مكشات علئ الفاضي

[شمالي و الهوا غربي]

الله يهدي بعض من يكتبون التقارير عن بوادر الربيع
صراحة ماحصنا نصف مايقال ويبدو ان الصور من العام الماضي.
ابتدا من رغوة حتئ شمال العويقيلة،
فالرجا من الاخوة المصداقيه بمايكتبون،، وعدم الاستعجال..

[صليب الراي]

السلام عليكم ورحمة الله

بعض الاخوه الله يجزاه خير يجتهد ويصور وينزل الصور ويشاركنا الاجواء والحقيقه هذا جهد يشكر عليه

لكن المشكله ان بعض الاخوه يحاول ياخذ اللقطات في البقعه الي فيها نوار او معشبه كثير ولا يوضح ذلك فيضن المشاهد ان المكان كله كذا خصوصا ان الي نزل الموضوع احيانا ينزل في الارض ويصور العشب من تحت فتضن ان المكان مربع حيل والبعض الاخر يحسن الصوره ويضهرها اكثر اخضرار من الحقيقه .

العام دقيت مشوار 750 كيلو لساموده بناءً على تقرير احد الاخوه الله يجزاه خير

الحقيقه ما لقيت المكان مثل الصور ابد ابد ابد

ربيع بسيط ويكثر تحت الشجر فقط

انا ما الوم احد بالعكس اشكر كل شخص شاركنا بنزهه او معلومه

لكن في الايام هذي خصوصا الي ناوي يكشت ياليت الصور تكون من الاعلى وتوضيح اكثر وبدون محسنات

مع الشكر والتقدير لجميع الاخوه
واعتذر ان ضايق كلامي احد

اخوكم ابوعبدالله

[شمالي و الهوا غربي]

بيض الله وجهك يابو عبداله
علئ كل ماذكرت وهو عين الصواااب،
وانا ماني محدد موضوع بعينه ولكن المطر ماله اسبوع وتشوف بعض الاخوان هداه الله .
ينزل صور كانها في عز الربيع. ولاندري هي الصوره خداعة او صور من الاعوام السابقة.
ولكن المهم ان الواحد يكون في محل الثقة ويتركد في نقل الاخبار اين كانت،ولايستعجل.

[دخاخين]

بيض الله وجهك ياالشمالي
علئ الطرح المفيد

[اي-مكشات]

مافيه ربيع قبل ماتنتهي المربعانيه وخاصة الشمال يتأخر ربيعة
الحجاز ممكن يربع قبل إنتهاء المربعانية لأنه دافئ

اللي يكشت على علوم النت أو على رسالة جوال فعليه أن يتحمل التبعات..

[أحتمال]

الصور خداعه ... والربيع باقي بدري عليه
دوبنا في الوسم
لاتغرك الصور بالذات اللي تصور لك مكان صغير او زوووم اذا ماجاتك بانوراميه لاتشد الرحال :D

[أبو شيري]

شمالي والهوى غربي

الحياة دروس وتجارب وخبرات مكتسبه من قبل النت وأعلومه

اما الصور لا تغرك وهي مأخوذه بشكل أفقي بأرتفاع بسيط جداً

أحسب اذا طاح المطر بأول الوسم شهرين كامله اذا تبع الله له مطر
بعدها أطلع دور الربيع واعلومه