الهدد ياهل الهدد اهداء لراعي الهدد

[عاشق الGX]

السلام عليكم ورحمة الله وبركاته
والله يمسيكم بالخير

حبيت اشارك بهالموضوع بعد غيبه طويله وكله لعيون الهدد وراعي الهدد اللي لاحضته يقدر هالمواتر وباختصار وبعد استخدام سنتين ولحد الآن يكفيكم يالربع في هالموتر ثلاث --- الخف--- النشاط---- الارتفاع---

ومثل ماله ثلاث خصال له عندي ثلاث مهام ويشهد الله انه مبدع ومطربني فيها بعد وتكفون اذكروا الله عليه دا هو اللي طلعت بيه من الدنيا :D والمهام هي :

المقناص = سواء كانت الارض وعره والا سهله
http://www.mekshat.com/pix/upload/images24/mk15504_1.jpg

http://www.mekshat.com/pix/upload/images24/mk15504_2.jpg

المرباع = سواء كانت الارض هلاش والا شداد
http://www.mekshat.com/pix/upload/images24/mk15504_3.jpg

http://www.mekshat.com/pix/upload/images24/mk15504_4.jpg
http://www.mekshat.com/pix/upload/images24/mk15504_5.jpg

التشخيص = وراس مالها جنوط لكزس مع انها تثقل عليه لكن بالمدينه مامن خوف
http://www.mekshat.com/pix/upload/images24/mk15504_6.jpg

والعذر والسموحه لو حصل لخبطه
http://www.mekshat.com/pix/upload/images24/mk15504_7.jpg

[GX 2]

عيني عليك باردة ...

تحياتي ،،،

[القاضي فاضي]

يعطيك العافيه على هذه الصور الرائعه

لكن سؤالي عن الهدد

1- كم اسعار 2006 و2007 القير العادي والاوتماتيك
2- عنوان ورقم هاتف معرض اليحي بالقصيم

ولك مني جزيل الشكر

[أبوناصر]

نفس سؤال القاضي فاضي

[هاوي المستوي]

السلام عليكم
يارعي الGX عزالله انك عرفت تختار الموتر وانا اشهد لك ماشالله ابسالك
عن كفرات وشهي هل هي طيبه من ناحية البر السلام

[ابرق العزاف]

بالبركه ويتبارك لك
واشكرك على الموضوع

[alsaif]

الله يبارك لك فيه انشاء الله

[بيرق التوحيد]

يعطيك العافيه على هذه الصور الرائعه

لكن سؤالي عن الهدد

1- كم اسعار 2006 و2007 القير العادي والاوتماتيك
2- عنوان ورقم هاتف معرض اليحي بالقصيم

ولك مني جزيل الشكر


اسعار 2006 فل كامل دف لك ومكره واسبيرين كان بــ 137500 من اليحي

و2007 حسب ماسمعت انه بــ 142الف دف لك ومكره خلفية لكزس

معرض اليحيى - القصيم - بريدة

ت: 063854366


اما وبعد ما وصلت لك كل ماتريد فانصحك لاتشريه ابد

انا مجرب وشريت 2006 جديد من اليحي

ونصيحتي لاتشريه

هذا رايي

والله يوفقك

[هواوي]

الله ما فيه زي التيوتا روعه وقوه ومتانه لاقصى حد

انا توي شاري باترول ربع ستاند توقعته من كلام الشباب تمام
الان مشى 1000 الف كيلو قط

عيوبه كثير

الى الان ظهر صرف هائل للبنزين

وزوزه خفيفه في الباب الخلفي

عند القير حاراه ما اعتقد انه طبيعيه لاني احس بلفحها ويدي على القير

انا مجرب الجي اكس والفي اكس ار والربع تويوتا

صراحه وبكل امانه لا يقارن شي بالتويوتا

ربع التايوتا افضل الف مره من الربع النيسان حتى القير ما تحس فيه بقساويه وفراغ بعض الاحيان

