المساعد الشخصي الرقمي

مشاهدة النسخة كاملة : سييرا 2014 غماره ولا فتك حوض



صاحب السييرا
28/11/2014, 03:38 AM
السلام عليكم


كيف الحال ياشباب انا محتار بين هالموترين مع العلم اني راعي مكاشيت واجده واللي مخوبلبي بالفتك شكله مهب جايزلي والسييرا اخاف من خراباته وتفككه وش تنصحونن به:D

1824
28/11/2014, 04:53 AM
دامك راعي مكاشيت خذ لك HD وركب له كفرات عريضة وكبيرة وتوكل على الله اهم شيء برمجة السيارة على الكفرات الجديدة عشان ما يتضرر الدفرنس ولا القير وما يوقفك شيء بالتوفيق لك

dhoomi
28/11/2014, 05:16 AM
الجحش الأمريكي اللي يسمى سييرا لايهمك
الفتك ولو طال زمانك والشكل مايعيبه ابدااا

خالد ro
28/11/2014, 05:37 AM
الفتك عزالله هوالموترلا يقربك السيرا ولاتهوجسبه ماينفع ابد

اليامي قطر
28/11/2014, 06:21 AM
احرجتني بين موترين كلها عندي محبوبه :)

محب الجهاد
28/11/2014, 07:24 AM
خلك منك السييرا وخذ لك فتك وقير عادي عز الله انه بيطربك
وخل منك الدلوع السييرا للخطوط بس

خالد تميم
28/11/2014, 10:37 AM
بعطيك خلاصة تجربة قريبي .
كان معه سيرا وتعبه بكثرة المشاكل واكثرشي كان يشتكي منه البريك .
ونصحوه باالفتك نيسان بكب واشتراه 2014 وجلس معه قرابة 4 شهور ويقول ما تقبلته مره وخاصة بعد الامريكي .
وجرب مع صديقه فورد F150 ويقول اثاريني ضايع وعلي طول باع الباترول وخذا له فورد غماره ومبسوط منه حيل وقبل ماجيت انزل ردي اتصلت عليه استنصحه وقالي لا يشاور ياخذ وهومطمن .
الله يوفقك .

qwertyu987
28/11/2014, 12:03 PM
يالله حي الرجال كل بإسمه , الموضوع قوي والمقارنة قوية , والمشاركين سيكونون أربعه , عشاق النيسان والجمس والفورد والشاص تويوتا داخلين في الموضوع , والله يعينك ياراعي الموضوع , وانا سأدلوا بدلوي وأتمنى منك قبل الأخذ برأي أي واحد أنك تستأجر الجمس أو النيسان وتجرب وتشوف واللي يميل له قلبك الله يبارك لك فيه , والاستشارة أمانه بعيد عن التعصب فأنا جربت الجمس والنيسان والدوج والشاص تويوتا , الجمس سيارة شعبية مثلها مثل غيرها سواء من ناحية قطع الغيار او الصيانه او السعر عند البيع وسيارة عملية سواء الموديل القديم او الحديث أو الحالي 2014 , والموديل الجديد 2014 صراحة أختلف إختلاف جذري في الشكل والقوة والعزل خاصة بعد تعافي جنرال موتورز من ضائقتها المالية ولايهون الموديل السابق لكن الحق يقال أنا جربت 2014 ولهذا طرحت مشاركتي , خاصة فئة z71 .

الموضوع بعد ساعات او ايام قليله راح يتشعب مثله مثل المواضيع السابقة للجمس والشاص لذا من الآن أعرف انك مقبل على كم هائل من المواضيع وكل يمدح في سيارته ومن حقهم , لكن انت لك الخيار في إختيار مايميل له قلبك أكثر حتى لو كان فيه بعض العيوب , لأن اللي يحب سيارته وخاصة الدفع الرباعي يحبها ويعشقها ويتفنن في اصلاح اعطالها

أما اللي ما أرتاح لسيارته تحصله يعذرب فيها ويتكسل حتى من اصلاح المساعد أو ربط الصدام

