المساعد الشخصي الرقمي

مشاهدة النسخة كاملة : باترول 95 باب واحد..عطونا آرائكم ومقترحاتكم


كاشت شمال
15/12/2006, 04:59 PM
السلام عليكم ورحمة الله وبركاتة ,,

اخواني العزاء ارجو منكم إبدأ آرائكم ابشركم شريت باترول "سلقة" موديل 95 المحركات اخت الجديدة ولكن البدي مرشوش بالكامل كما هو موضح بالصورة التالية:


http://www.3rd-dimention.com/uploader/uploads/3rd-_YXNgx7Oqlb.jpg

ارجو منك اخواني المشورة علي بخصوص التكاميل ..

يعني ماهي الجنوط والكفرات المناسبة؟ (علماً بان الجنوط اللي في الصورة ليست لي بل استعرتها من احد الزملاء فقط)

بكم شبك الـ 97؟

ماهي التكميلات الخارجية والداخلية؟

ارجو منكم التكرم والنصح حيث اني لااعرف تكميلات الباترول واول مرة اشتري جيب نيسان :)


وتقبلوا تحياتي ,,
ملبق غلـــــط
15/12/2006, 05:28 PM
والله شف وانا اخوك اذا انت رجل تبي تضبط الموتر وعندك استطاعة تدفع

ركب له مكينة ال اس 1 حقت الومينا اس اس 8 سلندر

بتكلفك مع اغراضها وتركيبها حوالي 15 الف ريال

بس بيصير طيارة

والله يعطيك خيره ويكفيك شره
باترول 4×4
15/12/2006, 05:48 PM
الله يعطيك خيره ويكفيك شره . أهم شيء المحركات تكون نظيفة أما البدي فلا بأس إذا كنت تبغاه للبر ، عموما أذكر من الكماليات جنوط كروم أخف للسيارة ، الكفرات : دانلوب قوية جدا وتتحمل لكن بالطعوس يبي لك تنسم له كثير 18 - 20 ولا كفرات شاهين بالطعوس لا يعلى عليها لكن لا تتحمل الصحراء ، بالنسبة للشبك ما أدري وش قصدك ؟ لكن اذا كنت تقصد الي فوق السيارة أعتقد أنه جديد مع 850 لكن شغل ما عليه كلام .فيه قواعد للرواق بحيث أنه يصير كالخيمة الصغيرة .
والكماليات كثيرة هذا اللي أذكره الان ولعل الإخوة ما يقصرون .
أبوكلبشة
15/12/2006, 06:09 PM
الله يعطيك خيرة ويكفيك شرة
انا والله ما اعرف في التكميلات
وعندي سؤال لخوي ملبق غلط طيب اذا شريت مكينه اس اس وركبتها على السفاري الي عندي
وشو القير الي يركب عليه علما اني ابيه قير عادي ولاتنسى تفيدنا بالدفرنس
كاشت شمال
15/12/2006, 06:30 PM
بارك الله فيكم جميعاً ..


اخوي ملبق غلط: جزاك الله خير .. وخلنا على مكينتة الأصلية ولو دفعنا هالقيمة وصلنا قيمة الفتك :)

اخوي باترول 4×4: لاهنت يالغالي .. واللي اقصدة بالشبك شبك الواجهه لأمامية تعرف حق الـ 97 يجيك نيكل وبصراحة يكون شكلة روعة وبخصوص الجنوط وش رايك بجنوط الباترول هذا وكفراتة وش اسمها وبكم تكلفني ولاعليك امر اخوي:

