ابي فزززززعتكم يالربع لاتتطلع حتى ترد علي .

[يحيى أبوالعز]

عندي جيب لاندكروز موديل 93 هدد GX >>

المشكله الحاليه فيه هي ان المكينة مخبطه ولاعمرها انخررررطت ابد
وممشاها معقول ..

وبصراحه حاب ارجع عزم الموتر مثل ماكان واقوى من كذا لاني اروح فيه البران والجبال
واحيانا اطلع به مرقا فأبغى الموتر يصير عزمه خرافي وقوي ومايطلب مني شي لاخرابات ولاهم يحزنون ولا ابغى ادل طريق الورش فلذلك احتاج فزعتكم يالربع ..

انا ناوي اوظب المكينة ومادري كم تكلفتها ؟؟ وش تنصحوني فيه ؟؟
برضوه ناوي اركب عليها هدرز وفلاتر وبواجي وكلتش ...
ولو فيه اشياء اخرى لم اذكرها ارجو منكم مساعدتي فيها .. وش تنصحوني فيه ؟؟


وللمعلوميه انا مالي خبره في امور الميكانيكه واجهلها تماما فلذلك ارجو منكم مساعدتي
فلاتبخلوا علينا يالربع .... انتظر ردوووكم ،،،

[GMC89]

انا انصحك توضب مكينتك قطع غيار اصلي و التزويد مثل الهدرز وغيره ركبها بعد ما يمشي الفين كيلو

[كاشت وحداني]

افادك gmc89
والعزم الزائد تراه ماهو كل شي.

وظبه قطع اصلي وحاول اللي يوظب يكون مخبور ماهو بس يطبق المكينه ولا يفهم في الامور الثانيه
لان البخاخ والطرمبه والكويلات واشياء كثيره تكمل بعضها
بالتوفيق

[يحيى أبوالعز]

الله يسعدكم على مشاركاتكم ياحلوووين

[كم كيلو باقي]

لا تنسى تغير طرمبة الزيت
+
لا تركب الا أصلي
+
لا تزود ولا قطعه لين يمشي الموتر فترة .. الأخ اللي قبلي أقترح 2000 وانا اشوفها قليله والله اعلم
لان المكينة ترجع جديده لازم ترفق عليها أول الايام
والزيت ارجع للزوجة الزيت حق الوكالة لا تحط الثقيل
موفق

[ممتر البران]

لا تنسى تغير طرمبة الزيت
+
لا تركب الا أصلي
+
لا تزود ولا قطعه لين يمشي الموتر فترة .. الأخ اللي قبلي أقترح 2000 وانا اشوفها قليله والله اعلم
لان المكينة ترجع جديده لازم ترفق عليها أول الايام
والزيت ارجع للزوجة الزيت حق الوكالة لا تحط الثقيل
موفق

عشانك ملزم ما راح ازيد على هذا الا عليك باهل الذمه لو كواك بالسعر
تحياتي

[الاشهب 507]

ترى توضيب كامل
وخرط يكلف معى قطع
اصلي من الوكالة للموتر علطول
11 الف ريال
والتزويد امش اقل شيء 5 شهور
بعدين زود والدرز ترى الفلتر يكفي عنه
بس الهدرز يعطي نتيجه افضل
المهم ترى بيكلف صيانة الفلاتر والهدرز
كل فتره فوق 500 ريال والله وعلم
لكن صيانته مكلفه مره لين الفلاتر
تنضيف وتغير كل فتره بعض القطع
ويدخله الرمل وماتنفع بس انت
طلعه على التنده من الرفرف
افضل ويمكن تحصل الطيب في التشليح
دور بس إذا عطاك سعر غالي
اشتر جديد اصرف لك
شف المكينه لزم تنفك عند واحد فاهم
وشوف يمكن ماتحتاج إلى فك الراس
وتغير بعض القطع مثل السبايك وجلد البلوف
وغير طرنبة المويه ولازيت ونضف الاديتر
خل المكنيك يفكه لك ووده عند رعيان الاديترات
ودبل وجه الراس اشتر وجهين وخل المكنيكي
يركبه دبل وهو بيعرف إذا هو فاهم
لين تحميك من الحرارة في المستقبل
الأشهب 507

[مسير عليكم]

رح الامارات وركب عليه مكينه فكس ار بقيمه توضيبك

ادري بتقول مشوار وصعبه بس بتطلع بفايده والمكاين رخيصه هناك

[ناصر آل منصور]

أوييد الاخ مسير عليكم ... رح للأمارات بشرط تحتفظ بالفواتير لأن ماعندهم لعب هناك.

[ateeq7]

انا نصيحتي ابعد عن الهدرز بدايتا يعطيك عزم ولاكن انته تريد شي يعمر ما يهلكلك المكينه عادي تحصل المكينه تكب الزيت من الاكزوزت بعد فترة تريد الشي العدل ثمنيه سلندر و سوبرجارج كأنك وكاله

[سحب ممطرة]

وضب المكينة وكالة و عزمها بيكفيك

نصيحة ابتعد عن التعديل ترى يقصر بعمر المحرك لانه يجهده ويحمله فوق طاقته وبالتالي بتوضب من جديد بعد فترة