نرجع لموضوع المقارنة وندخل في المتشعبات الجمس سيارة كفو عزم وقوة واعتمادية مثل ماذكرت وإذا انت راعي كشتات وطلعات بر وتحميل خفيف أنصحك بفئة 1500 ولك خيار تجربتها قبل الأخذ برأيي , وإذا انت راعي تحميل وسحب وأعمال شاقة وتجور على الموتر وبطانيج وسواقتك جريئة انصحك بفئة 2500 HD دبل أرضي فيه قوة تحمل عجيبة خاصة في العضلات والدفرنس وأعطاله قليله مقارنة بفئة 1500 من واقع إطلاع على المواقع الأمريكية , ليست أعطال قوية ومؤثرة لكن تتركز على العضلات أكثر , فئة 2500 تتفوق على فئة 1500 من ناحية التورك و قوة التحمل , والعيب الوحيد في 2500 هو الطول في الصندوق.

أما الدوج من واقع تجربه أنا جربته وإذا قلت لكم هي اكثر سيارة جربتها قوية وممتازة لكن عيبها الكبير وانا اعتبره عيب يخلي الواحد يصرف النظر عنها هو وكيلها , بصراحة وكيل الدوج رام قتل الدوج سوء قتله , من ناحية توفير قطع الغيار والصيانه , وهذا سبب قلة مبيعات الدوج مقارنة بالجمس أو النيسان أو الشاص تويوتا , وانا متأكد أن عشاق الدوج زعلانين مني لأني كنت في سابق عهدي لاأرى إلا الدوج لكن الحق يقال المتحدة للسيارات أجربتنا على قول ذلك.

الشاص نيسان والشاص تويوتا سيارات عملية وقوية ولها عشاقها من قديم الأزل ومن باب العدل هي سيارات عريقة والمنافسه قائمة بينهما ومن خلال تجربة الشاص تويوتا اكثر تحمل وأقل عزم , والشاص نيسان أكثر عزم وأقل تحمل كسيارات أوف رود

ونصيحتي لك إذا انت ناوي تشتري سيارة تحصل فيها على متطلباتك في المدينة والبر عندك الجمس 1500 , اما إذا كنت أغلب وقتك بالبر عندك بالترتيب جمس 2500 ثم نيسان شاص تويوتا, ولك حق التجربة قبل الأخذ برأيي
والآن صلاه وسنكمل بعد الصلاة باقي الموضوع

الفهيد بدر
28/11/2014, 01:26 PM
خذ فتك عز وموتر ياباني 100% عكس الامريكي التعبان ابو الحراره والقير

التعـ King ـديل
28/11/2014, 05:52 PM
بالمقارنه بين السيارتين اللي ذكرت انا ارشح الفتك مكينه قويه مواصفات حلوة لراعي البر مافيه فلسفه واجد

يالبى الهلا
28/11/2014, 08:57 PM
سييرا قوة ومهابة ومكينة جباااااارة

المسافرالقديم
28/11/2014, 10:17 PM
فعلاً الفتك الشاص شكله مهوب اللي تبي . ولكن بدأت العين تألف شكله بعد ما انتشر
واذا بتأخذ فتك شاص عليك باللون البيج هو افضلهم شكل

صاحب السييرا
29/11/2014, 12:38 AM
اي والله انك صدقت

صاحب السييرا
29/11/2014, 12:40 AM
يالله حي الرجال كل بإسمه , الموضوع قوي والمقارنة قوية , والمشاركين سيكونون أربعه , عشاق النيسان والجمس والفورد والشاص تويوتا داخلين في الموضوع , والله يعينك ياراعي الموضوع , وانا سأدلوا بدلوي وأتمنى منك قبل الأخذ برأي أي واحد أنك تستأجر الجمس أو النيسان وتجرب وتشوف واللي يميل له قلبك الله يبارك لك فيه , والاستشارة أمانه بعيد عن التعصب فأنا جربت الجمس والنيسان والدوج والشاص تويوتا , الجمس سيارة شعبية مثلها مثل غيرها سواء من ناحية قطع الغيار او الصيانه او السعر عند البيع وسيارة عملية سواء الموديل القديم او الحديث أو الحالي 2014 , والموديل الجديد 2014 صراحة أختلف إختلاف جذري في الشكل والقوة والعزل خاصة بعد تعافي جنرال موتورز من ضائقتها المالية ولايهون الموديل السابق لكن الحق يقال أنا جربت 2014 ولهذا طرحت مشاركتي , خاصة فئة z71 .

