بخصوص تجهيز اهم شي بالسيارة....أكتشف الكفرات المغشوشة

[كاريرا]

السلام عليكم

الكفرات اهم الاكسسوارات وبالذات اذا صارت مزيفة والمشتري هو المسؤل

لانك لازم تقاطعهم وتشتري من الانترنت او من الوكيل



تو انا عند وكيل برجستون الطلاع

وجاه واحد قال ليش الكفر جديد وحبل وخرب بسرعة

يوم تتبع الرقم الستسلسي طلع اماراتي مكتوب صنع باليابان

ومايشملهم الضمان

عشان كذا برجستون الاماراتي 400 ويبعونه دبل وبدون ضمان



تبي الدليل



قل
ابي تكتب بالفاتورة ضمان صناعة يابانية راح تسمع انواع الاعذار

وبالنهاية ترى ارواح اللي معك اهم من روحك اذا كنت بخيل

حرام يموت طفل او تيتم اطفال وتركب من عند غير الوكيل

ووزير التجارة مو فاضي يشيك على كل المحلات

واصحاب المحلات لاذمة ولا ضمير

والكفيل السعودي هو السبب حسبي الله ونعم الوكيل نشوفها بعيالهم

واطلب الختم ع الفاتورة
انتبهو الله يسعدكم

[حسين السبيعي]

الله يستر الغش صار في كل شي

[سبيل الرشد]

وَلاَ تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ

[بربنجي]

ما فيه شك الكفرات تعتبر من اهم او اهم حاجه في السياره
ولا فيها خساره حتى لو غالية
وتجارنا تحس ما عندهم وطنية ولا ما كان غشوا المسلمين المواطنين

[المميـز]

:

موضوع مهم
الله يجزاك خير
الافضل الشراء من الوكيل نفسه

:

[كاريرا]

السلام عليكم

مشكورين على الردود

القصد الواحد ينتبه مو كل شي ناثق فيه

بالذات المقلد والتجاري حتى الساعات السويسرية مغشوشة

فانت تشري اي شي من الوكيل افضل وامن حتى لو غالي