المساعد الشخصي الرقمي

مشاهدة النسخة كاملة : هل تنصحون بشراى جيب شروكي....


جراند شروكي
14/12/2006, 09:50 AM
السلام عليكم ورحمة الله وبركاته
حبيت اصبح عليكم واقولكم اهلا وسهلا للجميع
يا جماعه انا لي اسبوع ابحث عن جيب شروكي او قراند شروكي بس مشكلتي ما اعرف اسعارها ولا اعرف الزين منها هل الاستخدام الامريكي افضل من السعودي هل السته سلندر افضل من الثمانيه هل الجراند شروكي افضل من الشروكي العادي ايهما افضل في الموديلات مع العلم اني ارغب من موديل 95 الى 99 لاني اتوقع اسعارها ما هي غاليه ...
ارجوا من اصحاب هذا النوع من الجيوب الرد علي واذا تعرفولي واحد يرغب في بيع هذا النوع من الجيوب ردولي خبر واهم شي النظافه في الموتر ...
انا شاكر ومقدر كل من يرد على هذا الموضوع ويدلي بدلوه من اصحاب الجيب الشروكي
ولا يهونون البقيه ...
اخوكم من اسمه / جراند شروكي ....
خالد2006
14/12/2006, 11:26 AM
هلا اخوي كيف حالك المفترض
خالد2006
14/12/2006, 11:31 AM
هلا اخوي جراند المفروض انك انت تعلمنا عن الشيروكي عشان اسمك جراند المهم شف اخوي اذا تبي نصيحة الجراند لاتقربه ليش ... عشانه حساس ولا يصلح للبر يعني اللي راعي كشتات راح يعاني منه ومن خرابته وميزته شوي يتمتع انه المقاعد وسيعة اما الشيروكي العادي فهو اذا حصلت شي نظيف يعني انتبه معنى كلمة نظيف ويستحسن انه واحد اللي فاكه فهو ممتاز وراح يصبر معاك خصوصا اذا انت استخدامك عادي اما اذا اشتريت واحد رايح فيها الله يعينك على الصناعيه تبي تروح فيه من السبت الى الاربعا ء كله بالصناعيه تاخذه الخميس والجمعه بس هههههههه بعدين ترجعه لصناعيه ... يعني ملخص كلامي هو قوي وممتاز لكن احرص على النظيف ومع السلامه
zaizoom
14/12/2006, 02:24 PM
هلا اخوي جراند المفروض انك انت تعلمنا عن الشيروكي عشان اسمك جراند المهم شف اخوي اذا تبي نصيحة الجراند لاتقربه ليش ... عشانه حساس ولا يصلح للبر يعني اللي راعي كشتات راح يعاني منه ومن خرابته وميزته شوي يتمتع انه المقاعد وسيعة اما الشيروكي العادي فهو اذا حصلت شي نظيف يعني انتبه معنى كلمة نظيف ويستحسن انه واحد اللي فاكه فهو ممتاز وراح يصبر معاك خصوصا اذا انت استخدامك عادي اما اذا اشتريت واحد رايح فيها الله يعينك على الصناعيه تبي تروح فيه من السبت الى الاربعا ء كله بالصناعيه تاخذه الخميس والجمعه بس هههههههه بعدين ترجعه لصناعيه ... يعني ملخص كلامي هو قوي وممتاز لكن احرص على النظيف ومع السلامه


صح لسانك يالغلا .. مثل ماقالك أخوي (خالد2006) ..

أهم شي النضااااااااااااااااااااااااااااافة .. النظااااااااااااااااااااااااااافة ..

لايغريك البدي .. عن ملاحظة العلل الرئيسية وهي :

1_ العمدان (الدبل والكردان) ..

2_ الدفرنس (انتبه من الدفرنس ) ..

3_ القير والمكينة طبعا ..


هذا بخصوص الشيروكي 6 سلندر ..

انصح من موديل 98 حتى 2001 ..

يفضل سعودي (مرغوب عند البيع بقوة) ..


أما القراند (لاتقربه) :no2: ..


ياحبذا لة تزور موضوعي الهااااااااااااااام جداااااااااا حول الشيروكي ..
قبل أن تقدم على الشراء ..