ربع التويوتا تحس انه قطعه وحده والقير سلس في التغييرات خاصه في اوقات الزنقه


عموما سلمولي على التيويتا وباذن الله اول ما ينزل الجي اكس 228 باشكل الجديد باشتريه وباتخلص من الباترول الي شريته كتجربه من كثر ما مدحوه الشباب في المنتدى ولكن وبعد تجربه 1000 كلم فقط اقول لا تبعدون عن التويوتا


على فكره الالف كيلو ليست في طريق ممهد للامانه بل في طريق وعر جدا جدا جدا ولكن نفس الظروف مرت بالجيوب الاخرى التى شريتها بل والله انها اقسى بكثير من ظرف الباترول

تووووبه من النيسان

طبعا

[هـآوٍي]

هوااي ترى التايوتا ثقيل ومكينته ضعيفه جدا ...
ومافيه دفرنس قدام ...
النيســآن لآيعلى عليه ولا يقارن بالتايوتا ابدا...
تحيـآتـي

[ابو ناصر2020]

اقول لاول اختلفت الذواق لبارت السلع
ناس يقولون نيسان وناس يقولون تويوتا وكلن وراحتوه النفسيه بس التويوتا له موصفات احسن من النيسان والنيسان به مواصفات
احسن من التويوتا .
وانا اشجع النيسان .

[سيد النشاما..]

مشكور على هالصور الطيبة

[نجم حفرالباطن]

مشكور ماقصرت يالغالي

[أبوسالم2006]

ماشاء الله لا اله الا الله الله لا يضرك ويعطيك من خيره ويكفيك شره

[ملاعب الريح]

عزالله إنه موتر وعرفت تختار

(ما شاء الله تبارك الله)

(ملاعب الريح)

[أبرق دمعة]

صور حلوة ياعاشق الGX

والأحلى منها أختيارك لهالسيارة الرائعة
وعلى ما قال (( مايطرب الهدد .. .. الا الهدد .. .. ))

http://www.mekshat.com/pix/upload/sign/images/mk39342.gif

[عاشق الGX]

السلام عليكم ورحمة الله وبركاته

ياهلا والله بهالوجيه الطيبه كلن باسمه

يالربع انا مامدحت الموتر الا بعد تجربه واقسم بالله انه صحيح في المدن شخصيه وفي البر بيطار

وانا قريت استفسارات لكم وماقصرتوا كلكم اللي سأل لقي الجواب منكم لكن ودي اوضح بالنسبه للكفرات هاذي بالون 900 جنط 16 اسمها اوهاير صناعتها تايوانيه لقيتها صدفه واعجبتني وشريتها والكفر سعره 320 ريال واقسم بالله جربتها لقيتها اخف والين واقوى من السوموتيمو والشاهين والدنلوب وبيني وبينكم التجربه جربوها والله ثم والله لتدعولي وعلى فكره ترى اللي يوردها وكالة هنكوك لأن مالها وكاله

ملاحظه : باسأل هل الباترول ليه ينهار سعره بعد مايعدي مديله واذا كان الباترول اطيب من التويوتا ليه موديالات الباترول القديمه ماعاشت لهالحين ( لاتزعلون مني انا النيسان ماهظمته )

http://www.mekshat.com/pix/upload/images24/mk15504_111111.jpg

http://www.mekshat.com/pix/upload/images24/mk15504_22222222.jpg

[أبو عابد1]

صور جميلة ورائعة للموتر

الله يعطيك العافية ووفقك للخير

المزيد

[عاشق الGX]

هلا والله كعبول والله انت الأروع

لكن اللي حمسني انزل هالموضوع هو العضو راع الهدد وبدون قصور في باقي الأعضاء وذلك لاهتمامه بهالنوع من المواتر
لكنه مامر ولاسير على الموضوع

[هواوي]

