السفر لقطر والإمارات .... تساؤل حول تغبيرة السيارة ؟

[ronaldo_4ever]

السلام
شخباركم يا جماعة ؟
عندي إستفسار حول حماية السيارة من الغبار في خط سلوى والغويفات
لي تجربة سابقة بوضع فيري على مقدمة السيارة في السفر من البحرين لعمان مرورا بسلوى والغويفات في فصل الصيف وبعد السفر وغسل الفيري لاحظت تغير في لمعة السيارة ...

الان أفكر في السفر لقطر خلال اليومين القادمين وبسيارة أخرى ولا أريد أن يؤثر الغبار على صبغة السيارة .... فما هي أفضل طريقة هل التغبيرة وكيف وضعها وأين أقرب محطة لوضعها مباشرة بعد تجاوز جسر الملك فهد . واذا التغبيرة لا تصلح فما هو الأفضل لحماية السيارة بصورة كاملة

وهل حماية السيارة ضروري حتى بهذه الأجواء يعني هل الغبار شديد حاليا أم ماذا ؟

وشكراً لكم

[أبو راشد 33]

الفيري يحتاج أن تغسل السيارة مباشرة عند الوصول إلى الوجهة وو ضعه مرة أخرى عند العودة
التغبيرة الملونة ماجربتها لكن جربت الشفافة و كانت ممتازة في الخط لكن بعد غسل السيارة
تركت أثر(مثل البقع الضغيرة ) على واجهة السيارة لم نستطع إزالته إلا عند محلات التلميع أما الشمعات فالأثر موجود إلى اليوم
لذلك احذر منها

[التعـ King ـديل]

انا عن نفسي لا اضع شي ابد

واذا صادفت غبار بالطريق اهدي من سرعتي والحمدلله الامور طيبه

اذا كانت سرعتك العاديه بدون غبار 120 الى 130 فلا خوف ان شاء الله اما اذا انك بتطلق الارض وبتطير ماينفع معك لا تغبيره ولا فيري

سرعتك 120 - 130 ووقت الغبار 90 - 100

ودرب السلامه ان شاء الله

[ronaldo_4ever]

الفيري يحتاج أن تغسل السيارة مباشرة عند الوصول إلى الوجهة وو ضعه مرة أخرى عند العودة
التغبيرة الملونة ماجربتها لكن جربت الشفافة و كانت ممتازة في الخط لكن بعد غسل السيارة
تركت أثر(مثل البقع الضغيرة ) على واجهة السيارة لم نستطع إزالته إلا عند محلات التلميع أما الشمعات فالأثر موجود إلى اليوم
لذلك احذر منها

شكراً أبو راشد على الرد
بالنسبة للفيري هل لا يؤثر إطلاقاً على صبغة السيارة لو أزلته عند الوصول مثلاً خلال 4 ساعات لقطر أو 8 ساعات للإمارات ؟

التغبيرة الملونة أو الشفافة أين يمكن وضعها يعني شنو أقرب محطة لجسر الملك فهد
وماذا تقصد بالشمعات ؟
وعفواً على كثرة الأسئلة ومنكم نستفيد

[ronaldo_4ever]

انا عن نفسي لا اضع شي ابد

واذا صادفت غبار بالطريق اهدي من سرعتي والحمدلله الامور طيبه

اذا كانت سرعتك العاديه بدون غبار 120 الى 130 فلا خوف ان شاء الله اما اذا انك بتطلق الارض وبتطير ماينفع معك لا تغبيره ولا فيري

سرعتك 120 - 130 ووقت الغبار 90 - 100

ودرب السلامه ان شاء الله


شكراً على المساعدة
أحاول أخذ إحتياطي من الحماية والسرعة
والله يسلمك ويحفظك

[كم كيلو باقي]

