المساعد الشخصي الرقمي

مشاهدة النسخة كاملة : الفزعة ياهل الرحلات الفزعة


الصقير
15/12/2006, 03:12 PM
لي طلبات :
الأول
اسمع بشعيب محارق ولا أدري وينه فيه . ياليت أحد يعطيني الوصف زين .
الثاني :
أنا ناوي أترقة من صقير لصقر . و أصير راعي رحلات برية و علوم رجال ياليت أحد يوصف لي أماكن فيها الربيع .

ترى أن ماحد رد علي تراني بخليها و الثمامة أخر ما عرف راح عمري و أنا في ..............الثمامة . اللي مكان النقاط ممنوع من كتابته بأمر المشرف العام .

الله ينور دربكم ردوا علينا .
قناص بغداد1
15/12/2006, 03:40 PM
المحارق عند لبطيري
الصقير
15/12/2006, 03:47 PM
حلوه هههههههههههههههههه ما قصرت على الاضافة

يعني أنا عرفت المحارق لم أعرف البطيري هذا كمان . مشكور
جنرال 2020
15/12/2006, 04:10 PM
طريق محارق

تطلاع من عند بيتكم كنك رايح لثمامة
اذاوصلت عند الثمامة سيد الثمامه تجي على يسارك
الين يجيك مفرق التنهات يمين اطلع معه كنك رايح لتنهات ويفترق الطريق يمين ويسار تقريبا بعد المفرق 10-15كيلو
رح يسار امش لين يجيك ادوار الاول سيد الين يجيك مفرق هجرة الطيري على اليسار ادخل كنك رايح لهجرت الطيري
ينقطع فيك ازفلت بعد 5-7 كم
سيد (الطريق صحراوي ) بعد 7 كم يجيك محارق
اخوكم / جنرال 2020
الأثري
15/12/2006, 04:23 PM
المحارق شعيب شمال الحفنة عن طريق الطوقي
عبادي العامري
15/12/2006, 06:31 PM
ياخوي شعيب محارق بمنطقة الربع الخالي قريب من شروره وعبيله وشواله والطريق موحش تمشي 150 كيلو جلد لامحطات بنزين ولا محلات كودو وباسكن روبنز اقول اقضب ارضك وانت واشكالك حدكم الدبابات اللي بالثمامه تاخذون غداكم بحافظه من اقرب محل بروستد وتخب الثمامه عليكم اقووووووووووووول الله يرحم مزنه
nasher
15/12/2006, 06:41 PM
اخوي الكريم ان كانك دلولوة ترا وصف الاخ جنرال جيد لكنه صعب شوي وهذا اسهل وهو انك تمشي زي ما ذكر الاخ جنرال لكن لا تلف من عند هجرة الطيري استمر كانك رايح للتنهات وحفر العتش وبيجيك لوحات لين يجيك دوار على يساره محطة بنزين يقول الدوار يمين الصمان على طول التنهات رح على طول شوي يجيك مفرق يساريروح هجرة العتش رح للهجره ثم يجيك دروب مهيب مزفلت تقطع الشعيب شعيب كبير اقطعه ثم استمر شوي يجيك محارق والمكان الثاني التنهات نفس المزفلت لين تجيك الروضه مسوره ربيعها زين او روضة خريم او روضة الخفس هذي كلها قريبه وسهلة الوصف ارجو ان اكون وضحت اكثر ونحن في الخدمه



درب المبيحيص
آل علي
16/12/2006, 03:37 AM
لقد كنت قاسى على الرجل

وما هذا من شيم المكشاتيين
قمة الثلبوت
16/12/2006, 04:14 AM
اهل مدن السالفه مار لا اللي يسئل ولا اللي يوصف
الله يخلي لكم القارمن اللي عرفكم الديار ويرحم اجدادنا اللي
اضربوها طول وعرض
مشعل_1001
16/12/2006, 06:15 AM
شباب صبحكم اللة بلخير الأخ الصقير يسئل يبي يعرف الموقع المفروض من الأخوان ان يوصفون له المكان من غير استهزاء:no2: لأن هذه ليست من شيم المشتركين في المنتدا نحن كلنا اخوان ولا يجب علي اي شخص ان يقول كلام فاضي وبعدين الأخ جديد علي المنتدا يجب ان يأخذ فكر حسنه . بنسبة لي انا لا اعرف المكان لأني لست من اهل المنطقة ارجو السموحة ولكم مني جزيل الشكر
أبو سهيل
16/12/2006, 11:49 AM
العامري : ما هكذا تورد الإبل ..

