المساعد الشخصي الرقمي

مشاهدة النسخة كاملة : يا شباب النصيحة بارك الله فيكم * نيسان باترول 2007 ديزل


بن حـــمـــد
17/12/2006, 10:13 AM
السلام عليكم

اخوكم واقع في حيرة وتردد شديد

نويت اني اشتري باترول ديزل، لكن يوم قريت مواصفات المكينة وجدت ان الأحصنه بس 135 حصان والعزم 28 كيلو-متر :confused: :eek: مقارنة مع مكينة البنزين 4.8 اللي تعطي 280 حصان و 46 كيلو-متر عزم

بصراحة اني مرة مستقل العزم والأحصنة بالنسبة لهسيارة، فما أدري هل أحد مجربها أو سامع عنها وشلون ممشاها وقومتها وشلون هي بالرمل

لا تبخلوا علي بالنصيحة جزيتم خيرا
ملبق غلـــــط
17/12/2006, 11:19 AM
نصيحه لوجه الله

لا تقرب الديزل بسيارات الدفرنس فمابالك بالدفع الرباعي

بعدين البنزين لك ولزمان الديزل على فكرة يمكن يوفر باقتصاد الوقود بس راح تخسر من ناحية الزيت

لان الديزل اول سنة مايصرف وبعد كذا يبقى يصرف زيت

لا تفكر الا ببنزين لك وللبر ولطريق ماهو الديزل تقول تشيله فوق ظهرك
كل القصيد
17/12/2006, 12:08 PM
لاااااااااااااااااااااااااااااااااااا لاااااااااااااااااااااااااااااا تقرب الديزل ابدا هدا رأيي وأنت أدرى
راعي الفزعه
17/12/2006, 12:33 PM
سيارات الدبل 4×4 لا ينفع معاها الا مكائن البنزين حيث القوة في الاحصنة والعزم
وتحمل الطعوس والرمال ... هذه النصيحة لك ..

والله الموفق ...........
Riyadh-boy
17/12/2006, 04:23 PM
للبيع 2005 ديزل
اللون فضي
واذ
الشوكيss
17/12/2006, 05:04 PM
السلام عليكم
من تجربتي بسيارة ديزل صغيره ليست جيب
نصيحتي لك ان لا تشتري سيارات الديزل مهما كان نوعها لأنها:
اولاً : اسعارها غاليه جديده اغلى من سيارات البنزين
ثانياً : تحتاج صيانه اكثر من البزين
ثالثاً : اسعار الصيانه غاليه بالحيل ان لم تكن الضعف في السعر او اكثر
رابعا: قطع الغيار كذلك غاليه
خامساً : البنزين رخيص ولله الحمد والمنة
وفقك الله والمسلمين لما فيه الخير
بن حـــمـــد
17/12/2006, 05:52 PM
أخواني: ملبق غلط ، مندي ضبان ، راعي الفزعة ، الشوكي
أشكركم على النصيحة وطال عمركم ما نتعدى شوركم مبدأيا بحول على الفتك والله يعين.

أخي فتى الرياض أسأل الله لك التوفيق وشكرا على المرور.
طخيمان
17/12/2006, 06:37 PM
يا ابن الحلال الناس قبل كانوا يبون الديزل عشان البنزين بـ 90 هللة لكن هالحين والحمد لله البنزين بـ60 هللة

وبعدين سياراة الديزل أغلى من سيرارت البنزين يعني السعر اللي تبي تزيده على سيارة الديزل حطها في بنزين سيارة البنزين >>>>والله من زين الاسلوب >>>>> أحس انه دار راسك خخخخخخخخخخ

الخلاصة

البنزين أزين وخاصة الفتك يعني تشتبدل المكينة الجبارة القوية بديزل ؟؟؟!!!

ولك الخيار وحنا علينا الشور
بن حـــمـــد
17/12/2006, 08:03 PM
هلا أبو الطواري تونا طالعين من دوخة مع السيارة القديمة وانا اخوك :)

اشكرك على الشورة ترى خذنا بيها، وعلى طاري سعر البنزين ذكرتني بالمثل اللي يقول "وش فيك تبكي وانت فوق قال اخاف من اننقلابها"

وسلامتكم
نيتروجين xp
17/12/2006, 08:33 PM
نصيحتي لك لا تآخذ إلا بنزين !!

إن كان قروشك واجده خذ تايوتا GX

ولا خذ فتك والله يعطيك الموووتر

وقبل كل شي استخر ربك ويبي يفرجها لك . .