المساعد الشخصي الرقمي

مشاهدة النسخة كاملة : يالنشاما ويا أهل الفتكات ادخلو وعطوني رايكم محتار والله


D E M O R
21/12/2014, 04:12 PM
السﻻم عليكم ورحمة الله وبركاته

عندي باترول فتك موديل 2003
خرب عندي االقيرتبترونك طبعا .. قالو لي يا توظيب والا اركب قير ياباني عند الشيبان في القصيم


وش تنصحوني فيه
اوضب القير والا اركب قير ياباني من عند الشيبان الي في القصيم ؟


وان كانكم خابرين لي ورش زينه وقد احد جربهم يعطينا رايه ﻻ يهون
مسير عليكم
21/12/2014, 07:01 PM
اذا اكيد ياباني ماهو مجدد خذه بس اهم شي قبل لا تاخذه شف زيته لايكون محروق او خالط واهم شي الضمان وتكون تعشيقاته حلوه
ابوسند9
22/12/2014, 12:02 AM
وعليكم السلام
اخوي
هل السياره متعطله الان؟
وكيف وضع القير الان ؟
وضح الله يجزاك خير وفصل تفصيل كامل من شان نفيدك اما توظيب او يا باني او نشوف لك ورشه كويسه سواء بالقصيم او الرياض
لان البعض يقول القير يبغى توضيب واخر شي نكتشف انه قطعه ب 50 ريال والقير سليم
D E M O R
22/12/2014, 05:17 AM
وعليكم السلام
اخوي
هل السياره متعطله الان؟
وكيف وضع القير الان ؟
وضح الله يجزاك خير وفصل تفصيل كامل من شان نفيدك اما توظيب او يا باني او نشوف لك ورشه كويسه سواء بالقصيم او الرياض
لان البعض يقول القير يبغى توضيب واخر شي نكتشف انه قطعه ب 50 ريال والقير سليم



هﻻ وغﻻ اخوي ابو سند
ﻻ الموتر الحين يمشي ب النمره 1 و 2
اول مايعشق 3 يمشي شوي الين يوصل الضغط 3
بعدها يفصل يصير كأنه فاضي
يعني ﻻزم تخلي الضغط على 3 والسرعه 80 مثﻻ
لو ادعس يرتفع عداد الضغط ولكن مايمشي الموتر
يعني كأنه فاضي


غير وسويت كل شي
فصلت البطارية
وغيرت الكتاوت مدري الحساس حق القير الي فوق الرفرق اليسار
غيرت الثلاثه الزرق كلها
غيرت زيت وفلتر القير
كشفت كمبيوتر

آخر شي قالو لي ان الخراب ميكانيكي ﻻزم توضيب
ابوسند9
22/12/2014, 08:38 PM
شف وانا اخوك
انا خوفي توظب القير وبعدها ماتطلع بنتيجه , واخر شي خسائر
واذا بتوظب القير عند ورشة غير متخصصه راح يكلفك مبلغ كبير واخر شي ربما يطلع العطل اما حساس او برمجه او ما شبة ,لذا لا تستعجل
واذا تبغى الراي
اذا انت خارج القصيم اشحن السياره با البسامي لبريده
وروح لموقع تشاليح بريده , فيه هناك ورشة ابو عبدالله الصمعاني وورشة عبد العزيز العثمان وورشة يوسف الخضير وهؤلاء متخصصين با الفتك ومر عليهم واحد واحد وشوف ايش يقولو لك , والاهم انك تبلغهم انك من خارج القصيم من شان يفحصون السياره لك على طول , وخل يوسف الخضير اخر واحد تمر عليه
واذا اتقفو على التوظيب لان احتمال عندك 50 % المشكله من الكلتشات مجرد توقع
فا انا اشوف انك تخليهم يشوف لك قير من التشليح وسعره بحدود 6500 الى 7000 ريال وافضل لك من التوظيب