سفر سعيد بإذن الله
أهم شيء سلامة البوية واللمعة طال عمرك
من تجربتي خط الرياض الدمام
هالأيام بإذن الله ماعليك خوف من الغبار
ضباب بسيط ساعات الصباح الأولى
من الكلام اتوقع انك في البحرين انصحك تدخل الجسر المغرب وتكون بالخط الليل من العشاء توصل الدوحة باذن الله قبل الفجر والضباب
في هالوقت هالايام الأصل بإذن الله مافيه غبار والجو روعة ماشاء الله
ومن الغويفات ل دبي الطريق مشجر يمين ويسار والجزيرة اربع صفوف كل جهة
فحتى لو واجهت غبار بيخفف عنك الشيء الكثير باذن الله
الخلاصة اذا مناسب لك تمشي في الليل مايحتاج حماية وممكن تاخذ معك علبة فيري احتياط تخليها بالسيارة وافضل فيري التقليد العلبة البيضاء ب8 ريال او 7 ريال
واهم شيء تغسله اول ماتوصل لا يجلس فترة طويلة
والمعذرة على الإطالة :)

[اليامي قطر]

انا سافرت مليون مره ولا حطيت لافيري ولاتغبيره

والحمدلله موتري شد بلد والله مارمل وجهه ولاجاه شي

لمعته وصبغته مثل الوكاله :)

[أبو شيري]

ان أقول الاهتمام الزايد غير مطلوب


توكل على الله وربي يسهل دربك

[غار بن شعلان]

السلام عليكم

خل ممشاك ليل من عقب المغرب وماراح تصادف غبار ان شاء الله

وانا من الي يفضلون ممشى الليل سواء شتا والا صيف ابرد للسياره وللكفرات واقل زحمه بالطريق وياحلاته بعد 12 بالليل اذا مامعك عائله

وبالنسبه للفيري جربته افضل من التغبيره الصراحه بشرط تغسله اول ماتاصل المهم لايعدي يوم كامل ع السياره والمويه الي بتغسل فيها السياره يكون دفعها قوي وامورك بالسليم ان شاء الله

وتاصل بالسلامه

[ronaldo_4ever]

سفر سعيد بإذن الله
أهم شيء سلامة البوية واللمعة طال عمرك
من تجربتي خط الرياض الدمام
هالأيام بإذن الله ماعليك خوف من الغبار
ضباب بسيط ساعات الصباح الأولى
من الكلام اتوقع انك في البحرين انصحك تدخل الجسر المغرب وتكون بالخط الليل من العشاء توصل الدوحة باذن الله قبل الفجر والضباب
في هالوقت هالايام الأصل بإذن الله مافيه غبار والجو روعة ماشاء الله
ومن الغويفات ل دبي الطريق مشجر يمين ويسار والجزيرة اربع صفوف كل جهة
فحتى لو واجهت غبار بيخفف عنك الشيء الكثير باذن الله
الخلاصة اذا مناسب لك تمشي في الليل مايحتاج حماية وممكن تاخذ معك علبة فيري احتياط تخليها بالسيارة وافضل فيري التقليد العلبة البيضاء ب8 ريال او 7 ريال
واهم شيء تغسله اول ماتوصل لا يجلس فترة طويلة
والمعذرة على الإطالة :)

اي من البحرين
هو مع الشباب يكون السفر بالليل أفضل بس مع العائلة لازم تمشي الفجر ههه
راح اخذ احتياطي بعلبة فيري وممكن اذا حصلت علبة تغبيرة بس مادري بأي محطة احصلها؟
مشكور يا الطيب ماقصرت

[ronaldo_4ever]

انا سافرت مليون مره ولا حطيت لافيري ولاتغبيره

والحمدلله موتري شد بلد والله مارمل وجهه ولاجاه شي

لمعته وصبغته مثل الوكاله :)

ههه يا سلام
وشكراً على المرور اخوي

[ronaldo_4ever]

ان أقول الاهتمام الزايد غير مطلوب


توكل على الله وربي يسهل دربك

تسلم وبارك الله فيك يا اخوي

[ronaldo_4ever]

السلام عليكم

خل ممشاك ليل من عقب المغرب وماراح تصادف غبار ان شاء الله

وانا من الي يفضلون ممشى الليل سواء شتا والا صيف ابرد للسياره وللكفرات واقل زحمه بالطريق وياحلاته بعد 12 بالليل اذا مامعك عائله