اذا عندك صور زياده نزلها الله لا يعينك

الموتر روعه واللون اروع بسم الله ماشااء الله

الله يعطيك خيره ويكفيك شره

[عاشق الGX]

الله يسامحك يالهواوي كيف الله لايعينك .................امزح وداري قصدك الله لايهينك

ويامرحبا والله بمرورك وابشر باللي ييسره والله وجزاك الله خير على ذكرك الله

[الشايقي2005]

هلا والله بأهل مدينتنا
مشكور أخوي على الصور

[عاشق الGX]

هلا والله يالشايقي ... تقول اهل مدينتنا ... المعذره ترى والله ماعرفتك ... انت من الطايف

[بارود برنو]

الله يعطيك خيرة ويكفيك شرة
وبيني وبينك التويوتا كلها كشخة سو كان (هلي)او(هدد)او (شاصي)او(ربع)او(vxr )
والله يهنيك في الهدد

[ساحوت]

الله يعطيك العافيه ويوفكم جميع
لاكن أسأل هل الطيور عن النيسان بتلقى إجابه شافيه
ومادام الموتر يعطي مايصير تفكيري مادي
الحقيقة مقناص الحباري دواه نيسان لانه خفيف لاي طاري وسهوله ميكانيكية
ولكم جزيل الشكر
وعلى فكرة ماينظل الحلال إلا اصحابه

[خالد123]

ماشاء الله تبارك الله .الله يعطيك من خير ه ويكفيك شره.

[هاوي قصيده]

ماشاء الله تبارك الله

الله يطعمك خيره ويكفيك شره

لاهنت

[القبقب]

الهدد ماعليه كلام فى البر يطرب خاصة أذا عندك الجير اااوتوماتيك أحلى
واحسن من الغير العادى فى البر قوى وجبار عكس الفكرة القديمة الى ماخذينها الناس
أن الغير العادى أقوى ، بس عيبه فى المدينة مايطرب ثقيل ويطامر.

[.أبوعبدالرحمن]

انا قاري ان عنوان الموضوع مكتوب فيه (الهدد ياهل الهدد اهداء لراعي الهدد) ما قال تيسان يا اهل تيسان اهداء لراعي تيسان وما قلت تيسان لاني مجرب

الباترول SGL موديل 1999 ومجرب باترول ربع 1996 ستاندر ومجرب ددسن 1998 ستاندر ومجرب ماكسيما 1996 ومجرب باث فندرين كلها 2003 ومجرب الصني 2005 وددسن 1988 وكلها والله خياااااااااس

اما التايوتا مجرب كرسيدا 1992 وهايلكس 2000 وgx-r 2001 طبعا سيارة الوالد الى الان
وهايلكس 2005 وهايلكس 2003 ديزل وكامري 2007 وكامري 2002 وفورشنر 2006 وهايلكس 1984 وكراون 1985 وايكو 2002 و
vx-r 1999 والله العظيم كلها تمام التمام في الراحة والقوة والرزة وكتمان الصوت بعني بدون ضجيج ولا اصوات هوا مثل النيسان بشكل عام


اما النيسان معي باث فندر 2003 جديد فيه صوت هوا قوي يوم وديدته للوكالة قال الموظف ان كل سيارات النيسان كلها كذا بالله عليكم هذي سيارات تمدح


تمدحها من هينا تفشلك من هنا وكلها تتفكك وتهرقل بسرعة وانواع الاصوات ومع المطر تسمع صرصرة من سيور المكينة وما خفي كان اعظم وصدق من سماها التيسان


واقول لعاشق الـgx الله يعطيك خيرها ويكفيك شرها والله ونعم السيارة

[القويعي]

ماشاء الله الصور كايفه

ويعطيك خيره ويكفيك شره

[وافي الهقوات]

ما شاء الله تبارك الله

عيني عليك بارده

وعساك راعيه دايم


الهدد على كيف الهقاوي ورد

مع تحيات اخوكم وافي الهقوات

[عاشق الGX]

