ابي مواصفات الهدد وعنوان معرض ...

[القاضي فاضي]

السلام عليكم ورحمة الله وبركاته

اسعد الله اوقاتكم يا اخواني بكل خير

لديه بعض الاستفسارات حول جيب الهدد الخليجي وهي كالتالي

1- ماهي مميزات جيب الهدد الخليجي وبماذا يختلف عن جيوب عبد اللطيف


2- كم اسعار الهدد الخليجي القير العادي والاوتماتيك


3- ابي عنوان معرض اليحي بالقصيم ورقم الهاتف

[نيتروجين xp]

يختلف انه كل المواصفات موجودة فيه من إيرباقات وثلاجة ومكيفين بعكس عبداللطيف جميل

ويأتي من عبداللطيف جميل بهذه المواصفات لكن السعر يكون بحوالي الـ 150.000 ريال ولاحظ الفرق بينه وبين اليحيى ..

لكن الميزة الوحيد بعبداللطيف جميل انه يضمن لك السيارة . .

وعلى ما سمعت انك تستطيع إدخال سيارة اليحيى مثلاً بضمان عبداللطيف جميل مقابل دفع مبلغ وتكون تحت ضمانتهم . .

اما سعره انا سألت عنه قبل يومين عن اليحيى ببريدة


مواصفاته:

قير عادي
فتحه
دف لوك
ونش
خلفية لكزس
موديل 2007 طبعاً

السعر :: 141.500 ريال سعودي. .

متوفر ثلاث ألوان : ذهبي + أبيض + رمادي


معرض اليحيى - القصيم - بريدة

ت: 063854366


أخيراً . . تقبل تحياتي لك وللجميع . .

وأي خدمة تحت أمركم . . نعين ونعاون . .

[القاضي فاضي]

الله يعطيك العافيه يا اخي المجتهد
ــــــــــــــــــــــــــــــــــــــــــــــــــ ــــ
لكن من ناحية الصيانه هل يعملون له صيانه وكالة عبد الطيف

انا سمعت ان اسعاره بحدود 130 الف ريال

وماهو الافضل القير العادي ام الاوتماتيك وماهو فرق السعر بينهم
(( معليش ثقلت عليك المعذره والسموحه ))

[نيتروجين xp]

الله يعافيك أخوي . .


من ناحية الصيانة تقدر تدخله ضمان عبداللطيف جميل مقابل مبلغ مالي بسيط

ويكون تحت ضمانهم !!


بالنسبة للسعر على حسب المواصفات

المواصفات الي ذكرت لك سعره موجود

لكن اتوقع يوصل 132 إذا كان بدون فتحة وبدون ونش وبدون دف لوك وهزاز


لكن بنصحك لا تآخذ إلا قير عادي (ليش)؟؟

اول شي بالبر معروف القير العادي أرغب
وإذا جيت تبيع الناس تدور العادي
وخربات القير الأوتوماتيك أكثر ومع الزمن يبي يصير فيه رجه خصوصاً إذا كنت راعي طلعات واجد

ميزة القير الأوتوماتيك واحدة :: الراحة خصوصا بالمدينة فقط وبالزحمات ..


وانت والي يريحك إذا كنت متعود على العادي فخذ عادي أحسن لك وحتى السعر أقل

لأن فرق العادي عن الأوتوماتيك 3 آلاف ..


والله يكتب الي فيه الخير

ولا تنسى تستخير ربك وتسأل قبل أكثر من واحد

وهذا الي أقدر أفيدك فيه وتقبل أجمل التحايا ومبروك مقدماً الموتر ..

[Mohammad]

ما هو الفرق بين دفلك والهزاز

لا يوجد الا زر واحد مكتوب عليه دفلك ار ار (يعنى خلفى)

[هاوي الله]

ما هو الفرق بين دفلك والهزاز

لا يوجد الا زر واحد مكتوب عليه دفلك ار ار (يعنى خلفى)

ديف لوك = قفل دفرنس (ترس)

هزاز = هذه الكلمه تدل على تخلف × تخلف في التفكير وهي إصدار شعبي جاهلي وهي دارجه حتى الآن مع الأسف

[freedom]

القاضي ... المجتهد ما قصر
وانا انصحك بالعادي الخليجي ....
انا معي 2006 هدد خليجي (من اليحيى/الرياض) مع زيادة بعض التعديلات زي ( جنوط 17 لكزس - تركيب ياي بحيث الموتر يرتفع 3 سم على الاكثر واشياء على ذوق الواحد :) )



ما هو الفرق بين دفلك والهزاز

لا يوجد الا زر واحد مكتوب عليه دفلك ار ار (يعنى خلفى)

الدف لوك -Differential Lock: هو بالاساس يلغي عملية توازن سرعة الكفرات بين الجهه اليمنى عن اليسرى - الي مكانه وسط الدفرنس وتسمى (Planetary Gears ) يعني تكون سرعه الكفر في الجهه اليمنى نفس اليسرى ... وعلشان كذا اذا كنت متعلق او مثولث بالسياره .. تشوف جهه وحده من الكفرات تدور الجهه الثانيه ما تدور ... يجي هنا دور الدف لوك بحيث يجبر كل الكفرين الخلفيين (الايمني والايسر) يدورن بنفس الدوران وبكذا الموتر يحرك نفسه ويطلع من المكان الي كان فيه متعلق او مثولث...
وان شاء الله تكون المعلومه وصلت :)
مع الحذر في حالة تشغيل الدف لوك في اللفات فقد يكون سبباً في انقلاب السياره مهما كانت سرعتك ... لذا استخدامه يكون في الحالات الحرجه فقط.. ويجب ان تكون السياره واقفه تماماً.

وكلمة هزاز .. زي ما قال اخوي فتى البران :)