المساعد الشخصي الرقمي

مشاهدة النسخة كاملة : رأيكم بخصوص ماطور الهواء



كيمو..
30/11/2014, 06:10 AM
السلام عليكم ورحمة الله وبركاته
مساء/صباح الورد


اخواني انا معي جيب واطلع للبر بشكل دوري مايقل عن مرتين بالاسبوع للبر

وعندي ماطورين هواء 1-ماطور تويوتا(ضعيف جدا ولا يعتمد عليه وعادي يخرب بدون سبب)
2-ماطور ابو جمل راسين تقليد قيمته 100 ريال عند محلات الزينه(له معي 3 سنين تقريبا وزي الفل ماشاء الله) لكن مشكلته يحتمي بعض الاحيان
وضعيف يعني يصلح للسيارات الصغيرة


المهم انا حاب اشتري ماطور قوي يوفر علي الوقت والجهد
عندي 3 خيارات وأبي رأيكم


1- ماطور السنيدي (يعرف عنه انه قوي) لكن قيمته عالية 500 ريال تقريبا
2- ماطور ابو جمل الأصلي الكبير( يعرف عنه القوة أيضا وعملي) قيمته 350-400 ريال تقريبا
3- ماطور رفيق الدرب(فيه ميزة انه يعبي الكفر من 0-40 خلال 3 دقايق، يعني لو كفر السيارة فيه 15 وتبي تعبيه الى 30 ماراح ياخذ منك دقيقة ونص بالكثير
طبعا عليه ضمان 6 شهور
قيمته 350 ريال وهو الأرخص تقريبا


الصراحة انا دخل ببالي ماطور رفيق الدرب وافكر فيه بالحيل
لكن مانستغني عن اراء اهل الخبرة شرواكم

وجزاكم الله خيرا

Obu-Nasser
30/11/2014, 07:27 AM
لاتتعدى ابوجمل تيربو، يكد ويمد.

AMERALNET
30/11/2014, 08:18 AM
كلام اخوي ابوناصر على متمه
ابوجميل
كد ومد اللهم لك الحمد شفه مع بعض الشباب ومعي له قرابة الاربع سنوات او اكثر
وانصحيك بالتيربو

فؤاد الزهراني
30/11/2014, 08:27 AM
أخوي كيمو...

إذا بغيت الجد والنصيحه فلا تبعد عن أبو جمل

أنا شريته قبل أسبوع ويوم الجمعه طلعت للبر ونسمت لكفرات الموتر لتجربة الماطور

أنا تفاجأت بصراحه ( ما شاء الله تبارك الله )

طبعاً أبو جمل يجي منه عدة أنواع وأنا اللي شريته أبو لي قصير وسلك طويل

سعره ( 330 ) ريال من الشراع << الوكيل طبعاً

نصيحة من مجرب وأنا أخوك


مميزاته :

- سرييييييييييع في التعبئة.

- صوته هاااااااااااادي مو مزعج.

- وزنه معقووووووول جدا جدا جدا.




إن كان إنك تبي النصيحه فلا تبعد عنه


تمنياتي لك بالتوفيق

ا ل ح
30/11/2014, 09:53 AM
ابو جمل سعرة ممتاز بالنسبة لادائه
عندي واحد شريه من الشراع ب 330 طبعا لي قصير سلك طويل ممتاز جدا
بس حسب علمي اانه ماينفع للسيارات الثقيله مثل الجيوب لازم مقاس كبير ( التيربو )

فؤاد الزهراني
30/11/2014, 10:05 AM
أخوي ( ا ل ح )

أنا أختلف معاك في قولك أنه ما ينفع للسيارات الثقيله

أنا معاي تاهو أستغفر الله من قولة والله ما اظن جلست دقيقه أو دقيقتين في نفخ الكفرات

وأنا ما شريته الا بعد أن نصحني كثييييير من الإخوان فيه

حفظكم الله جميعاً

أبوصالح9
30/11/2014, 01:35 PM
انا بالنسبة لي شاري 10 مواطير رفيق الدرب - مابين هدايا واستخدام - مع ان معي ماطور ابو جمل القديم من عام 1419 - يعني 17 سنة - ولله الحمد لازال يعمل مثل الجديد - بس بصراحة رفيق الدرب جدا ممتاز بس عيبه الوحيد الثقل واذا مايهمك الثقل انصح فيه وبقوة