http://www.mekshat.com/pix/upload/images24/mk6834_4adcba8327.jpg
ابوفجر
15/12/2006, 11:22 PM
الله يعطيك خيره ويكفيك شره وموضعك في المفضله عندي لني ناوي على واحد بس يكون اقدم موديل يعني 88 او89 على قد قريشاتي بحدود كم الاقيها وبكم شريت موترك ..وبنسبه للاضافات نتساعد وكل جديد بيكون هنا في موضعك وبالبركه.
عندنا بالجنوب نادره بس لقيت واحد من سيارات الجيش جته منحه موديل88على الباب ويقول الاستماره89 مرشوش ابيض بس موانضف من موترك ومن الداخل جيد ماعليه قير وعزم ماشاء الله بس المكينه يوم كشفت عليها اتضح بداية تبويش خفيف جدا ويحتاحج بعض الاصلاحات الداخليه لن الموتر منزل من ركب ويايات واصلاح دركسون تقريبا بيكلف 2000 من غير المكينه ويرجع وكاله ماشي 270000ومركبله انوار زنن يقول مسيوم 8000 كم يسوى لني زي حالاتك مالي تجربه في النيسان ولا تحرمونا من مشاركاتكم ياهل النيسان
nejjer
16/12/2006, 12:19 AM
أخوي كاشت شمال
فيه سوال ؟
الحين انت تبي تستخدم او لا هذي وحده والثانية هل تبي الموتر للبر كشتات ومقناص او تطعيس وخرابيط؟
إذا تبي كشتات ومقناص شف ربلات الربطات ومسامير التوازن شيك عليها تمام وخاصه مسامير التوازن
وركب مساعديات فكسار 97 تويوتا ورى ويبي لها ترهيم بسيط وقدام مساعديات ربع علشان الموتر يرسي اكثر وشيك على كراسي القير والمكينه هذا إذا موتر كشتات ومقناص.
أما إذا حق تطعيس ركب هدرز ومكينه 4800 مع كل شي لها من كمبيوتر ومنضم تطلع عليك بعشرين الف ولا انصحك بها
و وأنتبه لجنزير الدبل الباترول لو كان جديد الجزير هذا خرابه كثير مره .
ومن ناحيت الكفرات كفرات الشاهين البلون والدنلوب البلون الكبيره هذي انا جربتها تسبب رجه في السياره إذا اسرعت او مسكت بريك
وكفرات الدنلوب العريضة العادية هذي قاسية وتذبحك بالمطاب ماهي لينه وكمان جربتها والحين انا لي سنه على كفرات هانكوك جيده مرره ولينه ولا تحس بالمطاب .
هذا اللي انا اعرف
خيال نجد
16/12/2006, 12:35 AM
ماشاء الله
كاشت شمال
16/12/2006, 12:38 AM
أخوي كاشت شمال
فيه سوال ؟
الحين انت تبي تستخدم او لا هذي وحده والثانية هل تبي الموتر للبر كشتات ومقناص او تطعيس وخرابيط؟
إذا تبي كشتات ومقناص شف ربلات الربطات ومسامير التوازن شيك عليها تمام وخاصه مسامير التوازن
وركب مساعديات فكسار 97 تويوتا ورى ويبي لها ترهيم بسيط وقدام مساعديات ربع علشان الموتر يرسي اكثر وشيك على كراسي القير والمكينه هذا إذا موتر كشتات ومقناص.
أما إذا حق تطعيس ركب هدرز ومكينه 4800 مع كل شي لها من كمبيوتر ومنضم تطلع عليك بعشرين الف ولا انصحك بها
و وأنتبه لجنزير الدبل الباترول لو كان جديد الجزير هذا خرابه كثير مره .
ومن ناحيت الكفرات كفرات الشاهين البلون والدنلوب البلون الكبيره هذي انا جربتها تسبب رجه في السياره إذا اسرعت او مسكت بريك
وكفرات الدنلوب العريضة العادية هذي قاسية وتذبحك بالمطاب ماهي لينه وكمان جربتها والحين انا لي سنه على كفرات هانكوك جيده مرره ولينه ولا تحس بالمطاب .
هذا اللي انا اعرف

هلا وغلا اخوي ..

طيب الجنوط وش تنصحني اركب؟

انا بصراحة اعجبتني جنوط الباترول هذا:

http://www.mekshat.com/pix/upload/images24/mk6834_4adcba8327.jpg
نيتروجين xp
16/12/2006, 12:42 AM
الله يعطيك خيره ويكفيك شررره مبررررروووووك


إذا تبي شكله يطلع خبال ركب جنوط جي تي 10 إنش والله يطلع خبال

بس ما قلت لنا تبيه للبر ولا راعي تلميع ولا راعي تطعيس ؟؟؟ علمنا ونفيدك . .

وتقبل أجمل التحايا . .
كاشت شمال
16/12/2006, 12:42 AM
الله يعطيك خيره ويكفيك شره وموضعك في المفضله عندي لني ناوي على واحد بس يكون اقدم موديل يعني 88 او89 على قد قريشاتي بحدود كم الاقيها وبكم شريت موترك ..وبنسبه للاضافات نتساعد وكل جديد بيكون هنا في موضعك وبالبركه.
عندنا بالجنوب نادره بس لقيت واحد من سيارات الجيش جته منحه موديل88على الباب ويقول الاستماره89 مرشوش ابيض بس موانضف من موترك ومن الداخل جيد ماعليه قير وعزم ماشاء الله بس المكينه يوم كشفت عليها اتضح بداية تبويش خفيف جدا ويحتاحج بعض الاصلاحات الداخليه لن الموتر منزل من ركب ويايات واصلاح دركسون تقريبا بيكلف 2000 من غير المكينه ويرجع وكاله ماشي 270000ومركبله انوار زنن يقول مسيوم 8000 كم يسوى لني زي حالاتك مالي تجربه في النيسان ولا تحرمونا من مشاركاتكم ياهل النيسان

هلا بخوي :)

وانا خوك الموتر بـ 8000 الآف اعتقد انها جيدة إذا المحركات يبيلها بس شنبر وترجع تمام..ولاتنسى ان الأسعار ترتفع وخصوصاً الباترول وقت الشتاء وان شريتة تعال بعة بمكسب جيد بالرياض.

