وش افضل طريقه او مساعدات تتحمل التحميل الثقيل

[8ابوسلمان8]

السلام عليكم ورحمةالله وبركاته

اخواني

عندي سؤال انا معي جمس حوض 97 قطع 15

ولين حملته نزل مره مع العلم ان مساعدات وكاله

مادري وش الطريقه او المساعدات اللي تتحمل او طريقه تخليه ماينزل

انا راعي غنم وحمل فيه برسيم وشعير اكرمكم الله

وش الحل معه ياليت تفيدوني لاني ابي اصلحه هالاسبوع

[المميـز]

:

ركب له مساعدات استراليه او مونرو وزوده سسته

:

[8ابوسلمان8]

هل مساعدات مونرو تتحمل وهل تحتاج تدبيل ولا لا

ووش رايكم في اللي يسمونه بلاطه جمس ؟

[راعي الوايت]

المساعدات مالها دخل في ارتفاع الموتر او نزوله
السست واليايات هي المسؤوله

[ابو سلطانه]

نعم كلام اخوي راعي الوايت هوالصحيح

[اسدهم]

يالغلا انقز للصناعية القديمة وقلة ابي سستة تحميلل ويعطيك عند محل اذا ماني غلطان بالبيد حق السست

[مسير عليكم]

يالغالي هذا طبع الجمس من تحمله ينزل لا تقارنه بالهايلكس

وفيه نقطه المساعدات ما ترفع الموتر وبالعكس لاصارت قويه تكسر قواعدها

رح الصناعيه اطرق سست الوكاله وزدها كم حبه لتحميل واحسب حسابك ترا موترك بيغدي مطبه قاسي كل مازودت سست قسى مطبه وصار يشيل احمال اكثر
والمساعدات الخلفيه ركب جبريل العاديه تكفيه الاسترالي والغاز تتعبك زود ويمكن تكسر القواعد

[8ابوسلمان8]

الله يعطيكم العافيه انا اقصد انه ينزل يعني من المساعدات ادري المساعد مايرفع الموتر لكنها تمسك الموتر ماينزل ولا كلامي غلط
والله يعطيكم العافيه ماقصرتو

وتقولون ان فيه سست تحميل يعني فيه شي اسمه سست تحميل او ازود سست يعني كلها واحد

وفيه شي اسمه بلاطة جمس اللي تكون كبر الكف وتركب في قاعدة السست اخر السست اركبها ولا اركب سست وش رايكم

[8ابوسلمان8]

وشرايكم اركب السست الكامله او المقصوصه ورايكم في بلاطه الجمس اللي تكون في قاعده السست شفتها بموضوع بالنت ارتفاعها 4سم وتركب اخر السست على القاعده او اركب سست وشرايكم


وهل فيه سست اسمها سست تحميل او كلها واحد

[8ابوسلمان8]

ولو ركبت مساعدات مونرو تكسر القاعده ولا ماعليها
او ركبت جبريال وخليتها طقه وحده ماعليها ؟ ماتكسر القاعده

[المميـز]

المساعدات مالها دخل في ارتفاع الموتر او نزوله
السست واليايات هي المسؤوله

السست لحالها ماتسوي شي لاصار المساعد ضعيف
لازم يزيد سسته ويركب معها مساعدات والمونرو ممتازه وعليها ضمان سنه

[8ابوسلمان8]

الله يعطيكم العافيه ماقصرتو