بسم الله الرحمن الرحيم



نشبتلي نشبة يالله عليك الخراج.........واشلون باشرح والنيسان من دونها




اخواني الاعظاء اسمحولي على هالتوظيح :تويوتا ونيسان ترى ماهي من باقي ربوعنا وتراها مواتر لاراحت ولاجت واليوم معك تويوتا بكره معك نيسان انا مشترك في المنتدى لي حول السنه ونص ويمكن اكثر شوي وهالموتر له معي تقريباً سنتين ... والمقصد هو ----->لو عقلي صغير والدعوه مهايط وحطت صور وبس ...باسألكم ليه اتأخر كان يمديني احط صور والسلام .... لكن اقسم بالله العظيم السبب هو شدة اهتمام اغلب الاعظاء بهالنوع وكثرة المواظيع عنه ولا حظت قلة الصور وندرتها فحبيت اشارك وانا دايم ادعم كلامي بصور .... وكاتب الهدد ياهل الهدد ........ طيب وليه كل هالتوظيح (واحد يسأل) .... لأني وبكل صراحه فوجئت باهل النيسان وبالمقارنات وهلم جر.... وبالعكس والله مبسوط بهالمشاركات .. لكن فيه بعظهم معنى رده تكذيب لي ولتجربتي فهالموتر وطلعنا مانفهم واقوله ترى ظربنابه كل مخواع ولا شريته المع كفرات وافشر وادق التكوه واهايط لكن حسبي الله على هالموضوع الله لايعوده ولايعود بعظ الردود اللي تبحث الخفى ...... والثاني يقول مايحسد المال الا اصحابه ابو الشباب ناقدني ومادامها عودت كذا اقوله (وأما بنعمة ربك فحدث وترى العين قدر والقدر حاصل حاصل واللي يجي من الله حياه الله )

واما الاخوه الباقين ياهلا والله كلن باسمه وسامحوني لو طولتها عليكم والا ماذكرت كل واحد باسمه

[.أبوعبدالرحمن]

من جد والله انك صادق



وكما قلت (وأما بنعمة ربك فحدث) ( وترى العين قدر والقدر حاصل حاصل واللي يجي من الله حياه الله )

[عاشق الGX]

بسم الله الرحمن الرحيم

محب الباري هههههههه الله يجبر بخاطرك وخلك حولي اربك تفتكني يالنشمي

[الشايقي2005]

إي بالله ياراعي الهدد Gx إني من أهل الطايف وعلى ما أعتقد إنك من الأشراف

[ربيق]

الله يبارك لك فيك
ويستر علينا وعليك
الهدد موتر بر ومقناص ومدينة

[freedom]

ما شاء الله هو الموتر
تايوتا

[هاوي الله]

هدد إلى الأبد

هدد هد هدههدهدهههدهدهدددهدهددهدهددهددههددهدهددهدهدههدهدهد ددهدهددد

سلااااااااااااااااااااااامي عليه من موتر لا قلت قدام قال لعنبو صداااااااام

[راعى_الهدد]