وبالنسبه للفيري جربته افضل من التغبيره الصراحه بشرط تغسله اول ماتاصل المهم لايعدي يوم كامل ع السياره والمويه الي بتغسل فيها السياره يكون دفعها قوي وامورك بالسليم ان شاء الله

وتاصل بالسلامه
وعليكم السلام والرحمة
اي فاهم عليك ممشى الليل أريح للسيارة بس لو معك عائلة تضطر تمشي الصبح
راح اخلي الفيري احتياط
والله يسلمك وشكراً على المساعدة

[ronaldo_4ever]

ياريت اللي مسك الخط بهالفترة الصبح يخبرنا بالوضع ؟

[الحربي 591]

اخي انصحك لا تحط اي شي

سافرت من المدينه إلى القصيم إلى الرياض إلى منفذ البطحا وعلى الامارات وجلست اسبوع ونص ورحت لقطر ما جلس فيها نص يوم مافيها شي ورجعت للمدينه
والسياره مثل قبل ما طلعت لا تغبيره ولا هم يحزنون و فيه رمل بسيط من الرياض لمنفذ البطحا لكن ما اثر على السياره ولله الحمد

[مسير عليكم]

فيه بخاخ رشه اربعه في اربعه كويس دايم ارشه بس انتبه يكون قديم وعندك تجليده الحمايه كان خطك طويل لشمعات والوجهيه محلات الزينه ب200 ريال ولا رجعت فكها

[البواردي700]

والله انا انصحك تحط حمايه للوجهيه عند محلات معروفه هذا اول شي ..

لكن ..

اذا تقول منيب مركبها وابي شي للسفره بس



اسأل مجرب ولاتسأل خبير انا جربت كل شي صدقني اي تغبيره بتترك اثر اي شي اسود بالوجهيه مثال الشبك او الصدام او اي شي راح يتغير لونه الى اشهب وماراح يضبط معك وفي اماكن ماتقدر توصل لها تغسلها ولا تمسحها وبتكون لون الغبار باين..

الي انصحك فيه فيري لكن بشرط اول ماتوصل للمكان الي بتسافر له على طول تغسله بمويه وصابون قبل لاتضربه الشمس لانه راح يبقع بالبدي وخصوصا الشمعات واذا طول وجته شمس صدقني مايروح حتى بالتلميع اقصد الشمعات ..

واذا بغيت ترجع من السفر حط فيري واول ماتوصل غسله

واذا في شي جديد وحلو ماادري ياليت يفيدنا احد ..

[السومر]

اولآ/ لا تركب العازل لحماية مقدمة السيارة النوع التجاري (( اللي عند محلات الزينه )) لانه بعد فترة يقلب كأنه محترق ولا يطلع .. اذا بتركب الحمايه رح للمحلات اللي عليها ضمان ومعروفه

ثانيآ/لا تمشي خلال الفترة من الساعه 12 الى 3 نهارآ لأن الفترة هذي يصير فيها غبار

[ronaldo_4ever]

اخي انصحك لا تحط اي شي

سافرت من المدينه إلى القصيم إلى الرياض إلى منفذ البطحا وعلى الامارات وجلست اسبوع ونص ورحت لقطر ما جلس فيها نص يوم مافيها شي ورجعت للمدينه
والسياره مثل قبل ما طلعت لا تغبيره ولا هم يحزنون و فيه رمل بسيط من الرياض لمنفذ البطحا لكن ما اثر على السياره ولله الحمد

الحمدلله على السلامة اخوي
والله شقولك تعقدت من موضوع الفيري والتغبيرة لأنه أريد أسافر وأرجع بدون ما تتغير صبغة السيارة وبلا وجع راس
شاكر لك مرورك الطيب

[ronaldo_4ever]

فيه بخاخ رشه اربعه في اربعه كويس دايم ارشه بس انتبه يكون قديم وعندك تجليده الحمايه كان خطك طويل لشمعات والوجهيه محلات الزينه ب200 ريال ولا رجعت فكها

والله بصراحة السفرة تأجلت وبتكون هالإسبوع .. كان المفترض الأسبوع اللي فات
بس كل تأخيرة فيها خيرة
بس ياريت تخبرني شنو نوعية البخاخ ووين أحصله ... وبالنسبة للتجليد تقصد البرقع ؟ وين تنصحني أركبه جاهز أول لازم تفصيل لأنه أنا من البحرين وممكن أروح الشرقية للتركيب
وتسلم على الرد

[ronaldo_4ever]

والله انا انصحك تحط حمايه للوجهيه عند محلات معروفه هذا اول شي ..

