بخصوص زر الدفلوك فتك الشاص ...

[الصافي9]

اليوم كنت بمعرض الحارثي الدولي للسيارات بجدة ولما رايت الشاص الفتك الفل كامل استغربت من وجود زر الثلاجة فقط بدون وجود زر الدفلوك . فاخبرني المندوب بان الدفلوك صار اتوماتيك ؟
هل صحيح كلامه ؟ انا ما دخل مزاجي صراحة ...

[1824]

مافي ولا سيارة في العالم الدف لوك حقها اتوماتيك غير الجموس فقط وهي حصرية لشركة جمس بالتوفيق لك

[اليامي قطر]

يكذب عليكـ

[الصافي9]

انا قلت له يا اخي ما يجي الدفلوك توماتيك :( ؟
لكن حلف لي بالله المندوب انه توماتيك :mad: ؟؟

[almutllaq]

انا قلت له يا اخي ما يجي الدفلوك توماتيك :( ؟
لكن حلف لي بالله المندوب انه توماتيك :mad: ؟؟


بكل الأحوال ما يجي دفوك تماتيك .

نحسن النيّة ونقول انه ما يدري أو جته معلومة غلط . حتى لو حلف لك .

والدفلوك ( فرّار ) وليس ( زر ) .

تحياتي .

[خبايا انسان]

المعلومة الي عندي .. شاص الفتك السعودي وكيل العيسى .. الدفلوك يجي تماتيك بدون زر

[مجالس الرجال]

شف الكارونه اللي به دفلك تختلف عن غيره به جهاز رابط بالكارونه خاص بالدفلك

[ابن المهد]

صدق مجالس الرجال لاتكذب الرجال ولا شي شف الكرونيه من الجهه الخلفيه بتلقا فيه جهاز

[الحربي 591]

اخوي ريح راسك
وجرب لك واحد من الجديدات من اي شخص تعرفه او من المندوب نفسه.

[محيسن1]

السلام عليكم اخوي فرار الدفلك
جنب الولاعة اما يجي تماتيك لالالا

[راكان 11]

اليوم كنت بمعرض الحارثي الدولي للسيارات بجدة ولما رايت الشاص الفتك الفل كامل استغربت من وجود زر الثلاجة فقط بدون وجود زر الدفلوك . فاخبرني المندوب بان الدفلوك صار اتوماتيك ؟
هل صحيح كلامه ؟ انا ما دخل مزاجي صراحة ...



السعودي صحيح الدفلك مع الدبل الثقيل
الخليجي يجي فرار

[ابو لياا]

الله اعلم اذا هو دفلك تماتيك

لانه بيتعب الكارونه اولاً ودايم تلقى الجموس الكارونه لها صوت

وثانيا هذا شي فاشل لان لما يكون مشبوك بيغرز الكفرين سوا ومايطلع الا سحب او دبل ثقيل وسواق صح

ثالثاً الدفلك يشتغل مع الثقيل معناتها انه وقت الحاجه مو دايم
بس الي دفلك بزر لما يغرز يثولث الموتر ويصير كفر داخل للشاص وعليه ثقل من يشبك الدفلك يطلع

[مشاغب شوي]

الله اعلم اذا كان صادق ولا لا .. لكن الدفلوك التوماتيك موجود من زمان وهذا مقطع فيديو لسرفرادو

ميزته اسرع واعلى كفاءة

هذا مقطع له

dDx49M9TK1c

وهذا يوضح كيفية عمله الذي يعتمد على وزن قطعة حديد تعمل اذا بدا كفر واحد يدور اسرع بكثير فقط

MCxqUJCZGNU

والله اعلم

[التعـ King ـديل]

ممكن يكون كلامه صح وذلك بموديل 2015

لان جميع فئات الشاص فيها دفلك من 2012 مانزل بدون دفلك ابدا

وللتاكيد بشوف شباب في العيسى واعطيك خبر

[التعـ King ـديل]

تاكدت لكم من معلومه الدفلك التماتيك والفرار

موديل ال 15 نازل دفلك تماتيك ونازل دفلك فرار كل الاثنين والزبون يختار اللي يبي

[الصافي9]

مشكور وما قصرت
ولو انها جت متأخره هههههه