اضاءات حول الشيروكي .. عيوب .. مميزات .. تنبيهات (http://www.mekshat.com/vb/showthread.php?t=56179)

الله يوفقك يالغلا ..
ولد عبدالله
14/12/2006, 03:43 PM
اذا تبي النصيحه

خذ جيب شروكي ليبرتي
صغير وخفيف وشكله حلو وصبور
ولايصرف بنزين ومريح

موتر بمعنى الكلمه
عزم خذ عزم
لافكسار ولاسفاري

واذا تبي نظيف
مر صالة الفليج بالشفا
عندهم واحد فضي نظيف وعليه ضمان 3 سنوات
شامل قير مكينه دفرنس

بالتوفيق
جراند شروكي
14/12/2006, 06:59 PM
يعطيكم الف عافية
شكرا يا خالد على النصيحه ولا يغرك الاسم ترى من جنبها في الشروكي لي اسبوع وانا في المعارض ...........
شكرا لك اخوي za على كلامك ونصيحتك .........
شكرا اخوي ولد عبدالله على الرد وشاكر مرورك ............
ابسالكم عن جراند شروكي لقيته اليوم موديل 99 اللون ذهبي فل كامل 8 سلندر الموتر شكله نظيف وبيني وبينه الفحص لكن كم تتوقعون سعره وهل تنصحون فيه ..... طبعا ولا مردود لكلامكم عن عيوبه لكن انا ماني راعي تطعيس وخربطه انا ابيه ومعي موتر ثاني بس على شان ما اغرز في البر وادخل الاماكن الي ما اقدر ادخلها بسيارتي العادية ...
وسلامتكم جميع
ولد عبدالله
14/12/2006, 09:32 PM
الان موسم الجيوب

اتوقع 30 الى 35 الف حقه

وانتبه لاتروح لورشه يدلك راعي السياره عليها
لانهم يتعاملون مع ورش

رح لورشه بعيده عنهم
وتعرفهم زين او موصى عليها
mr guzai
15/12/2006, 08:40 AM
انا مع ولد عبد الله ليبرتي صغير وحلو وعزم وصرفه قليل في موضوع البنزين وفي التطعيس حدث ولا حرج يعجبك ؟
أسامة
15/12/2006, 01:03 PM
شف أخوي أنا قد شريت قراند شروكي استعمال امريكي
والحقيقة انه موتر وحليو للي يحافظ على السيارة ويراعيها بالزيت والتشحيم و... و... يعني يحافظ على السيارة مثل ما يحافظ على عينه
لكن لو سألتني تنصحني فيه ؟ قلت لك : لا وبالفم المليان !!
ليه ؟ لأن وكالته زفت وقطع غياره غويليه شوي والامريكي ما يتأقلم مع حرارة السعودية ، بمعنى في الطعوس ولمدة خمس دقائق مشي على النفود ، هذي كفيلة برفع الحرارة فوق النص !
حبيت مرة أغير فلتر القير ، فرحت للوكالة وقالوا لي : نغيره بثلاثة آلآف ريال !
طيب ليه بـ 3000 ريال ؟
قالوا : لأننا راح ننزل القير كامل ونفكه عشان نغير الفلتر
طبعا مباشرة رحت فيه للمعارض وبعته وشريت من القهر كراسيدا 94 أوتوماتيك وعلى طول غيرت فلتر القير اللي كلفني مع القطع الاصلية وشغل اليد والزيت 135 ريال ميه وخمس وثلاثين ، والله فرق
عموما وضعت بين يديك تجربتي ولك الخيار
تحيتي
السالمي
15/12/2006, 06:10 PM
ليه ؟ لأن وكالته زفت وقطع غياره غويليه شوي والامريكي ما يتأقلم مع حرارة السعودية ، بمعنى في الطعوس ولمدة خمس دقائق مشي على النفود ، هذي كفيلة برفع الحرارة فوق النص !
حبيت مرة أغير فلتر القير ، فرحت للوكالة وقالوا لي : نغيره بثلاثة آلآف ريال !
طيب ليه بـ 3000 ريال ؟