الموضوع بعد ساعات او ايام قليله راح يتشعب مثله مثل المواضيع السابقة للجمس والشاص لذا من الآن أعرف انك مقبل على كم هائل من المواضيع وكل يمدح في سيارته ومن حقهم , لكن انت لك الخيار في إختيار مايميل له قلبك أكثر حتى لو كان فيه بعض العيوب , لأن اللي يحب سيارته وخاصة الدفع الرباعي يحبها ويعشقها ويتفنن في اصلاح اعطالها

أما اللي ما أرتاح لسيارته تحصله يعذرب فيها ويتكسل حتى من اصلاح المساعد أو ربط الصدام

نرجع لموضوع المقارنة وندخل في المتشعبات الجمس سيارة كفو عزم وقوة واعتمادية مثل ماذكرت وإذا انت راعي كشتات وطلعات بر وتحميل خفيف أنصحك بفئة 1500 ولك خيار تجربتها قبل الأخذ برأيي , وإذا انت راعي تحميل وسحب وأعمال شاقة وتجور على الموتر وبطانيج وسواقتك جريئة انصحك بفئة 2500 HD دبل أرضي فيه قوة تحمل عجيبة خاصة في العضلات والدفرنس وأعطاله قليله مقارنة بفئة 1500 من واقع إطلاع على المواقع الأمريكية , ليست أعطال قوية ومؤثرة لكن تتركز على العضلات أكثر , فئة 2500 تتفوق على فئة 1500 من ناحية التورك و قوة التحمل , والعيب الوحيد في 2500 هو الطول في الصندوق.

أما الدوج من واقع تجربه أنا جربته وإذا قلت لكم هي اكثر سيارة جربتها قوية وممتازة لكن عيبها الكبير وانا اعتبره عيب يخلي الواحد يصرف النظر عنها هو وكيلها , بصراحة وكيل الدوج رام قتل الدوج سوء قتله , من ناحية توفير قطع الغيار والصيانه , وهذا سبب قلة مبيعات الدوج مقارنة بالجمس أو النيسان أو الشاص تويوتا , وانا متأكد أن عشاق الدوج زعلانين مني لأني كنت في سابق عهدي لاأرى إلا الدوج لكن الحق يقال المتحدة للسيارات أجربتنا على قول ذلك.

الشاص نيسان والشاص تويوتا سيارات عملية وقوية ولها عشاقها من قديم الأزل ومن باب العدل هي سيارات عريقة والمنافسه قائمة بينهما ومن خلال تجربة الشاص تويوتا اكثر تحمل وأقل عزم , والشاص نيسان أكثر عزم وأقل تحمل كسيارات أوف رود

ونصيحتي لك إذا انت ناوي تشتري سيارة تحصل فيها على متطلباتك في المدينة والبر عندك الجمس 1500 , اما إذا كنت أغلب وقتك بالبر عندك بالترتيب جمس 2500 ثم نيسان شاص تويوتا, ولك حق التجربة قبل الأخذ برأيي
والآن صلاه وسنكمل بعد الصلاة باقي الموضوع



بيض الله وجهك كفيت ووفيت انا راعي تحميل خفيف مهب هاك الزود ودي اسئلك كيف ال1500 بالشعبان وال بالنفود والمشكله اني جربت السييرا وارتحت له بس الفتك ما لقيت من يعطين اجربه

صاحب السييرا
29/11/2014, 12:41 AM
فعلاً الفتك الشاص شكله مهوب اللي تبي . ولكن بدأت العين تألف شكله بعد ما انتشر
واذا بتأخذ فتك شاص عليك باللون البيج هو افضلهم شكل


