المساعد الشخصي الرقمي

مشاهدة النسخة كاملة : اليوم رحت كشتة لكن للاسف ماانبسطت


الوهم
15/12/2006, 09:25 PM
كنت كاشت اليوم مع الاهل قريب من قريتنا في ارض ممطورة واخذنا معنا ذبيحة وتغدينا بالبر

لكن للاسف ماقدرت استانس :mad: :no2: :mad:

مع انني بدوي وقضيت ثلثي عمري في الصحراء

لكن ماادري وش السبب

هل المكان اللي نزلناه مايونس

والا عدم وجود اللون الاخضر بالارض هو السبب ؟؟

والا ايش المشكلة :mad:

هل هناك اشياء تساعد على الوناسة بالبر لعلنا نعمل بها المرة الجاية :mad:
بواسامه
15/12/2006, 09:34 PM
اخاف انك توهم يالوهم00000000000امزح مامعنا زعل

اتوقع واللي احس به انا دايم
ان سعة الصدر مع الاخويا اكثر من الاهل
والله اعلم
الوهم
15/12/2006, 09:41 PM
بو اسامه

شكرا لمرورك واضافتك

لكن ليس شرطا

فبعض الخويا يمكن يجيب لك ضيقة الصدر

لكن هل يكون لنهاية الاسبوع ويوم الجمعة سببا لذلك لان بعدها يكون الدوام

بمعنى لو كانت الكشتة يوم خميس يكون افضل ؟
تــــوني
15/12/2006, 09:45 PM
تعتمد على خوياك وعلى جوك وما يصير في بالك شي تنسى الديرة بالي فيها

كذا بتستانس

فيه بعض المناطق يكون بها جن وتحس بضيقة لا جلست فيها وعليك بتغيير المكان

بعدين وش يوديك لمكان مافيه خضرة ؟؟؟
هاوي كشته
15/12/2006, 09:48 PM
أخوي أولا اسال الله ان يوسع صدرك بالطاعة والعافية
ثم اذكر الله في كل حين واذكر دعاء الهم ( اللهم اني اعوذك بك من الهم .............)
حاول انك تشغل نفسك وانا اتوقع مثل ما قال اخونا ابو اسامة انك يستاسع صدرك اكثر مع ربعك واخوياك
لذلك اكثر من الطلعات العائلية حتى تتعود
هذا ماعندي واسال الله لك التوفيق والله اعلم
بيرق التوحيد
15/12/2006, 09:49 PM
اذا ما استانست بمكان فغيره مباشره

وذا مانفع فحاول بتغيير وظعك الحالي

مثلاً اذا كنت جالس متكي فحاول تآخذ بندقك وترمي بها على نصع انت واعيالك

او تمشي بالبر وتروح عن نفسك


واهم شي عليك بطاعة الله والذكر وملازمة الأوراد ففيها كل خير وسعاده وانشراح للصدر
رعدان
15/12/2006, 09:58 PM
يمكن عندك التزامات بالديرة طلعت وهن مشغلات بالك . وأنت أبخص بحالك . والله يوفقك ويسعدك بالدنيا والآخرة .
المترو
15/12/2006, 10:07 PM
السلام عليكمروحمة الله وبركاته

خير ان شالله

ملاحظات اخي الكريم اولا غير معرفك كفنا الله وياك شر الوهم ويبدو ان لك من معرفك نصيب قد تكون متوهم:mad: يا اخوك الواحد يتفأل بالاسم نصيحه اخويه



ثانيا بالعكس طلعت الاهل وناسه ما بعدها وناسه طبعا لازم تكون روح المرح والفكاهه موجوده مع الاطفال فهم وناسة الطلعه وكذلك المكان له علاقه قد يكون انت عند نزولك ما ارتحت للمكان وهذا قد يكون اللي كرهك بالطلعه كلها دائما اذا ما جازلك المكان دور غيره ولا تجبر نفسك عليه عشان الربع قالو لك ترانا طولنا متى نبي نوصل ضاع الوقت اهم شيء مكان ترتاح فيه ماهي الدعوى مكان والسلام ؟؟

؟؟

وختاما دائما الانسان هو من يصنع الوناسه والاستمتاع بأي شيء مع الاخذ بالاسباب

ولك وافر الود
والسلام
غضنفر
15/12/2006, 10:14 PM
انا منب احب الطلعة للبر لا صار اليوم الي بعده دوام
الواحد ما ياخذ راحته لازم يحرك من محله بعد المغرب
سواق الشاص
15/12/2006, 10:28 PM
اكيد انك قبل الطلعة تفكر بشي شاغل مخك ، والا البر مافيه الا الوناسة وسعة الصدر
انا دايم اطلع للبر في عز الصيف واستانس مع ان الجو حر سموم ولا فيه ربيع ولا شي.
بليزر
16/12/2006, 07:44 AM
قل ما قاله رسولك صلى الله عليه وسلم
اللهم ان اعوذ بك من الهم والحزن و من العجز والكسل و من الجبن والبخل و من ضلع الدين و غلبة الرجال
وقل
اعوذ بكلامات الله التامات من شر ما خلق .....ثلاثه مرات
واكثر من الإستغفار ..... فإنه من لزم الإستغفار جعل الله له من كل هم فرجا ومن كل غم مخرجا