
وعلى فكره لو تدقق بالشوارع بتشوف الاكسبلورر منتشر من ٩٧ وفوق ولازال يكرف ماشاء الله :)


:

صياد الرأس
26/11/2014, 11:41 AM
انت المميز ...وكﻻمك مميز تسلم على مرورك وابداء رايك النير الله يعطيك العافية وماقصرت ...وشكرا لك جزيل الشكر

أبو تركي1
26/11/2014, 12:59 PM
ما شاء الله تبارك الله

مبروك ان شاء الله

والله يعطيك من خيرها

ويكفيك شرها

فعلا سيارة رائعم كما ذكر استاذنا المميز


شكرا

صياد الرأس
26/11/2014, 01:08 PM
عفوا الله يجزاك خيرا وشكرا على المرور

الصيادالمليح
26/11/2014, 01:25 PM
بعطيك عيوب الاكسبلورر
- المكينة تحتوي على جنزيرين امامي و خلفي و الخلفي اذا اخترب بيصير لك رجة بالمكينة و تطفي السيارة وانت ماشي
- بعض قطع السيارة وخصوصا قنوات التبريد تكون بلاستيكية و مع الوقت بيصير فيه تسريب و منها بيرفع درجة حرارة المكينة و بعض القطع بتلاقي مثلها حديد من سيارة ميركوري ماونتنير اللي هي نفس قطع الاكسبلورر
- بطارية السيارة لابد تكون من موتور كرافت فهي الافضل من ناحية مطابقته لمواصفات الاكسبلورر و غير هذي النوعية بتسوي خلل في السيارة
- اذا فضيت البطارية لا تحاول تسوي اشتراك مع سيارة ثانية لأنها كلها بتكون محاولات فاشلة و الافضل تشتري بطارية جديدة وتغيرها
- كهرباء السيارة حساسة فعندما تريد ان تضيف جهاز كهربائي للسيارة مثل زينون أو مسجل مع نظام سمعي او ديفي دي بشاشات لابد يكون عند خبير كهربائي معتمد و موثوق لأن أي خطأ في التوصيلات بيسبب لك خلل كهربائي و احتمال السيارة تحترق
- السيارة ليست مخصصة لخوض النفود و الرمال الصعبة فعليك الحذر وعدم المغامرة فحدها رمال سهلة و قريبة من الخط

وعليك بزيارة نادي ملاك الفورد اكسبلورر في المنتدى لمعرفة المزيد عنها

صياد الرأس
27/11/2014, 09:26 AM
الله يجزاك خيرا ويبارك فيك ويوفقك على االمعلومات هذي

sami2003
27/11/2014, 02:43 PM
سيارة ممتازة وعن تجربة بالنسبة لموديل (2004) سعودي جدا ممتاز من ناحية العزم في البر و

المدينة و توفر ورخص قطع الغيار نوعا.

بالنسبة ل (8 سلندر) استخدام امريكي ، عزم خيالي وقطع الغيار موجودة عند التقوى والوكالة للمكينة و القير والباقي نفس قطع (6) سلندر.

الفورد سيارة عريقة وعملية لكن انتبة تنقص شي من الزيت و الماء و وانتبة وانتبة من اللعب في الكهرب .
عموما سيارة ممتازة وقليل خرابات و توفر قطع غيار و سهولة استخدام وسعرها معقول جدا للسيارة دفع رباعي.

بالتوفيق.

صياد الرأس
28/11/2014, 12:02 AM
الله يوفقك ويسدد خطاك وجزاك الله خيرا ...يعني افهم من كﻻمك اني احافظ عليها واخليها معايا اهون ابيعها ..
وبالمناسبه وانا ماشي على خفيف اسمع صوت قريب من صوت القزوز او البلوف فالمكينه ..وسﻻمتكم

sami2003
29/11/2014, 06:20 PM
اذا كان نظيف و ما يطلب خله معك واحفظ فلوسك.

والصوت مدري عنه يمكن تنسيم بسيط في القزوز او الدبه الأمامية او صوت جنزيز .

وموفق خير