هين اللون اكيد البيج بس خلنا نرسي على بر

صاحب السييرا
29/11/2014, 12:43 AM
بالمقارنه بين السيارتين اللي ذكرت انا ارشح الفتك مكينه قويه مواصفات حلوة لراعي البر مافيه فلسفه واجد




كلام عين المنطق

شكلك خبره بالفتك:D ودي اسئلك كيف عزمه عساو يملا العين بس:good2:

صاحب السييرا
29/11/2014, 12:45 AM
بعطيك خلاصة تجربة قريبي .
كان معه سيرا وتعبه بكثرة المشاكل واكثرشي كان يشتكي منه البريك .
ونصحوه باالفتك نيسان بكب واشتراه 2014 وجلس معه قرابة 4 شهور ويقول ما تقبلته مره وخاصة بعد الامريكي .
وجرب مع صديقه فورد F150 ويقول اثاريني ضايع وعلي طول باع الباترول وخذا له فورد غماره ومبسوط منه حيل وقبل ماجيت انزل ردي اتصلت عليه استنصحه وقالي لا يشاور ياخذ وهومطمن .
الله يوفقك .

عز الله الفرد شي بس بيتغير شكله ثمن بتنزل اول دفعه حقت الخرابات:eek:ثمن نحتري لين تجي الدفعه الثانيه وانا عجل وانا اخوك:D

صاحب السييرا
29/11/2014, 12:47 AM
الجحش الأمريكي اللي يسمى سييرا لايهمك
الفتك ولو طال زمانك والشكل مايعيبه ابدااا

احترم وجهت نضرك:good: بس وشي الاسباب اللي خلتك تقول كذا

صاحب السييرا
29/11/2014, 12:48 AM
احرجتني بين موترين كلها عندي محبوبه :)

انا منزل الموضوع علشاني نفس وضعك:good::D

كم كيلو باقي
29/11/2014, 12:59 AM
سقت كل الموترين بالنفود وكلهن كفو كفو كفو
السييرا يبي له مبرد قير ورفعه بسيطة ويكون عندك خلفية بسيطة بالميكانيكا والحساسات والتعامل المثالي مع القير التماتيك والتحمية الصبح وما الى ذلك
والفتك مايحتاج اجلده جلد من باب الوكالة باذن الله ماعليه الا العافية خفييف وقير ودفرنس تعجبك يلزمه دفلك وبدون ثلاجة

الفتك غمارته ضيقة شوي اذا انت معافيك ربي بتتضايق شوي
السييرا وسيع
السواقة بالديرة الفتك رهيب يزروق مايبلش
السييرا طبله ويبي له كم حكه لين تضبط وزنيته
بالنفود السييرا يتعلق بسهولة يبي لك تراعيه بالسيوف
الفتك يلعب لعب ماشاء الله
الفتك ميزته قير عادي اذا انت متعود عليه وماتخاف تتعب منه خذه ماينمل من سواقته
الفتك يبي له جنوط وترتيب بسيط ويطلع ملك
صندوق السييرا كبير ماشاء الله والفتك اصغر شوي

زبدة الكلام هي على جوك الموترين كلن فيه ميزاته وسلبياته

ابونبيل
29/11/2014, 01:49 AM
اكيد الفتك بيتحمل مكاشيتك وعزمه ممتاز اما السيرا حق خط ومكشات خفيف

Shqra
29/11/2014, 01:52 AM
الفتك = سعر أفضل مقابل قيمة , جاهز للبر حق كرف ماتخاف عليه خفيف ووذف (كنت أفكر فيه قبل فترة بسيطه بس هونت وجلست مع السفينة حقتي)

السلفرادو أو الجمس = عندي وانيت 8 مسامير غمارتين . الموتر رقم واحد في التعديل و الأمر الثاني موتر تحميل من الدرجة الأولى حط بالحوض اللي تبي وبإذن الله مايطيح. مشكلته ثقيل في السواقة تحس إنها مسؤولية بزيادة ومايصلح للبلد .

