المساعد الشخصي الرقمي

مشاهدة النسخة كاملة : ماهو اجود انواع الدرابيل


ابو نواس
17/12/2006, 01:24 PM
بسم الله الرحمن الرحيم

السلام عليكم ورحمة الله تعالى وبركاته

ماهو اجود انواع الدرابيل الجيدة واسعارها ان امكن
ومحلات بيعها في الاحساء جزاكم الله خير الجزاء
عبدالله العمير
17/12/2006, 07:33 PM
حياك ربي اخي الغالي

اجود انواع الدرابيل نوع غالي شوي اسمة (هنتر) على ماضن

وهوا موجود عند وكيلة محلات عبدالواحد في اسواق الراشد بالخبر ومادري هل له فرع بالاحساء

لكن اسعارة تبدا من 1500 الا 5000 وهوا الافضل على الاطلاق
ثعل البرد
17/12/2006, 07:41 PM
قبل عدة سنوات مريت محل الرماية اللي في شارع التخصصي بالرياض وأعجبني دربيل عندهم صافي ويقرّب بمعنى الكلمة وفيه زر مانع الاهتزاز فسألت عن سعره فقالوا لي ان سعره :



12000 ريـــــــــــــــال
ابو نواس
17/12/2006, 10:58 PM
مشكورين على المرور وماقصرتو لكن الدرابيل اللي

ذكرتو اسعارها غالية بدون توضيح الماركة واحنا نبي
دربيل مجرب وسعره معقول
ابو سمر
17/12/2006, 11:09 PM
هناك أنواع ممتازة من النيكون تجدها لدى محلات احمد عبدالواحد بحدود ال 1500 ريال ، وتفي بالغرض كثيرا ، أما الأنواع الجيدة جدا من الداربيل فهي من السايز الإلماني واللايكا وهما غاليان جدا جدا ، وهناك البرايم من النيكون رائع جدا لكنه غال جدا أيضا ، لكن الموجود لدى عبدالواحد جميل خاصة ال 8 على 30 م م ، ولدي واحد منه لا تمل من استخدامه ولا يتعب العين ..

وشكرا لك ..
دار منيخ
17/12/2006, 11:51 PM
بسم الله الرحمن الرحيم

اخوي ابو نواس الدرابيل الغالية والرخيصة كلها تقرب وذالك يعتمد على حجم العدسة مثل 10*70 و 9*50 وهكذا كلما كبرالرقم يكون افضل في التقريب ولاكن يكبر الحجم والوزن والبعض لايفضل ذالك 0 والفرق في الاسعار كبير جدا وتجد نفس الحجم يبدا من 100 ريال الى 6000 ريال والفرق يكمن في جودة العدسة والصفاوه وبرودته على العين والنوع الردئ لاتستطيع التركيز فيه وتلاحظ بعد استعماله لمده دقائق يحدث لك تغبيش في البصر وقد يسبب ضرر على العين اما الجيد فلا تشعر بذالك مهما استخدمته0 وافضل نوع من الدرابيل هو سايز ولاكن سعره غالي وانا عندي دربيل من نوع ستاير(الصقر)مقاس 50*10 الماني الصنع وله عندي اكثر من ثمان سنوات وهو ممتاز وصافي وبارد على العين وتقريبه ممتاز على نفس المقاس وسعره الان اعتقد 950 ريال وفيه ميزة انه مغلف بالربر يعني جرابة منه وفيه هذا رأيي المتواضع واسف على الاطالة0
ابو نواس
18/12/2006, 12:04 AM
ابو سمر / دار منيخ

انا شاكر لكم على مروركم الكريم
وياريت تدلوني على متعهد البيع في الاحساء او الدمام
ولكم فائق الاحترام .
دار منيخ
18/12/2006, 12:15 AM
ابو سمر / دار منيخ

انا شاكر لكم على مروركم الكريم
وياريت تدلوني على متعهد البيع في الاحساء او الدمام
ولكم فائق الاحترام .
لاشكر على واجب وبالنسبة لدربيل الصقر انا اخذته من الرياض البطحاء ولا اعلم اين يباع في النطقة الشرقية ولاكن أعتقد انه متوفر عند الكثير من المحلات بس تأكد انه اللماني اصلي0
الكـاسـر
18/12/2006, 12:47 AM
ماركة الصقر صناعة المانية موجود بالبطحا عند عبدالواحد بمجمع الراجحي الجديد اللي كله اجهزة وسعره 400 ريال
دار منيخ
18/12/2006, 01:18 AM
ماركة الصقر صناعة المانية موجود بالبطحا عند عبدالواحد بمجمع الراجحي الجديد اللي كله اجهزة وسعره 400 ريال
اخي الكريم السعر يعتمد على الحجم والمواصفات وانا اتكلم عن مقاس 50*10 وسعره 950 ريال يزود شوي ينزل شوي بس اكيد ماهو سعره 400 ريال؟؟؟؟؟؟؟؟؟؟؟0
عبدالله العمير
18/12/2006, 08:07 AM
مشكورين على المرور وماقصرتو لكن الدرابيل اللي

ذكرتو اسعارها غالية بدون توضيح الماركة واحنا نبي
دربيل مجرب وسعره معقول


فيسؤالك اول الموضوع ذكرت انك تبي اجود انواع الدرابيل
وذكرت لك انه اجودها على الاطلاق هوا (هنتر) الماني الصنع
والحين تغير سؤالك الا مجرب وسعره معقول;) وهذا ماقدر افيدك فية اخي الغالي
لكن انصحك تمر محلات عبدالواحد بمركز الراشد بالخبر وتلقا العلم الوافي عندهم ان شالله
ابو نواس
18/12/2006, 02:49 PM
بسم الله الرحمن الرحيم

اخوي الازرق يعطيك العافية على التجاوب
والعتب مقبول وانا خوك
لكنك قلت اسم الدربيل ( هنتر ) على ما تضن وهذا للتوضيح
وتقبل تحياتي
عبدالله العمير
18/12/2006, 03:40 PM
اجل امسحه بوجهي هالنوبة :)

وعندي مجله فيها الدربيل ابدور عليها وابعطيك رابط لها ان الله اراد
هاوي3333
13/03/2007, 10:39 PM
كروان الاصلي صغير وكبير في ادائه لا يتعدي سعره 300 ريال مع زووووووم يعني للقز مابعده :)