مشكلة تركيب البطارية الاضافية للفتك

[ابو زياد 4800]

السلام عليكم و رحمة الله و بركاتة
صباح الخير / مساء الخير

عندي مشكلة مع البطارية الاضافية و حاب الي عنده فكرة يفيدنا
انا معي فتك 2008 SUPER GL_V قير عادي الي هو فل ابو رفارف سود
و يوم رحت لسوافي ابي اركب بطارية قال الكبوت مافيه محل للبطارية
اذا تبي ركبناها لك في الصدام الامامي او في شنطة الموتر و كل من رحت له
قال نفس الكلام و صعبة اني اركبها في الصدام اي دحجه في نفود او حادث بسيط
لا قدر الله تسبب مشكلة

الي عنده خبره ياليت يفيدنا

[][][زلفاوي][][]

اخي الكريم

بداية مهنا مشكلة الا ولها حل واعتقد هنا نوع البطارية او حجمها له دور كبير

http://www.alrahalat.com/vb/uploaded/26_1200730847.jpg

ومثل ما تشوف بالصورة الفتك يركب له بطارية ثانية لكن اعتقد ورى قربة فلتر الهواء
الامر الآخر اذا كان فعلا ما فيه مجال تقدر تستغني عن البطارية باستخدام البطاريات الامريكية اللي تتميز بقوتها وطول عمرها فتركب بطارية كبيرة وبتخدمك بكل شيء مثل اوبتيما وان شاء الله يردون عليك اهل التجربة عن نفسي معي نيسان 4500 :D ونظامه طيب بالحيل والسعة بكل محل ليتك تحاول تشوف ورشة اخرى غير سوافي على الاقل تاخذ راي آخر :good2: قبل لا تتخذ أي قرار بالامر هذا.. والله الموفق

[AL-OTAIBI]

السلام عليكم

والله اتمنى افيدك بالحل لكن انشالله الشباب عندهم الجواب.
بس ابي اسألك موترك فيه مانع انزلاق abs لاني قريت من مواقع اجنبية ان اللي عندهم مانع انزلاق، البطاريه ما يجيلها محل فيضطرون يركبونها داخل بالغماره. انا موتري ما فيه مانع انزلاق و لقيتلها محل ممتاز في الكبوت جهة الراكب خلف البطاريه الاساسية

[ابو خــــالد]

.
.
تجي تحت مثبت السرعه
انا مركب 105 بس يبيله فنان يضبطه



http://www.mekshat.com/pix/upload06/images/2014/12/mk84637_img-20141105-wa0066.jpg

[الشيخ الظريف]

انا مثلك معي فتك ورحت للعثيم وقال ما يتسع المجال الا لبطاريه40 امبير بالكثير لحجمها الصغير وبالفعل لا يوجد مكان متسع وتركت فكرة البطاريه الاضافيه وركبت بطاريه اساسيه 100امبير ومددت للثلاجه بالشنطه منها ومرتاح000

[ابو زياد 4800]

.
.
تجي تحت مثبت السرعه
انا مركب 105 بس يبيله فنان يضبطه



http://www.mekshat.com/pix/upload06/images/2014/12/mk84637_img-20141105-wa0066.jpg

عندي تحت المثبت المنظم حق مانع الانزلاق مافيه مجال

[اسدهم]

فيةالمنديل وغيرهم واجد الله يعينك لاتياس ابد
او انك تصغر االبطارية وتجمعهن سواء

[منصورالشمري]

معي نفس سيارتك ركبت بطاريه اوبتما بالخلف ورى المرتبه الثانيه فصلتلها بوكس وثبتها
فيه احد الاصدقاء مركب عند ورشه الصبي لااعلم اين هي لكن بالرياض يقول انهم يشيلون قربه الما الاماميه ويحطونها في مكان اخر ويثبتون الاظافيه بمكانها هذا مالدي من معلومات

[isaud]

اخوي ابو زياد انا معي فتك 2006 سوبر سفاري
ركبت لمبات بالكبوت وبالجنب هند ورشه الصبي بالرياض

وقال لي البطاريه الاضافيه مالها مكان الا في حالتين
1/ تركب فلتر رياضي علشان يكون فيه مكان للبطاريه الاضافيه
2/ تشيل قربة الماء حقت المساحات وتحطها خلف المثبت ويصير مكان البطاره الاضافيه مكان قربه الماء
بس القربه اللي يشيلها يركب مكانها قربه صغيره

علشان كذا انا ركبت كل شي على البطاريه الاساسيه وغيرت البطاريه الى 105 امبير والحمد لله مرتاح لي حول السنه والحمد لله ما اشتكي من شي

تحياتي

[حائل عشقي]

السلام عليكم هلابك اخوي. أنا شفت بحساب الانستقرام ورشة الابداعات الحديثة - بحايل راعي باترول سفاري vtc 2014 مفصلين له قاعده بطارية بصندوق خلف المرتبه الأخيره شغل مرتب وعدل

[المثال]

السلام عليكم
انا معي فتك شاص 2012 ركبت له بطارية اضافية عند الدفع الرباعي وممتازة جداً وكل اللي سووه نقلوا قطعة تقريباً 10 سم فقط وشغالة ولا فيها اي مشاكل
ارجوا ان اكون قد افدتك في الموضوع

[ابومتعب600]

انا مركبها بالصدام الأمامي والله يستر ماني مرتاح والله لها لأكن ان شاء الله نشوف لها حل ...

[4200]

الحل تلغى قربة فلتر الهواء وتبدله فلتر رياضي كي أن أن او اي شركه وراح يتسع المكان لاكن الله يعينك على صوت الفلتر كل ما دعست
معي باترول 97 بخاخ النوع القديم وعانيت من هالمشكله الي قال ركبها ورى والي قال بالصدام والي قال ركب لوح طاقة شمسية بالسله العلويه اخر شي شلت قربة فلتر الهواء واتسع المكان وركبت بطارية اضافيه والحمدلله له فتره معي مالاحظت الا صوت الفلتر واي استفسار انا حاضر

[ابن المهد]

اخوي ركب بطاريه جافه واترك الترهيم عنك