اسمحلانا تونا نسير على موضوعك الطيب يا الطيب

والله اسمحولي بكل قوه وصراحه لا باترول ولا في اكس ار هدد لاتدور غيرهـ المفروض يسمونه قاهر الصحراء والجبال والمناطق الاستوائيه وكل شي لانه الصراحه موتر
يـشـتــاق قـلــبــي للهدد يـابـوحـمــود
شـوق القريـب اللـي بعيـدٍ عـن الـدار
شـفـه ظـفـر عـابـر بـومـدمـعٍ ســـود
للونـه علـى ماقيـل أسـود مــن الـقـار
لـه عاتـقٍ وحـجـاج لــه منـكـب عــود
أقطـم صليـف السـأاق وكفوفـه أكـبـار
خمسة عشر مرصوص يمكن بعد زود
روز وثـنـادي مثـلـه بالـسـوق مــادار
وفيه المسوح المستوي بذيـك الحـدود
حـــدٍ بـعـيـدٍ حـايــمٍ فــيــه الأخــشــار
جنـا الخبـر انـه مـع الصبـح مصـيـود
طـرح الجبيـل اللـي يجـي فـي ألأطيـار
وجابـه صبـيٍ أمبرقـعٍ مـاهـو ممـهـود
مـن عندكـواخٍ يحتـري فيـه الاسـعـار
نصبـح معـه فـي فيضـةٍ حـول البـنـود
ولاّ سـهـل ايــران شـرقـي مـــن الار
فيـه الحـبـاري والعـفـر فـيـه مـوجـود
فـيـه الـولّـع ويــا القـطـا قـفـل مــاذار
وشـيـحٍ جـديـدٍ مسـتـوي لـيـن الـعـود
وريـح النفـل وياليعـد عقـب الامـطـار
وشوف الربيع اللي مع شوف ممـدود
تشفـي اقـرومٍ ليمرحـت تشـعـل الـنـار
واليـا نهـض خــربٍ كبـيـرٍ بالعـضـود
يطـيـر يقـفـي شـــاردٍ عـقــب مـانــار
يـاتـي قـحـم مستبـسـلٍ يـبـري كـبــود
شــروى غــلامٍ ينهمـونـه عـلـى ثــار
صملـةٍ صــدوقٍ عــازمٍ كـنـه مـطـرود
راهـي أطيـاره يقـبـض الـقـاع ليـطـار
يضرب أمخلب ملتـوي صلـف مبـرود
سـمـه يـنــوخ هـايــج الـبــل لـيـسـار
تمـت وصلـو وحـمـدو راعــي الـجـود
ربٍ كـريــمٍ يـعـلـم الـلــي بــالاســرار

وســــــــــــــــــــلامتكم

[.أبوعبدالرحمن]

اطلب عزك يا عاشق الـ Gx علما انها جات متأخرة


والعذر والسموحة ههههههههه

[مخاويك]

ماشاء الله تبارك الرحمن .........الله يعطيك خيره ويكفيك شره

وتستاهله دام ذي علومك فيه .........مقناص وربيع وسعة صدر

ياليت ياعاشق الGX ترد على الرسايل الخاصه وعجل ضروري

[رادار الخرايم]

مقناص وربيع وكشتات ومدن ماخليت شي

الله يعطيك خيره ويكفيك شره .........وخل صدرك وسيع .................. موضوع مسكت صراحه

[خشف.]

النيسان على كل السان يسبونه؟؟؟

[محب البرق]

ماشاء الله تبارك الله

[سيف الظفير]

استغرب من البعض الذي يذم تايوتا يمدح غيرها من المنافسين

[أبو_خالد]

أتعجب من بعض الردود

وكانه ينافح عن قضية كبرى أو مبدأ من المباديء

تراه كله حديد ينقل على ربل

لكن فيه فروق بالجودة

وأحد يعجب بهذا وآخر يعجب بذلك

أنا لو شريت لاندكروزر ما طببته البر

لأنه "مركب شيوخ" وقيمته فيه

لكن اللي معي باترول 2001 ومعجبني بالحيل

طفت به النفود والصمان ولا عليه منقود غير صرفه الزائد قليلأ عن غيره للبنزين

أكذب عليكم لو قلت لكم إني جربت الهدد

لكن السلعة ممدوحة من أصحابها

والوالد معه لاندكروزر 1986 فاكه من الوكاله و لا عمره عيا عن مشوار

المهم خلونا من هالسطحيات والتعصب للجمادات

ووالله إني قادر على شراء الهدد لكن الباترول معجبني

خصوصا إني بأكرفه بالبر

،

سبق إني قلت أربع أبيات بمدح الباترول اللي خاتمتها:

وارد النيسان خطوط ومشاوير ... يرقى نايف الضلع وينزل مهدها

واليوم دام الدعوى صارت عقيدة للولاء والبراء كما يقول (تيسان) بدل (نيسان)

وكأن مقتني الباترول كلهم تيوس ولا يفهمون بل إن اليابنيين لا يعرفون وهو الذي يعرف!!

