تغير زيت قير عادي

[يعنني مهندس]

السلام عليكم
يا اخوان عندي قير عادي ابي اغير زيت القير
المهم فيه ثلاث صرات وحده في الاسفل وهي حقت التفريغ
الثانيه في الوسط والثالثه في الاعلى
سؤال اعبي الزيت من اي صره اللي فوق اعلى القير او الثانيه وسط القير
والشي الثالث كيف اعرف مقاس الزيت هل هو زايد او ناقص

[ابوسند9]

وعليكم السلام
ما ذكرت نوع السياره وكم الممشى؟
لكن يبدو لي انها جيب دبل
واحده للتفريغ اي القير
ووحده للتعبئه
ووحدة للدبل
اما كيف تعرف المقاس تعبئي حتى يخرج الزيت من نفس مكان التعبئة وتخلي الصره مفتوحه حتى يخرج الزائد ,والنقص البسيط افضل من الزيادة
لكن نصيحه لا تغيرمن شان ما يطلع عندك مشاكل,و اذا فيه نقص بسيط لا تزوده ,

[سيف وقلم]

وعليكم السلام:


حسب متابعتي لمواضيع تغيير زيت القير العادي والدفرنس في المنتدى خلصتُ إلى الآتي:

1-تغيير زيت القير أو الدفرنس بإنتظام حسب المواعيد المحددة في الكاتلوج وباللزوجة والمواصفات المطلوبة وبالكمية المناسبة لايسبب أي مشاكل، بل يحافظ على القير والدفرنس ويحسن الأداء.

*خاصةً شركة تويوتا يلتزمون بالمواصفات المطلوبة، لكن يلزمونك بالتغيير في الوكالة لوجود براميل كبيرة، ولايبيعون الزيت منفردا.

2- تغيير زيت القير أو الدفرنس بزيوت تجارية أو حتى غير مطابقة للمواصفات المطلوبة، أو تغييره بعد مسافة طويلة بصفة غير منتظمة وعشوائية يعرضك للمشاكل من حنة وونة.

*زيت القير والدفرنس وقت تغييره بين 40-80 ألف في الإجمال، ويختلف من سيارة إلى أخرى، والمرجع المعتمد ذلك كتيب دليل الصيانة (كاتلوج) سيارتك.


الخلاصة: أمامك خيارين:
1- تغير في الوقت المحدد وتلتزم بالزيت المناسب، ويكون أداء القير والدفرنس ممتاز.

أو

2- إنك ما تغير الزيت أبدا وتزود النقص مثل أغلب الناس، وتمشي مواترهم 300-400 ألف كم.

[I2.7]

اقول غير وخل المتفيقيهين على قول اخونا اصيل حجازي ..
انا مغير دفرنس وزيت قير عادي لهايلكس 2007 ماشي 200 الف ولا ونه ولا حنه ولا هم يحزنون والله على مااقوله شهيد

لاتغير
وشيابنا مايغيرون
والاولين مايغيرون

اشياء انقرضت ولا بد من تغير كامل الزيوت من مكينة لقير عادي او اتوماتيك ودفرنس!
ولابد من الالتزام بالمواصفات المطلوبة في كتيب الصيانه عشان ماتواجه مشاكل مستقبلاً ..

تحياتي

[يعنني مهندس]

وعليكم السلام
ما ذكرت نوع السياره وكم الممشى؟
لكن يبدو لي انها جيب دبل
واحده للتفريغ اي القير
ووحده للتعبئه
ووحدة للدبل
اما كيف تعرف المقاس تعبئي حتى يخرج الزيت من نفس مكان التعبئة وتخلي الصره مفتوحه حتى يخرج الزائد ,والنقص البسيط افضل من الزيادة
لكن نصيحه لا تغيرمن شان ما يطلع عندك مشاكل,و اذا فيه نقص بسيط لا تزوده ,
اي دبل اخوي
طيب الحين عبيت من الصره حقت التعبئه اللي بلوسط وخرج الزيت وقفلتها
باقي الدبل كيف اعبيه ولا هم مع بعض

[hassan-55]

انا غيرته قبل سنه
وغيرته قبل اسبوعين تقريباَ
سعره بحدود 70 ريال
رح للمشحمه وخله يغيره لك ومثل ماتفضل الاخ
يعبيه من جهه لين يطلع الزيت من الجهه الاخرى
في مقاسات اتوقع الانسب مقاس 90
وفي انواع منها
بترومين
وبالبيد
وفوكس

الله ييسر امرنا وامركم وامر كل مسلم..

[يعنني مهندس]

ياشباب ابي اتعلم
ابغى كل شي اسويه بنفسي شريت مضخه وسعرها اغلى من تغير في المشحمه

[I2.7]

ياخوي تاكد ان لزوجة زيت القير تناسب الدفرنس والدبل .. ولا لا تضعها ابداً في الدبل انتبه انتبه انتبه