تركيب ثلاجة الوكاله للباترول الفتك

[سقم المعادي 1]

السلام عليكم ورحمه الله وبركاته




يا اخوان عندي باترول فتك GL بدون ثلاجه
و قريت مواضيع قديمه ان الشباب يركبونها بسعر معقول .. ياخذونها كامله من التشليح بسعر حول الـ1500 و تركب في كراجات بالامارات

لكن هالموضوع قديم ودنا نعرف هل استجد شيء في موضوع الثلاجه , هل فيه احد يشتغلها بالسعوديه شغله مضمون و مجرب .. نبي العلم من شخص جرب يركبها على موتره او يعرف احد ركبها على الباترول

- كم التكلفه

- وهل كل شيء يجي جاهز من المصنع مثل : (فتحات مواصير الفريون و غيره...) او الشغله فيها قصقصه ولعب بالبدي و الكهرب ؟

[Last Nomad]

ما شاء الله يبارك لك في موترك

بس ليش الغثاء يا اخوك

اشتر لك ثلاجه كبيره ومدد لها صح وارتح

[سقم المعادي 1]

ما شاء الله يبارك لك في موترك

بس ليش الغثاء يا اخوك

اشتر لك ثلاجه كبيره ومدد لها صح وارتح


جزاك الله خير
تقصد ثلاجات ويكو ومافي حكمها .. المشكله اذا حطيتها بين مرتبه السواق والراكب يجي الشكل ملفق

ثلاجه الوكاله افضل شكل .. لكن لعلكم تساعدونا بموضوعها وتدلونا على احد يضبطها

[ابو زياد 4800]

السلام عليكم
اخوي انا كان معي باترول بابين مكيفين بدون ثلاجة و ركبت له ثلاجة تركيبها سهل جداً
او شي تشتري الثلاجة من التشليح و تشتري ماصورة الفريون الي توصل لثلاجة و للمكيف الي ورا
و تراها تفك بصواميل يعني تركبها في البيت

[سقم المعادي 1]

السلام عليكم
اخوي انا كان معي باترول بابين مكيفين بدون ثلاجة و ركبت له ثلاجة تركيبها سهل جداً
او شي تشتري الثلاجة من التشليح و تشتري ماصورة الفريون الي توصل لثلاجة و للمكيف الي ورا
و تراها تفك بصواميل يعني تركبها في البيت

وعليكم السلام
جزاك الله خير يابو زياد اشهد انك تجيب العلم
وين ركبتها فيه ؟ وهل نقدت عليها بشيء ولا مضبوطه نفس شغل المصنع ؟

[ابو زياد 4800]

وعليكم السلام
جزاك الله خير يابو زياد اشهد انك تجيب العلم
وين ركبتها فيه ؟ وهل نقدت عليها بشيء ولا مضبوطه نفس شغل المصنع ؟

ركبتها عند واحد في حي الشفاء اسمه ابو مهند

لا والله شغاله معي زي الحلاوه و تبريدها اكثر من رائع

[التعـ King ـديل]

معلومه احب افيد الجميع بها

ثلاجه الباترول 98 الى 2015 نفس الشي اتكلم عن التجويف الداخلي وهالمعلومه اخذتها من حمد الرسلان صاحب تشليح الرسلان لانه يشتغلها

موقعه تشليح الحاير اول ماتدخل التشليح يميل بك الشارع يسار رح معه يسار بتشوف تشليح الرياض يسارك بعدها يجيك شارع يمين ادخل معه يمين لين اخر شي

اخر الشارع رح يمين وامش لين ينتهي الشارع بيجيك شارع سيدين خذه يسار واحسب 6 تشاليح تشوفه يمينك

[سقم المعادي 1]

معلومه احب افيد الجميع بها

ثلاجه الباترول 98 الى 2015 نفس الشي اتكلم عن التجويف الداخلي وهالمعلومه اخذتها من حمد الرسلان صاحب تشليح الرسلان لانه يشتغلها

موقعه تشليح الحاير اول ماتدخل التشليح يميل بك الشارع يسار رح معه يسار بتشوف تشليح الرياض يسارك بعدها يجيك شارع يمين ادخل معه يمين لين اخر شي

اخر الشارع رح يمين وامش لين ينتهي الشارع بيجيك شارع سيدين خذه يسار واحسب 6 تشاليح تشوفه يمينك



الله يبيض وجهك ويرحم والديك و يجزاك خير

[ح ك و 1442]

ركبتها عند واحد في حي الشفاء اسمه ابو مهند

لا والله شغاله معي زي الحلاوه و تبريدها اكثر من رائع

لو سمحت بغيت رقم ابو مهند اللي تقول لاني ابي اركب ثلاجه و لاحصلت الا ردك حتى صاحب الموضوع قفل ما ندري هل هو ركب او لا ..
لكن هذا رقمي بعد اذن الاداره وارسله لي لاهنت والا دلني عليه لاعدمتك
0555591923 ابو عساف

[ابو ناصر2222]

يوجد لدي ثلاجة باترول كامله من مواصير و بلف و ثلاجة و مركاء و ديكور قير للباترول فاكها من باترول 2012 اذا احد يبغاها يعطيني خبر