استفسار تركيب سده على هايلكس

[راعي الهلي 8]

السلام عليكم كيف حالكم عندي استفسار بخصوص تركيب سده على هايلكس 2008 غمارتين هل لها أضرار و وش السلبيات والإيجابيات ووين مكان التركيب و وش افضل مقاس

[الاشهب 507]

والله موضوعك
يهمني لكن ماشوف احد
رد وعطان العلم
ابغى اشوف وش فايدت السدة
واضرارها الي اعرفه يركبونها علشان الصوت
واسمع انه تدمر المكينه
الأشهب 507

[راعي الهلي 8]

مشكور على مرورك ونتمنى احد يرد علينا هل هي تضر بالمكينه ولا لا لان قريت فيه ناس تقول تضر وناس تقول لا

[قناص الوعول]

تكسب ازعاج الناس والدعاء وتضر موترك

[أبو شيري]

أسئل قبل كل شي وش الفايده اللي بتطلع بها

لا شي

مجرد ازعاج للآخرين ودامر حلالك

الأماكن العامه ليست ملك شخص واحد فهي ملك الجميع
لذلك أحرص على عدم أزعاج من حولك لنرتقي بتعاملاتنا بالأماكن العامه

[You Like Me]

وعليكم السلام ورحمه الله

السدة هي تقوم بمقام الهدرز الشورت
وهو مخصص للاوفرود او القومات الصحراوية يعني تنفعك في المرقى والبر اكثر من الخط
لإنو تعطيك باور في بداية الـ RPM
تفريغ الهواء من المحرك يكون بقوه وبطريقه سريعه لإنك اختصرت مرور الهواء في البيب لكامل الشكمان لما عملت السدة
طبعاً على بيب الوكاله ماعتقد تستفيد منها كثير تعطيك كامل نتائحها وراحه اكبر لمحرك لو ركبت هدرز
ايضاً مثل ماعملت تفريغ هواء كبير لابد تضاعف دخول الهواء للمحرك عن طريق فلتر رياضي عشان تستفيد من كل اللي سويته

اضرارها نقص الزيت
اشترها من محلات السباكة والتركيب عند محلات الشكامين شف لك واحد عارف وسبق ركبها
ومانصح تفتحها داخل البلد وفك نفسك من الإزعاج ودعاء المسلمين عليك
بالتوفيق

[راعي الهلي 8]

جزاك الله خير شاكر لمرورك بس انا ابي الصوت فيه عرس لواحد من قرايبنا وابي الصوت بالسفاره فقط لا غير

[الاشهب 507]

ركب دبه دبت كراش
دامك تبغى الصوت
ركبه ومتى مابغيت الصوت
بس شد على مسمار الدبه
واذا ماتبغاه حل المسمار شوي
او فيه دبه بلريموت تزود وتنقص
الصوت مدري كم تكلف ولا ادري كيف طريقته
لكن شفت واحد بس مركبه على شروكي
وبالريموت يزود الصوت وينقص
الأشهب 507

[راعي الهلي 8]

طيب لو بغيت افك الكنداسه بكبره تعطيك صوت بس كيف طريقة فكه

[راعي الهلي 8]

عندي استفسار الحين لو اركب سده بس ما أفكه تصير كأني ما ركبت صح ولا لا

[1824]

اذا قفلتاه يرجع الوضع وكالة واذا فتحتها يطلع الصوت قبل ما توصل الدبة الكاتمة فقط لا غير ممتازة للي بيطرب نفسة في البر وغيره ولا تفتحها في البلد ابدا ما وراها الا الدعاوي والسطحة بالتوفيق لك

[راعي الهلي 8]

ايه انا ناوي كذا ما حنا فاضين سطحات ودنيا بالبر ولا بالنفود
لاكن اذا فتحته بالنفود ما يدخل الرمل داخل الماصوره