أخي السائل الكريم "الصقير": كلام الجنرال واضح وصحيح ...
الصاروخ
16/12/2006, 12:29 PM
اخي الصقير
كلام اخي الجنرال اوضح شي للمحارق الله يعطيه العافيه
imksa
16/12/2006, 01:04 PM
هذا افضل وصف اخي الحبيب

http://www.mekshat.com/vb/showthread.php?t=65222
الصقير
17/12/2006, 09:22 PM
الله ينور دربكم كلكم . و مشكورين على الوصف و على فكرة شعيب محارق صحيح أنني أسمع عنه و لم أجيه . لكن كل المناطق زرتها و أنا أعتقد أنني ممكن أجيه عن طريق صلبوخ كذلك من ملف رويغب ثم الحفنة ثم أحول عليه من فوق .

بالنسبة لحبيب قلبي العامري الدليلة لا تزعلونه هو أخر ما يعرف هو الوصف اللي وصفه لي . و أخي ( القمامة ) أكرمكم الله قصدي الثمامة مهي موقعي .
موقعي لو حبيت تخاويني الله يحييك لو أنك الظاهر منت صابر على خوتي .

بطلع أنا وياك من الرياض على طريق الدمام السريع و إذا جيت عند الوسيع لفينا على يمينك كنا بنروح للحساء و نركب الخط لين هجرة خريص و لما نتعداها ستين كيلو على متجهين للحساء نلف على يمينك و ندخل الصحاري و هذا أخر عهدك بالسفلت و نضرب الخبة لين نقول سلام يا ( الخن ) و نحطه مطب و ندوس لين نطلع على طريق الخرج الحساء يعترض قدامنا نقطعه و نمر مركز ( حرض ) و نملي التوانك بنزين و ناخذ العزبه ثم نجنب و حنا نسنح الشرق و أنتبه من التغريز لين نقول سلام يا ( يبرين ) نشب ضونا في رأس طعس خابره جنوب يبرين ثلاثين كيلو تقريباً و نمسي و لجاء الفجر لينك قد شبيت الضو نصلي و نتقهوا و نشغل المبروك ثم نركي على جلمده و من راس طعس في رأس طعس و إذا جاء الظهر لينك في ديرة ما فيها إلا أم سالم حي هالعين و الأرنب و الأرسالات متقطعه و الطرشي ما تشوفه .
نقنص فيها و نصيد و نرجع قد عرفت وقع راعي كنتاكي و شلونه . و إلا أنت ما تعرف ( الرملة ) ولا قد جيتها يا راعي ( مذارق ) قصدي محارق .

للجميع الشكر و التقدير على سعة الصدر
دكتور مكشات
17/12/2006, 09:33 PM
الصقير :


كنت ناوي أرد على العامري

بس الحمد لله إنك ذيب وفكيت عمرك

وعز الله إنك كفو وقدها وقدود


وهذي المكاشيت والا بلاش!!
الصقير
17/12/2006, 09:52 PM
دكتور مكشات . شكرا على كرمك و ردك الذي أندل على شيء إنما يدل على رقي أخلاقك .

بالنسبة لخوتي مع أخوي العمري توني أنا وياه في الرملة نصيد أرانت عدنا بنرجع و نمر الحساء ثم نضرب وأدي العجمان ثم نخيم لنا كم يوم في الربيع في النعيرية ثم من قرية نحول قطوع نضرب الصمان لين نقول سلام يا حفر العتش و أبو ركبه و روضة نوره و الآماكن اللي يدلها أخوي العمري ثم ثم نضرب منها لين نقول سلام يا ثادق و منه لين مرات ثم منها نضرب الشمش و الشميسه و النقيعات و ضرب طعوس قنيفذه لين نطلع على الجله على خط الحجاز السريع نقطعه و حنا متجهين جنوب ناوين أبها البهيه اللي تخلي الكهله صبيه طبعاً قطوع السفلت ما نمره . نضرب حصاة قحطان و ننحر الشعيب اللي العمري خابره لين نقول سلام يا وادي الدواسر نخليه على يسارنا و حنا متجهين جنوب لين و نخلي جبل الكلاب على يمينا نوقع في تثليث في شعب في حدا الجبال نحط العزبه و نتصيد من الوبران و الضباع .

في الحلقة القادمة نكمل الرحلة