الذئب الاليف
30/11/2014, 02:08 PM
صحيح



ابو جمل وبس بشرط يكون راسيين

كيمو..
01/12/2014, 12:27 AM
جزاكم الله خير على ردودكم وارائكم

بكذا استبعد ماطور السنيدي

وان شاءالله ابجزم على احد الحسنيين رفيق الدرب او ابو جمل
فيه واحد من الشباب عنده رفيق الدرب ابجربه اول واشوف وش وضعه وبعده اقرر ان شاءالله

جزاكم الله خيرا مره اخرى

علي ابن
01/12/2014, 07:51 AM
انا شريت ابو جمل تيربو ب450
لكن مااشاء الله

يعبي الكفر من صفر الى 25 بدقيةق ونصف فقط
وثبته بالكبوت

فؤاد الزهراني
01/12/2014, 11:23 AM
انا شريت ابو جمل تيربو ب450
لكن مااشاء الله

يعبي الكفر من صفر الى 25 بدقيةق ونصف فقط
وثبته بالكبوت




أخوي علي ابن

والأخ كيمو..

ولجميع الأخوان في المنتدى


بعطيكم نصيحه بخصوص تثبيت ماطور الهواء في الكبوت

نصيحه ثم نصيحه ثم نصيحه


لا أحد يثبته في الكبوت


خلوني أعلمكم ليش


الحين خلونا نفترض إن عمر الماطور الإفتراضي 5 سنوات

بعد تثبيته في الكبوت يقل عمره الإفتراضي إلى النصف أو أكثر

يعني بعد سنتين أو ثلاث الله يرحمه كان طيب وإبن حلال ماطورك


بتسألوني ليش


الماطور وش اللي جنبه؟؟؟


الماكينه حقت السياره وهي بحد ذاتها عليها حراره

تطبخ عليها فطورك وغداك وعشاك << قويه صح :D

نكمل

الحراره هذي تدخل على البساتم والماكينه حقت الماطور وتقلل عمرها الإفتراضي

هذا طبعاً لو تم إستبعاد حرارة الصيف << :f




عساني وصلت المعلومه بشكل مبسط :good2:



أبو أحمد
.
.
.

بوماريه
01/12/2014, 10:46 PM
يعطيكم العافيه

وين احصل ابوجمل تيربو الأصلي بحائل

ابو نواف المطرفي
09/12/2014, 04:41 AM
انا استخدم ابو جمل تيربو من سنتين ... بصراحة بعد التجربة وخاصة ان كفراتي 17 من افضل المواطير ... وعذروبه سعره ولكن الغالي سعره فيه . شريته ب 450

A7MAD-STYLE
24/12/2014, 09:03 AM
سبق وكنت محتار زيك في شراء ماطور هواء ونزلت موضوع في المنتدى والأغلب أشار علي بماطور هواء ابوجمل لي قصير .. والحمد لله بعد عدة مشاورات واستخارة اشتريت يوم الخميس الماضي واحد من وكيله الشراع بالغرابي بالرياض بـ 330 ريال .. وإلى الآن لم أجربه وبإذن الله النية موجوده يوم الجمعه للذهاب للطعوس وتجربة الماطور ..

سارق الكحل
25/12/2014, 12:16 AM
شريت قبل أسبوع ماطور هواء

من الشراع ابو جمل تيربو بسعر 460 ضمان سنة

ماشاء الله سريع اليوم جربته لقيت الكفر على الجنط وماشاء الله بسرعة عباه

لقيت عندهم نوع الصراحة فكرته حلوه وعاجبني وكنت متردد أخذه
بسعر 370 وفيه ميزة وهي :
يوجد ساعة على الماطور تقدر تضبط كم تبغى يكون الهواء بالكفر تفر الساعة الى 35 مثلا وتشغل الماطور اذا عبا الى 35 يطفي الماطور لوحده

الصراحة حلوة من كل شوي تقيس كم وصل الضغط

لكن أخترت التيربو ( قديمك نديمك)

اليامي قطر
25/12/2014, 12:30 AM
عندي ماطور له اربع سنوات لونه اصفر والحقيقه مادري وش اسمه

والصنع ياباني ماله الا راس واحد جالده 4 سنوات اعبي جيوب واعبي جموس

وماشاءلله تبارك الله ممتااااااااااااااااااااااااااااااااااااااااااااااا از