أقول لنفسي أولا وللجميع ثانياً

يا جماعة هذي سلع جمادات ولو تكلمت لضحكت علينا من التعصب لصحائف وقطع الحديد والربلات!!

وأقول كفى!

،

وأقول لراعي الموضوع الله يبارك لك بسيارتك وتراه موتر بمعنى الكلمة فحافظ عليه والله يهنيك فيه ولا يريك فيه مكروه.

،

((( البعض يتمتع بعقلية "تربح/أخسر ، تخسر/أربح" ،، لماذا لا يكون تفكيرنا " تربح/أربح ، أربح/تربح" )))


""""""""""""""""""""""

أبو عبد الرحمن الصفيان: إنتبه لا ينطلق معك عرق!!




تحياتي للجميع

##############

[محمد الجويسر]

http://www.mekshat.com/pix/upload/images26/mk40026_dsc00220.jpg (http://www.mekshat.com/pix/upload/images26/mk40026_dsc00220.jpg)


يعطيك العافية يالغالي وهذي الصورة اهداء مني


صحيح الهدد شيخ المواتر

[الهدد...؟]

غـــــــــــــــــــــــــيـــــــــــــــــــــــ ـــر الــــــــهـــــــــــدد لا تــــــــــــــــدور

[قناص كنزان]

يعطيك العافيه على هذه الصور الرائعه

لكن سؤالي عن الهدد

1- كم اسعار 2006 و2007 القير العادي والاوتماتيك
2- عنوان ورقم هاتف معرض اليحي بالقصيم

ولك مني جزيل الشكر

[فكسه]

يتباركلك وناصيه مباركه عيني عليك بادره

[خوي السرور]

الفخر للي صنع ونحن مجرد مستهلكين ناخذ الشي جديد وكم سنه ونحوله الى كومة حديد

ونرمية ونشري ثاني وما نعرف نصنع ولا ابره جيدين بالخرط والمفاطيح والمهايط والتفاخر

والكلام الفاضي الا من رحم الله وتفضل عليه

[الطرفيه]

الله يطعمك من خيره ويكفيك من شره :D لكن أشوفك تسب الباترول :mad: لك شوفة ولناس شوفات:p ولولا أختلاف الأّذواق لبارت السلع تري مامعي باترول معي هايلكس 2005عيوبة القير والكرونة راعي التطعيس يخربن :( أقولك من كلامي كلن له أيجابيات وسلبيات:rolleyes: وكلن ينام على الجنب الي يريحه مع تمنياتي لك با لتوفيق في الدنيا والأخرة:)

[أقلط]

ماشاء الله تبارك الله

ولو ان الموضوع قديم جدا

شيخ المواتر .

مع اخوي نفس اللون والموديل

يطرب وكشخة

تسلم يمينك

[فرغالي]

الفخر للي صنع ونحن مجرد مستهلكين ناخذ الشي جديد وكم سنه ونحوله الى كومة حديد

ونرمية ونشري ثاني وما نعرف نصنع ولا ابره جيدين بالخرط والمفاطيح والمهايط والتفاخر

والكلام الفاضي الا من رحم الله وتفضل عليه

لاوالله الفخر للي عز روحه وشراه بحر ماله من حصل شئ يستاهله

[الوايلي100]

ماشاء الله تبارك الرحمن


كلام 100%100

[الخالدي11]

الهـــــــــــــــــــــــــــــــــــــــــــــــ ـــــــــــــــــــدد

[محمد بن سعيد]

ما شاء الله تبارك الله
الله يطعمك من خيره ويكفيك شره آمين يا رب العالمين

[طير آلفلآء]

ماشا الله تبارك الله
صور جميله
والله يعطيك العافيه