إلا إذا بتاخذ السلفرادو\سييرا الـ 1500 فهنا أتوقف وأقولك ماعندي علم لكنه وذف وعزمه قوي , أقوى من الـ 2500

فيه نقطه المكيف يدخل عليك ريحه وغبار بالأمريكي بينما الباترول ماجربت :)

قناص مزاجي
30/11/2014, 12:35 AM
الفتك عيبه الكهرباء فورد 150 ممتاز

---ابو يوسف-
30/11/2014, 01:12 AM
انصحك بالفورد بحكم اني مجربه مافية كلام باذن الله بر وديره ووسع كان عندي 6 سرندل 2012 ممتاز بس غماره
واحتجت الغمارتين وبعته وشريت في اكس 4 مكينة رابتر وكلهن زينات بس الغماره ازين بالبر والغمارين اريح
والجميل بالفورد انه في ربع بالغمارة تقدر تسدح المرتبه او تحط اغراض واذ بتاخد خذ ثمانيه سرندل عشانه يجي معه دفلك
واذ بتجربه حياك الله انا بالرياض

Obu-Nasser
30/11/2014, 01:12 AM
اسمك "صاحب السييرا" !!!!
اذا انت صاحب السيرا ليش تسأل عن الفتك!!!
والا شغل شبها بين ملاك السيارتين؟
هالنوع من المواضيع صاير مثل بقرة بني اسرائيل، اذا الواحد مهوب عارف وش يبي الناس ماراح تدله.

الصخري
30/11/2014, 09:04 AM
اخوي انصحك بالفتك قوه وراحه وصبر

1824
30/11/2014, 06:31 PM
اقول الحق على عرض السييرا الجديد z71 ب 125 الف والسلفرادو ب 115

ABO AZZAM 123
30/11/2014, 06:52 PM
غير الشاص التويوتا او الشاص النيسان الفتك

غير هالعينين لا تاخذ نصيحة

التعـ King ـديل
30/11/2014, 06:55 PM
كلام عين المنطق

شكلك خبره بالفتك:D ودي اسئلك كيف عزمه عساو يملا العين بس:good2:


بالنسبه لي طالما يحمل هذا الشعار http://mekshat.com/vb/images/myicons/36.gif فاانا اعشقه ولكن من تجربه للسيارات اليابانيه مثل الباترول وغيرها اشوف ان الشاص الفتك اكثر من رائع عزم ورساوه وقله كهرباء وفلسفه بس طبعا مايجي مثل راحه الامريكي ولكن يتفوق على الامريكي في البر لانه خفيف ومكينته قويه ومواصفاته حلوة دفلك وثلاجه ومكينه 4800 تعطيك 280 حصان اعتقد ان محركاته ومواصفاته كافيه لراعي البر والدليل انتشاره بشكل كبير للاستخدام عكس غيره معروض للبيع وهو جديد

صاحب السييرا
01/12/2014, 02:16 AM
اخوي انصحك بالفتك قوه وراحه وصبر


الاسم ما يعني اني املك هذي السياره لا والله حتا موتري شفر صغيره وبشري حدا هالموترين ان شاء الله عما قريب

صاحب السييرا
01/12/2014, 02:17 AM
بالنسبه لي طالما يحمل هذا الشعار http://mekshat.com/vb/images/myicons/36.gif فاانا اعشقه ولكن من تجربه للسيارات اليابانيه مثل الباترول وغيرها اشوف ان الشاص الفتك اكثر من رائع عزم ورساوه وقله كهرباء وفلسفه بس طبعا مايجي مثل راحه الامريكي ولكن يتفوق على الامريكي في البر لانه خفيف ومكينته قويه ومواصفاته حلوة دفلك وثلاجه ومكينه 4800 تعطيك 280 حصان اعتقد ان محركاته ومواصفاته كافيه لراعي البر والدليل انتشاره بشكل كبير للاستخدام عكس غيره معروض للبيع وهو جديد


