بعت سيارة قبل 16 سنة ومازالت باسمي

[ليوان]

.
.
ياخوان
السﻻم عليكم
بعت سيارة قبل 16 سنة ومازالت باسمي الى الآن
ودخلت على حسابي في البنك كاني ابي اجدد استمارة هذه لسيارة
ادخلت رقمها التسلسلي و فعلا طلعت لي رسوم التجديد 1500 وغرامات 300
!!!!!!!
يعني كم سنة منتهية ؟
وش السواة ؟
حتى المعرض الي سوى المبايعة نسيته

افيدوني جزاكم الله خير

[ليوان]

Vehicle registered under **********
Car Manufacturer: Not Available
Car Type: Not Available
Car Color: Gray
Year of Manufacture: 1986Plate No:*** **9
Date of ownership: 1996/01/06
MVPI issue date: Not available
Vehicle License expires on 24/06/1421
Car Registration Type: Private Car
Number of previous owners: 2
Car Serial Number: *****00
Chassis #: *******3

[ليوان]

هذه المعلومات الي طلعت لي بعد ارسال رسالة الى رقم المرور الخاص بالاستعلام عن ملكية السيارة وعليه رقم هويتي

[ناصح]

.
.
ياخوان
السﻻم عليكم
بعت سيارة قبل 16 سنة ومازالت باسمي الى الآن
ودخلت على حسابي في البنك كاني ابي اجدد استمارة هذه لسيارة
ادخلت رقمها التسلسلي و فعلا طلعت لي رسوم التجديد 1500 وغرامات 300
!!!!!!!
يعني كم سنة منتهية ؟
وش السواة ؟
حتى المعرض الي سوى المبايعة نسيته

افيدوني جزاكم الله خير

راسل المرور

طرق إرسال الملاحظات والشكاوى والاقتراحات:

الفاكس 4411111

تحويله 295 أو 294

إيميل العمليات 993@rt.gov.sa

إيميل رئيس العمليات: hasan@rt.gov.sa

عبر موقعهم الرسمي

والموضوع اسهل مما تتصور

وبالتوفيق

[ليوان]

الله يطمنك ويجزاك الخير

[أبوسعد111]

و إذا أنت بالرياض
راجع قسم المعارض - بمرور الناصرية

موفق

[Obu-Nasser]

حاول تتذكر اسم المعرض، واشتك عليه، صاحب المعرض يغرم، و المالك الجديد يغرم ايضا لانه مانقل السيارة، انا لو منك ابلغ على السيارة، 16 سنة مهيب هينة بس ربك ستر عليك، تخيل سيارتك طاحت بيد ارهابيين او مهربين مخدرات، كان رحت طعام جحوش، افطن لعمرك.

[ليوان]

المعرض من سابع المستحيلات اتذكرة
اتذكر أن المشتري دفع جميع المبالغ المترتبه على السيارة حسب الإتفاق الي كان بيننا (تجديد إستمارة ، غرامات التجديد ، تغيير لوحات ) دفعها للمعرض
ووقعنا على المبايعه ، وخلاص اطمنت ولا عاد سألت عنها
ويوم سجلت في موقع وزارة الداخلية لقيتها مسجلة علي حتى الآن
ومن فضل الله انه ما عليها مخالفات الحمدلله

[راعي المقانيص]

الاخ الفاضل ليوان
نفس مشكلتك صارت معي بالضبط من شريطي الله لايوفقه ولا يرزقه والصدمه الاعظم انهم اربعة شريطية تبايعوا السيارة وهي باسمي ورحت اقدم الشكوا وحولوني وحدة المعارض بالنسيم وقالوا انت شريطي معهم ولازم تنسجن وحالتك حاله ................ الخ وانا ماخذ فلوسي وكل حقي لكن البهيمة الله يكرمك مانقلها باسمه وباعها على بهيمة ثاني والثاني باعها على بهيمة ثالث لحد ماوقفت عن البهيمة الرابع ( كل شريطي نكرم عنه البهيمه ) والمصيبه الاعظم اني محتفظ بورقة المبايعه ومع ذلك ماعندك احد

وانا عرفت ان السيارة باسمي بالصدفه لاني طلعت سيارة جديده من الوكاله قالوا عليك مخالفات لازم تسددها وانصدمت ان المخالفات مسجله على السيارة وانا بايعها ولها تقريبا 7 سنوات
مالك بالطويله يوم شفت الوضع بالشكل هذا وتأكدت ان السيارة لازالت باسمي عن طريق المرور
بلغت عن السيارة انها مسروقة وبعد كم شهر اتصلوا علي وقالوا سيارتك عندنا ومسكنا اللي سارقها والبهيمة اللي هي معه معترف انها شاريها من بهيمة قبله وجابوه لحد ماجابوا اللي اشتراها مني وقلت مابي منه شي الا انه ينقل السيارة ويدفع المخالفات اللي عليها وبكذا انتهت السالفه
لكن تبي تشتكي نظامي تبي تطول والحق نفسك لايسوون بالسيارة مصيبه وتاكلها واذا ورقة المبايعه ماهي عندك الله يكون بعونك

[ليوان]

ورقة المبايعه ماهي عندي
عندي ورقة عادية(اتفاقيةبيع) سويتها على مطبوعات مؤسسة الرجال المشتري ذيك اﻻيام وعليها توقيعه و ختم المؤسسة
كاتب فيها اني بعته السيارة وانها تحت مسؤليته من تاريخه
سويت الورقه هذه ﻻني سلمته السيارة قبل مانسوي المبايعه في المعرض بيوم
والورقه هذه محتفظ فيها عندي

[ابأ محمد]

يارجال انت شكلك مبرد الموضوع ومهمل

الأعضاء علومك الحل وانت فاتح الموضوع لك اكثر من ١٣ يوم وإلا الحين تدور الحل عجيب والله

الحق عمرك الحين الواحد يخاف يعطي قريبه الموتر ماهب الغريب يسرح ويمرح باالموتر

لاتقول عندي ماعندي اقرب شرطه لبيتك وبلغ وريح نفسك

قريبي عطا قريبه شريحة جوال وراح فيه سجن ٦ شهور

صراحه استغرب برودة وقوة أعصابك أسمحلي على هاالكلام لانه نادر مايحصل هالوقت اللي كله مشاكل

[ليوان]

اشكركم جميعا اخواني الاعزاء
اخي ابو محمد
والله انك صادق
مهو بس 13 يوم ..لي شهرين وانا معطي الموضوع طناش ههههه
الله يصلح الحال
بكرة ابي ابلغ ان شاء الله

[LampLamp]

يعطيك العافية

[Qassim Land]

يعطيك العافية

زيادة مشاركات