تحياتي لك ,,
كاشت شمال
16/12/2006, 12:47 AM
الله يعطيك خيره ويكفيك شررره مبررررروووووك


إذا تبي شكله يطلع خبال ركب جنوط جي تي 10 إنش والله يطلع خبال

بس ما قلت لنا تبيه للبر ولا راعي تلميع ولا راعي تطعيس ؟؟؟ علمنا ونفيدك . .

وتقبل أجمل التحايا . .

هلا وغلا ..

الصراحة ماعرف هالجنوط اللي تقول ياخوي ليتك تورينا صورة لها ..

وانا بصراحة احب اسوق الموتر مضبطة يعني ابي تكون وقفتة شيءءء بصراحة وتراني بالبر ماني راعي تطعيس ومناقز وتكسير :) نتمشى وحنا نسولف :d
ابوفجر
16/12/2006, 01:03 AM
مشكور اخي كاشت شمال
طمنتني كنت ناوي اجي الرياض قلت ممكن تكون ارخص دام كذا بتوكل على الله وناوي استدخمه وخليه نفس مواصفات موترك والاخوان مايقصور معنا ..
تحياتي اخوك ابوفجر
كاشت جنوب
nejjer
16/12/2006, 01:34 PM
أخوي كاشت شمال
إذا حصلت جنوط باترول سفاري الفين وخمسة أصليات أنصحك فيها أنا جربتها مافيها لا رجه ولا شي ماهي مثل جنوط الثمان وتسعين والتسعه وتسعين تجي فيها رجه بعدين شكلها يعطي منظر جمالي مره زين .
كاشت شمال
16/12/2006, 09:20 PM
أخوي كاشت شمال
إذا حصلت جنوط باترول سفاري الفين وخمسة أصليات أنصحك فيها أنا جربتها مافيها لا رجه ولا شي ماهي مثل جنوط الثمان وتسعين والتسعه وتسعين تجي فيها رجه بعدين شكلها يعطي منظر جمالي مره زين .

بارك الله فيك اخي الحبيب ..

وبإنتظار آراء بقية الأخوان.
s - s
16/12/2006, 09:39 PM
مبروك عليك الموتر والله يعطيك خيره ويكفيك شره
شبك السبع التجاري على مااذكر مع الصطبات 270
خاشقجي
16/12/2006, 09:58 PM
الله يعطيك خيره .........
ويكفيك شرة ...........

من ناحية الجنوط والكفرات اللي بالصورة :
هي جنوط باجيرو اللي موديلة من 2003 وطالع حقات الحكومة ، ياخذونها الشباب ويبرزون الجنوط علشان تصير
زي المرسيدس يصلحونها مخرطة الوفاء اللي بالصناعية القديمة بالرياض .
الكفرات كفرات بالون ما يبيلها معلم .
ابوبلكه
16/12/2006, 11:46 PM
يشباب السلام تكفون ابي باترول 96 او 97 اباب واحد
الفزعه
كاشت شمال
17/12/2006, 01:48 AM
الله يعطيك خيره .........
ويكفيك شرة ...........

من ناحية الجنوط والكفرات اللي بالصورة :
هي جنوط باجيرو اللي موديلة من 2003 وطالع حقات الحكومة ، ياخذونها الشباب ويبرزون الجنوط علشان تصير
زي المرسيدس يصلحونها مخرطة الوفاء اللي بالصناعية القديمة بالرياض .
الكفرات كفرات بالون ما يبيلها معلم .

جزاك الله خير اخوي الغالي ,,

الجنوط حقات الباجيرو هل احصلها في الغرابي وبكم تعتقد سعرها؟؟ وبكم كفرات البالون يابطل ؟

وتقبل تحياتي وإحترامي :)
كاشت شمال
18/12/2006, 07:35 PM
للرفع .. لنستفيد من آراء الأخوة الكرام :)
فورد
18/12/2006, 09:22 PM
الله يستر عليه ماشاء الله
يبي القنص
كاشت شمال
20/12/2006, 02:17 AM
وهذي صورتة يوم ركبنا له الشنابر :)