بيض الله وجهك كفيت ووفيت:good2:

صاحب السييرا
01/12/2014, 02:19 AM
انصحك بالفورد بحكم اني مجربه مافية كلام باذن الله بر وديره ووسع كان عندي 6 سرندل 2012 ممتاز بس غماره
واحتجت الغمارتين وبعته وشريت في اكس 4 مكينة رابتر وكلهن زينات بس الغماره ازين بالبر والغمارين اريح
والجميل بالفورد انه في ربع بالغمارة تقدر تسدح المرتبه او تحط اغراض واذ بتاخد خذ ثمانيه سرندل عشانه يجي معه دفلك
واذ بتجربه حياك الله انا بالرياض

ما تقصر والله يابعدي وملاحظلتك عين الاعتبار:good:

صاحب السييرا
01/12/2014, 02:21 AM
غير الشاص التويوتا او الشاص النيسان الفتك

غير هالعينين لا تاخذ نصيحة
التويوتا الصراحه انه ما يجوزلي من وجهة نضري

صاحب السييرا
01/12/2014, 02:22 AM
اقول الحق على عرض السييرا الجديد z71 ب 125 الف والسلفرادو ب 115

بيض الله وجهك بكرا انا بالوكاله ان شاء الله

1824
01/12/2014, 04:12 AM
بيض الله وجهك بكرا انا بالوكاله ان شاء الله

العرض في التوكيلات العالمية الحق ما تلحق للغمارة فقط طبعاً اذا تبي امورك ولا احلى روح محل برمجة بعد ما تطلعة قوله يبرمج المراوح بس يزيد سرعتها على الحرارة العالية لمن تنضغط السيارة في البر وكذا انا مسويها بموتري تاهو طبعا النظام في 2007 وفوق المراوح تشتغل بنسب يعني تبدأ من 90 تشتغل 40% 94 تشتغل 44% 98 تشتغل 48% 102 تشتغل 52% وكذا لين 115 تشتغل 99% قله يسوي زيادة عامة 20% وبس يحددها عنده بالابتوب على كل سرعاتها انه تزيد 20% وابد روح وين ماتبي في البر ولا تشيل هم شيء والضمان ماشي لانه ما تطلع عندهم انك مسوي شيء بالتوفيق لك والموتر 10 سنين قدام لا تشتكي من قير ولا مكينة لان ما يقتل المكينة او القير الا الحرارة فقط

انا الحين في البر اتمشى اطعس زي ما ابي واسحب واللعن ام الموتر حرارة المكينة ثابته على طول والقير اذا وصلت مرة 80 وعندك لين 125 في القير ويشتغل نظام الامان يفصل القير لين ما تنزل الحرارة مرة ثانية طبعا اذا وصلت 100 وقف لين ترجع تحت 90 وبعدها حرك لان هذا قبل البرمجة بعدها زين اذا وصلت 80 بعد الكد والمد وفي المدينة بين 50 و 60 وكالة بين 70 و 80 واصلا حق الوكالة احسن في المدينة لان القير اذا صار بارد مرة يضره بالتوفيق لك والله يبارك لك في الموتر
واذا سويت الي قلتلك علامة المكينة منت شايفها لين ما تروح تشليح ههههههههه بعيده عننا وعنكم ان شاء الله وسلامتك

أبوتركي V8
01/12/2014, 09:58 AM
اخوي الغالي

وجهة نظري

بنسبه الامريكي الجموس تلاحض فيه شوية تقنيه ولبر مايحتاج لتقنيه يحتاج لموتر صلب والجمس شاصيه نازل وشي الثاني الغماره شاصه نازل وطويل شوي احسب حساب تعلق ع طول والاحتكاك البطن لو تطمر رصيف حك من شاصيه نازل

هذي وجهة نظري

والشاص النيسان ابدعو فيه الفل ثلاجه ودفلك وياي ومكينه ماشاءالله وشاصه رفيع بطن الموتر كله رفيع واقل طول بشوي من الجمس لو ترفعه زود ماعندك مشكله وينقصه ونش