ذهبت الى شركة تويوتا لشراء هايلوكس دبل 2015

[راعي المجهم]

السﻻم عليكم ورحمة الله

مريت شركة تويوتا وسعرت الهايلوكس الدبل 2015 غمارتين

التماتيك 105 اﻻف

والعادي 102 الاف

بالتقسيط يطلع 156 الف ريال

شهريا 2600 ريال

ربح 50% حسبي الله

هل اخذ قرض تكميلي من بنك الراجحي وشراء كاش افضل

او تقسيط عن طريق البنك افضل

وهل فيه بنوك تقسط بدون دفعة اولى واخيرة وبدون رسوم اقل من الراجحي

[التعـ King ـديل]

اذا تبي السلامه من الشبهات خذ قرض واشتره كاش

والله يكتب لك اللي فيه الخير

القرض ماراح تكون فوائده كثيره مقارنه بالتاجير بالاضافه الى ان الموتر بااسمك تسافر وتبيع وتتصرف بمزاجك

[محمد1415]

الخليجي ب 88 للمعلوميه
و 14 على 83

[ابوو زيد]

وفيه بريمي مواصفات السعودي وافضل ب ٩٥ بالمعارض

اترك الوكاله بس و اسحب لك قرض تكمل فلوسك و كيشه باسمك

[راعي المجهم]

الموظف حق الوكالة يقول انتظر 2016

راح يتغير 180 درجة

يمكن ينزل 6 سلندر

[ريان2002]

القروض التكميليه فوائدها أعلى من فوائد القرض الجديد
أنا رحت للبنك من فتره وقلت لهم لكم عندي اقساط بإجمالي ١٠٠ ألف لو أخذت قرض تكميلي كم تعطوني ؟
قال الموظف نعطيك ١٦٠ يروح منها ١٠٠ سداد للقرض القديم ويبقى لك ٦٠ وترجع ال ١٦٠ ب ١٩٠ يعني فرق ٣٠ ألف فائده
قلت لو سددت ال ١٠٠ سداد مبكر من جيبي وبغيت أطلع قرض جديد بمبلغ ١٠٠ ألف كم أرجعها ؟ قال ترجعها ١٠٨ فتخيل الفرق بين قرض تكميلي وقرض جديد هناك ٣٠ ألف وهنا ٨ آلاف
طبعا كانت ال ١٠٠ ألف موجوده وكان ممكن ما أسدد البنك مبكر وأخلص بها شغلتي ولكن كان هدفي القسط ينزل من ٣٩٠٠ إلى ٢٠٠٠ ريال وبالتالي راح أقدر أسدد القرض الجديد في سنتين بدل خمس سنوات من خلال سداد مبكر أيضا
هالكلام في البنك الأهلي والراحجي ماهو بعيد عنه وعن باقي البنوك

أما بالنسبه لتقسيط سياره عن طريق البنك فما عندي فيه خلفيه

[dhoomi]

نصيحه لوجه الله
خذلك قرض من بنك واشتري خليجيه بسعر معقول بحدود 82 - 88 جديده طبعا
وأترك هالجحش ابن الجحش ابو جميل وسيارته اللي كله اكسسوارات صيني

[Ahmadx7]

والله القرض التكميلي فيه ايجابية انك تاخذ موترك واستمارته بجيبك ..

وسلبيته الفائدة الكبيرة الي ياخذها منك البنك ..

والايجار تمليك أولا ما ادري عن حلاله من حرامه والله اعلم ..

ثانيا : الموتر مرهون الين ينتهي قسطه ..

ايجابيته : التامين مدة التقسيط ..


فـ نصيحتي لك ،، إذا تقدر تسوي مثل ماسوى اخونا ريان 2002 انا اشوفه افضل حل ..

[ابوسند9]

وعليكم السلام
والله دام موديل 2016 راح يتغير
انا اقول لا تزنق نفسك با اقساط
دور لك مستعمل ومشي نفسك فيه وان اردت البيع ما راح يخسرك
واذا نزل موديل 2016 واتغير ذاك الوقت لها الف حلال
والله ييسر امرك

[اسبيدر مان]

وعليكم السلام
اذا اخذت قرض تكميلي او مايسمونه جسر راح ياخذون عليك فايدة كبيره بسبب ان البنك عارف انك ماراح تروح لبنك ثاني وعليك قرض عنده عكس القرض العادي فيمديك تشيك على البنوك والي يصلح لك تنقل راتبك عنده
التأجير من الراجحي لا يقربك
كثيرين اخذو تأجير من الراجحي وتوهقو
الراجحي ماعنده تنازل لاحد
اما انك تكمل اقصاد السياره او ترجعها وتدفع الفرق بين قيمة السياره جديده وقيمتها بعد الاستخدام ويصير مادفعته من اقصاد حق استخدامك ويهددونك بعد في سمه
اذا انت مجبر على التأجير خذ من الوكاله بحيث لانزنقت ممكن تتنازل فيها لاحد ويتقبلها عنك
وبالاخير الله يكتب لك الى فيه الخير

[راعي المجهم]

طيب فيه طريقة يشتريها البنك ويقسطها لك بفائدة قليلة

بس مادري عن اقل فائدة في البنوك ؟

[الهواوي 1]

سلام رح وانت مغمض البنك الاهلي طلع القرض وتاكد من حلالة من حرامة وتوكل على الله 1.75 نسبتهم مدري عن البنوك الاخرى سبق واخذت منهم

[كبري العشر]