وياشباب لاهنتوا.. بكم قيمة جنوط الباجيرو وهل احصلها بالغرابي؟

http://www.3rd-dimention.com/uploader/uploads/3rd-_LbE7DVM6PC.jpg
شاص محترق
20/12/2006, 09:10 PM
السلام عليكم ورحمة الله وبركاته
مبروك عليك الموتر وتبليه بالعافيه ان شاء الله
بالنسبه لكفرات البالون انصحك تركب بالون ماكسس900 ،16 تايونيه بس ممتازه ركبتها قبل يومين بعد نصيحه ومشوره
من الاخوان .
بالنسبه لقيمتها بالغرابي 360 ريال للكفر اعزك الله.
بعد تركيبها الافضل توديها لاحد الموازين المشهوره مثل المجد او اليرموك او الدرع بالصناعيه القديه
وتسوي لها ترصيص ارضي
اتمنى اني افدتك
وتقبل احترامي....
خالد777
20/12/2006, 09:44 PM
أولا مبروك الموتر
الحقيقة ماأدري وش تحب بالظبط لكن لو الموتر لي ((تراي من عشاق الباترول فقط))
كان رفعته من قدام ((تغيير اليايات أو كعكات ))
جنوط جمس برزيلي مختوم أو جنوط باجيرو 700ريال جديدات وان حصل جنوط مبرزات أجمل
كفرات دنلوب حقات الجي اكس 99_2006الحين غاليات 360أو350 الكفر الواحد
مساعدات لا تركب الا شد بلد 90 ريال لأن الفي اكس ار يحك الموتر بهن
الشبك وكاله مثل ماقالوا 270
أنوار الماني 200ريال أفياش أصليات50((250))
شكل البطاريه ميهب زينه الله يعينك ركب جديدة
أهم شي البواجي والبليتين أصليات تغيرهن كل 6 أشهر
جلد الغماره اذا كان فيه قرقعه وجلد اليايات افحصهن الوحده ب50 ريال
لمبة الكبوت مع فاصل 25 ريال

شكلي دبلت كبدك
الا وش رايك نتخاوى ونظبط الموتر سوا وأي استفسار ترا به شي امه الخاص ((مغررررور خخخخخخخخخخخخ
كاشت شمال
21/12/2006, 04:00 AM
اخواني الغالين شاص محترق وخالد 777.. رحم الله والديكم على هالإفادة والله يعينكم راح ابلشكم بالإستفسارات :)


تحياتي ,,
كاشت شمال
26/12/2006, 04:20 AM
http://www.3rd-dimention.com/uploader/uploads/3rd-_Zk0wrpmSb2.jpg

ولله الحمد سويت للموتر صيانة شاملة وركبت انوار الماني وشبك نيكل وباقي جنوط شريت له جنوط باجيرو ولكن وش تنصحوني بالكفرات وهل هناك كفرات هنكوك شكلها قريب من الشاهين اخوتي؟
حايرالقلم
28/12/2006, 03:17 PM
السلام عليكم
كيف الحال ياكاشت شمالي واول شي احب اقولك مبروك عليك الموتر وثاني شي بالنسبه للرشه الكامله للموتر ترى عادي بعض الناس يستنكر ان الموتر مرشوش ويطيح من قيمته لا والله الحين والحمد لله عندنا ورش بالسعوديه اطلع لك السياره مثل الوكاله واحسن ومشاء الموتر شكله رشته زينه
المهم
اذا تبي موترك يصير صح ومنصوب له نصبه اقترح عليك تاخذ جنوط اسمها سنبوسه واكثر الناس من عندنا يجيبونها من قطر لانها تجي تجاريه لكن من النوع الزين وركب علي الجنوط بالون سواء 6 غاط او 7 غاط وشف موترك شلون يصير ورده
واسف على الاطاله
ريان9
03/01/2011, 08:10 AM
الصوره اللي فوق
هذي الله يسلمك جنوط (هلل 6 مسامير)
(جنوط باجيرو)
مخروووطات و مبررزات
وتركب على السيارات هــذي>>> الباترول-الهايلكس الدفرنسين-الفورتشنر
واحرص على الاصليات


تقبل تحياتي
عاشق الخسائر
03/01/2011, 12:04 PM
يشباب السلام تكفون ابي باترول 96 او 97 اباب واحد
الفزعه
طلبك عندي عندي سلقة 97 ربع ابيض ماشي 340000 الف مافية الارفرف يسار وشوي من باب السواق علية كفرات دنلوب 8 غاط حجرية وجنوط هلل ولا علية اي اضافات الموتر شد بلد مفحوص مجدد مائمن مكيف تمام كلو تمام والله الحمد سوم مادخلتة السوق نهائيا
باترول 4500
03/01/2011, 02:11 PM
^^^

الموضوع عام 2006