المساعد الشخصي الرقمي

مشاهدة النسخة كاملة : افضل مساعدات لسفاري


التاكسي
17/12/2006, 02:08 PM
شباااااااااااااب المشوره
اهل البر والتطعيس


عندي سفاري 97 ومن المطامره تفقعت مساعادته وش افضل مساعادت
ولاتنسون البواجي وش افضل بواجي مع العلم ان سيارتي جايبها بنفسي من الامارات لها اكثر من سنتين
عزم مشاء الله عليه والبنزين مثل صرفيت الكامري



وسوال عن تدبيله المساعدات
حمد808
17/12/2006, 02:24 PM
اخوي التاكسي
انا انصحك تركب مساعدات شاص
ولا انصحك بالتدبيل تراه خسارة فلوس بس وقليل تظبط
انا ركبت مساعدات شاص على سفاري 2003 وما شاء الله ظبط بالبر
عاشق سفاري
17/12/2006, 04:18 PM
التاكسي مساك الله بالخير
بانسبه تدبيل المساعدات في ورشه موتخصصه فى هذا الشي وهي ورسه عبدالله النوايصر وهذا رقم الجوال0505232097
وبنسبة كلام اخوي حمد انها خساره بلعكس جيده وممتازه لانها تساعد في الوزن وترى فيه نوعين وهيا ساديلكوومنورو
ساديلكو اقوا وقيمته 1800ريالا
ومنورو ضعيفه من ناحية القاعده الى تركب فى المسامير لان اللحام ضعيف وهذا رايي وخذ ارا الخوان فى المنتدا ودمتم بخير
القناصvxR
17/12/2006, 08:33 PM
مساك الله بل خير أخوي التاكسي
آن أقول بيعه وخذلك لاندكروزر ولاشيل هم لأن لاندكرزر تاج الصحاري
ع.ف.الدرويش
18/12/2006, 07:59 AM
التاكسي.. صبحك الله بالخير

أخوي قبل كل شيء أنصحك بالركاده وخل عنك المطامر :p أما بالنسبة للمساعدات فالأنواع كثيرة وعلى قولتهم الواحد (يحتار وش يختار) وفيه منها أنواع تركب تركيب عادي ومنها اللي يرهم ترهيم للموتر يعني ( الدعوه فيها قص ولحام )..

أما النوع الأول فعندك مايلي..(عادي)
1- جبريال..(أمريكي)
2- مونورو..(أمريكي)
3-ARB..(أسترالي)

كلها متوفر منها فئة للباترول...

أما النوع الثاني فمنه..(ترهيم)
1-مساعدات لاندكروزر..
2-مساعدات مرسيدس..(أعتقد إنها تكون فقط خلفية)
3-مساعدات الجمس الصالون..
4- مساعدات خاصة بسيارات الرالي متوفرة بمحل عنوانه ( الرياض / طريق عثمان بن عفان (رضي الله عنه))اسمه Top RPM.

;) وبالنسبة لي فمركب مونورو بحوالي الـ650 ريال وهي جيده وما شاء الله أفضل من مساعدات الوكالة..
أخي أتمنى إني أكون أفدتك ولو بالشيء القليل والله يكون بعووووونك..

أخوك..( أبو فهد )
Mr.Patrol
18/12/2006, 08:53 AM
اخي العزبز
لااعارض الاخ ع.ف.الدرويشلاكن من تجربه خاصه انصحك بالجبريال رخيصه (300ريال) وفيه الى تبي تقدر تخليها قاسيه وتقدر تخليها ناعمة والافضل انك تركب مع المساعدات ياي 200 كيلو او 150 لكي يخفف الضغط على المساعد بالاضافة الى الى ركزت السيارة تظبط
المساعدات تلقاها فى الصناعية القديمه عند السبت ولاتحول تكاسر السعر ثابت.
والياي تلقاه فى اي محل من محلات الرمايه وعندهم 1و2و3سم لارتفاع الموتر والوزن 150 و200 و400 والله الموفق.
التاكسي
18/12/2006, 09:19 AM
الاخوان الاعزاء
حمد808 (http://www.mekshat.com/vb/member.php?u=30562)
انا معاك بعد الاسهم الميزانيه ماتحمل كثره الخساير

عاشق سفاري (http://www.mekshat.com/vb/member.php?u=40816)
بالاسعار هذي شكلي بهون عن التدبيله

ع.ف.الدرويش (http://www.mekshat.com/vb/member.php?u=16071)
مشكور علي المعلومات والتفصيل فيها وهذا يدل علي انك انسان متمكن في معلوماتك ماشاء الله عليك


القناصvxR (http://www.mekshat.com/vb/member.php?u=40218)
مشكور علي انصيحه بس انا من يفظل الباترول عل اللاندكروزر ونا لقيت لاند بسعر مغري بس القلب وما يهوي وثل ماقلت لك صرفيت الي عندي قليله بدون التاثير علي العزم

Mr.Patrol (http://www.mekshat.com/vb/member.php?u=37627)
مشكور اخوي وشكلي ابسوي الي قلته بس ابسئلك انت مجرب هالطريقه او تعرف احد مجرب
Mr.Patrol
26/12/2006, 08:23 AM
اخي التاكسي

نعم انا مجرب الطريقة هذي وهي 100%.