تكفون الافادة عن الجيوب

[جبرني زماني]

سلام عليكم ورحمة الله وبركاتهمساء الخير او صباح الخيراخواني ابغى رايكم وافضل شئ في السيارةافضل جيب الفورتشينر او برادو وافضل 6سلندر او 4
القير العايدي أو الاتو ماتيك

وشكرا،،،،

[برق السر]

برادو افضل بكثير والاربعه سلندر ابعد عنه مايصلح ابد ابد

واذا تبي الفورتنر او الفور تشنر خذ سته ونصيحه ابعد عن الاربعه سلندر

حتي لو ماتقدر علي قيمه الفل في كل الجيبين اقل شي خذ سته سياحي

والله يرزقك من واسع فضله

[برق السر]

ومن ناحيت القير تماتيك او عادي كل واحد له راي وكل واحد له استخدامه

انا كان معي برادو تماتيك حلو بس صراحه كنت اتضايق في البر من التماتيك

لان طلعاتي للبر كثيره احس اني مقيد بالتماتيك وكل واحد له استخدامه

والناس تختلف وانا اخوك فأنت خذ اللي نفسك ترتاح له مع اني اشوف العادي افضل لان التماتيك

يبي له كل فتره تغير زيت القير والمشكله في الورش ماتقدر تخليهم يغيرونه يبي لك شي معروف زي بترومين

وغيرها والأفضل الوكاله

والقير العادي مايبي شي غير تشيك علي الزيت بين فترات بس واذا نقص تزيده او تغيره ولا فلتر ولا اي شي

والاخوان يفيدونك ومراح يقصرون ابد واسشير ولا تستعجل ابد وخذ ارحتك وحاول تشوف سياره تماتيك او عادي

وجربها لو بفلوس والله يسهل امورك

[m900]

شف وانا اخوك الاربعة سلندر شلها من راسك نهائيا اصلا مدري ليش حاطينها عل جيب انا انصحك بالبرادو 6 سلندر اما بالنسبة للقير على حسب رغبتك اذا انت راعي بر وبعيد عن غثا الرياض وزحماته خذ عادي ونت مغمض اما اغلب وقتك فالمدينه خذ تماتيك والله يوفقك ولاتنسى تستخير الله

[فهد ابو]

نصيحة اخ انحش عن الفورتشنر انا مجرب سته سندر 2009 قير عادي فل كامل