ابي اعقب على كلام اخوي أسامه



انا معي قراند شروكي 94 6سلندر امريكي



حرارته الربع في الصيف والان تحت الربع في الشتاء



والسبب بسيط جدا وقيمته 70 ريال مع شغل اليد اللي هو البلف غيرته وكلفني 70 ريال



والحمدلله ماقد ارتفعت





اما فلتر القير



شف الليوم جمعه واللي شرف ها الليوم



اني مغيره اصلي بقيمة 25 ريال فقط



والزيت تقريبا حوالي 80 ريال



وفك وتركيب الفلتر القديم وتركيب الجديد حوالي 150 ريال



يعني حوالي 255 ريال تكلفة تغيير الفلتر



3000 رياال هذي من وين جت وانا مغير الفلتر والزيت اصليه ماهي امريكي اصلي



وعلى فكره الكلام هذا له سنه ونص يعني لو ماهو اصلي يمديه قلب لون الزيت الا الان زيته تمام



الشروكي موتر الفاااااااهمين واللي يعرفون له



اما اللي مايعرفون عنه شي يبعدون عنه ازين لهم



وانا تراني راعي بر ماني راعي ديره حدي جنب البيت
الجفن
15/12/2006, 06:23 PM
يا اخ شروكي تبي نصيحت اخو انحش على الشروكي لو انه جيديد لانه هو مصنوع على حساب الورش انا كان عني شروكي يوم معي وسته أيام في الورشه وكان جديد يعني نصيحتي لك شف لك تايوتا او نيسان اهم شي ابعد عن الشروكي ورايح تسمع كثير عن الشروكي من الناس المجربين لانه موتر ورش وخربات وما يتكل عليه في كل شي !!!!!!!!!!!!!!!!!!!!!!!!!
المسفري
15/12/2006, 06:51 PM
السلام عليكم جميعا
الأخ قراند شروكي
أولا أذا أنت ما تحب التطعيس والمغامره فنصيحتي لك أبعد عن الشروكي وأخذلك سياره تناسب أحتياجك
أما أذا أنت عكس ذللك ..........
فأنصحك بالشروكي ليه ؟؟؟؟؟؟ شروكي عادي يعني مو قراند
قوي
جبار وخاصه بالرمل
مايصرف بنزين (550)كيلو بالظروف العاديه بالراحه
قطع غيار سعرها متوسط
غير مستهلك للقطع (القطع الأصليه)
قطع متوفره خاصه دويرة الخرج أذا أنت من أهل الرياض(أبعد عن الوكاله غالين جدا)
مثال (قماشات أمامي أصلي موبار 150 ريال وتجاري أمريكي 50 ريال )(طرمبه ماء أصلي 160 ريال أصلي)
أنا عندي شروكي فاكه على أيدي من الوكاله 2001كلاسيك ممتاز جدا
وحرارته النص صيف وشتاء
والشروكي أذا وصلت حراته للنص يعطيك أفضل عزم وأقل صرف للوقود
وأخيرا كل سياره تهملها تتعطل والأستخدام له دور
أي أستفسار أنا حاضر
أخوك /المسفري
أسامة
15/12/2006, 09:43 PM
أخي السالمي حفظك الله
أنا أنقل كلام الوكالة لي 3000ريال !
ممكن فهموا غلط ؟ ممكن انا فهمت غلط ؟ ما أدري كلش جايز
وممكن تغييره برا الوكالة له سعر خاص ما أدري ؟
لكني ما كنت اوديه لغير الوكالة
جراند شروكي
15/12/2006, 10:53 PM
يعطيكم العافيه يا اخوان جميع ................. والله احترت يا الربع ناس يمدحون وناس يعيبون الموتر .... وش الدبره ؟ اقولكم بالعربي انا فلوسي كلها 20000 ريال ... وكنت ادور شروكي علشانه رخيص واليوم كنت في المعارض وطفشت ومشيت ... تعرفولي جيب بها القيمه يعطيك بالبر ويا حليله في المدينه ....... والظاهر اني ابصرف النظر عن الجيب وخلك على قردك لا يجيك الي اقرد منه .... والله اشرايكم ؟
المهم شكرا على مرور الجميع وشاكر ومقدر على جميع الاخوان ونصايحهم ......