خذ قرض واشتره كاش

منتهي بالتملك ما فيه خير شفط فلوس وعدم راحة بال

[راعي المجهم]

القرض مايعطون علي قرض حديث قبل 4 شهور

[تميم2222]

ههههههههههههههه ياهو لزخ في نص الجبهه الفوائد

[موادع 1]

نصيحه لوجه الله
خذلك قرض من بنك واشتري خليجيه بسعر معقول بحدود 82 - 88 جديده طبعا
وأترك هالجحش ابن الجحش ابو جميل وسيارته اللي كله اكسسوارات صيني
اخوي دحومي
اسأل الله لي ولك الهداية والصلاح ومن يقرأ هالموضوع
قل آمين
يالغالي الميت ما يقفى الا بخير
وانت سبيت الحي والميت
استغفر ربك وانا اخوك وبالنهاية
قروشك عندك وموتره عنده
ان جاز لك ولا خله عنده
الله يغفر لك ولوالديك ويستر عليك بالدنيا والاخرة

[راعي المجهم]

ماحد رد الافضل ماذا

[][][زلفاوي][][]

تبغى الكلام الجاد وانا اخوك.. الدعوة ماهي مواصفات والا اكسسوارات والا تكامل الدعوة موتر تاخذه ويتجمل معك ويرفعك عن عازة الناس فانصحك خذ لك موتر بنظام التأجير وافتك من القرض نظام التأجير لو ما قدرت كذا والا كذا بترجع السيارة او تتنازل عنها وتتحمل شويتين زيادة القرض ناشب فيك 5 سنوات وزود على كم سنة من قبل وكم سنة من بعد ولا تدري عن ظروف الايام يمكن تجدد فيصير المجموع كم وتبتل طول عمرك عليه (من عام 2004 الى الآن اعاني من القروض:() زد على ذلك نظام التاجير السيارة مامن عليها ان صار ما صار التامين يتحمل لك ويصلح لك الموتر ولا تبلش عمرك ومن هالكلام وتجديد الاستمارة ما تشيل همه ولو انت منتظم الدفعة الاخيرة يقسطونها لك بعد وامورك تكون بالسليم وغير كذا بعد 5 سنوات على خير تبيع الموتر ولا عليه غبار تويوتا مطلوب وكلن يرغبه وحليل بالسوق..

اتكلم وانا اخوك من واقع نعيشه كلنا ومن تجربتي مع القروض هذا والله اعلم..

[سعيد1990]

نصيحة مني لك وانا مجرب قبلك خذ لك قرض من البنك واشتر موترك كاش اولا فوائد البنك اقل بكثير من فوائد السياره بالاقساط وثانيا السياره تكون ملك لك وانت حر فيها وليس مستأجر من المالك اللي هو الوكاله!

[همس الغدير]

الى متى البنوك فوايدها عاليه كذا
قص ظهر؟؟؟

[عاشق الغضا]

ياشباب فيه فرق بين القرض والتمويل . القرض لايقبل فيه الفوائد مثل قروض بنك التسليف والصندوق العقاري او شخص اعطاك 50الف لازم ترده 50الف ولايجوز دفع فوائد . اما التمويل فهو الذي يتم تمويله عن طريق البنوك من اسهم وسيارات .

[جبل77]

الله لو تنزل ست سلندر وحش بجد
مثل الفورشنر سته س
رأيي من رأي الأخ اللي يقول اصبر ومش حالك حتى نزول المطور

[الدبل الثقيل]

اخوي دحومي
اسأل الله لي ولك الهداية والصلاح ومن يقرأ هالموضوع
قل آمين
يالغالي الميت ما يقفى الا بخير
وانت سبيت الحي والميت
استغفر ربك وانا اخوك وبالنهاية
قروشك عندك وموتره عنده
ان جاز لك ولا خله عنده
الله يغفر لك ولوالديك ويستر عليك بالدنيا والاخرة

جزاكم الله خير

[م ح م د 17]

يا اخوان أكيد ان شكل الهيلكس بيتغير في 2016 ولا كلام ؟
والله ورطه تشتري سيارة بـ 100 الف تقريباً وبعد 4 او 3 سنوات يصير شكلها فالشارع غير مقبول وقديمه ..

[وجعين]

فيه سيارات صينيه تشبه الهايلوكس وشرط انه اجود من الددسن وشوفه ماشيه مع الشركات ومقدمته ارفع من الهلي بس أكيد ان مكينته ماتقارن بلهلي بس كان تبيه للبر ممتازه وسعره مناسب فوق الخمسين الف

[عمرين العمري]

يا اخوان إبعدوا عن قروض البنوك ربا حتى لو غيروا أسمائها ، وإسألوا الله من الرزق الحلال
والي يتقى الله ويبعد عن الشبه ربك راح يرزقه ويرضيه ، وسلامتكم من الربا وأضراره

[الدبل الثقيل]

يا اخوان ماهي طريقة القروض اللي تتكلمون عنها؟
اذا كان يعطون كاش وتسدده مع زيادة فهذا ربا ، وين رايحين الله يهدينا واياكم
الربا من الكبائر بل من السبع الموبقات
السبع الموبقات بينها النبي - صلى الله عليه وسلم - في الحديث الصحيح رواه الشيخان البخاري ومسلم في الصحيحين عن النبي - صلى الله عليه وسلم - أنه قال: (اجتنبوا السبع الموبقات - يعني المهلكات - قلنا: وما هن يا رسول الله؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات الغافلات المؤمنات)

[used-cars]

سبحان الله وبحمده