لكن ..

اذا تقول منيب مركبها وابي شي للسفره بس



اسأل مجرب ولاتسأل خبير انا جربت كل شي صدقني اي تغبيره بتترك اثر اي شي اسود بالوجهيه مثال الشبك او الصدام او اي شي راح يتغير لونه الى اشهب وماراح يضبط معك وفي اماكن ماتقدر توصل لها تغسلها ولا تمسحها وبتكون لون الغبار باين..

الي انصحك فيه فيري لكن بشرط اول ماتوصل للمكان الي بتسافر له على طول تغسله بمويه وصابون قبل لاتضربه الشمس لانه راح يبقع بالبدي وخصوصا الشمعات واذا طول وجته شمس صدقني مايروح حتى بالتلميع اقصد الشمعات ..

واذا بغيت ترجع من السفر حط فيري واول ماتوصل غسله

واذا في شي جديد وحلو ماادري ياليت يفيدنا احد ..

والله جبتها على الجرح .. تعقدت من التغبيرة والفيري وأريد ما تتغير صبغة السيارة أبد بالسفر بس بحاول أطبق النصيحة
بالنسبة للحماية للوجهية وين أركبها أفضل مكان ويفضل بالشرقية ؟!

ومشكورررررر يا الطيب

[ronaldo_4ever]

اولآ/ لا تركب العازل لحماية مقدمة السيارة النوع التجاري (( اللي عند محلات الزينه )) لانه بعد فترة يقلب كأنه محترق ولا يطلع .. اذا بتركب الحمايه رح للمحلات اللي عليها ضمان ومعروفه

ثانيآ/لا تمشي خلال الفترة من الساعه 12 الى 3 نهارآ لأن الفترة هذي يصير فيها غبار

اي وين أحصل عازل ممتاز ؟ ياريت تدلني على أفضل مكان ؟ وبقية التفاصيل إذا ماعليك أمر
المشكلة معاي عائلة لو سافرنا بويكند بيكون هذا وقت العودة بعد صلاة الظهر ! بس بحاول بعد

ويعطيك العافية اخوي

[ateeq7]

اذا رايح دبي استعمل الفيري و لما بترجع في محلات الزينة السيارات في دبي بتحصل علبه سبريه رش الوان متعددة بس ممنوع تستعملها فوق الارقام السياره ولا تقطي اجزاء كبيرة من السياره و مشكلة الاستيكر مش تركيبه ولاكن نزعه من السيارة

[أب رحي]

وعليكم السلام ورحمة الله وبركاته

أنصحك ياأخوي تركب واقي نايلو شفاف يركب على الصدام الأمامي واللمبات والكشافات والمرايه اللي على اليمين واليسار ويركب على أطراف الأبواب وهذا تحصله في محلات الزينه وفي محلات تركيب العازل الحراي.

أنصحك فيه أنا مركبه ومرتاح ولله الحمد.

وبعض المحلات يعطونك عليه ضمان.

وأتمنى التوفيق للإسلام والمسلمين والمؤمنين والمؤمنات.

وإذا عندك أي إستفسار بخصوص الواقي كلمني ع الخاص وأبشر باللي يرضيك.

والسلام عليكم ورحمة الله وبركاته.

[masssss]

شوف الموضوع هذا ان شاء الله يعجبك

وللعلم متوفر عند أصحاب زينة السيارات بالثقبة وشارع الملك سعود بالدمام على طريقك


http://www.mekshat.com/vb/showthread.php?t=661864

[مخاوي المكشات]

الرجال شكله سافر ورجع

[ronaldo_4ever]

وعليكم السلام ورحمة الله وبركاته

أنصحك ياأخوي تركب واقي نايلو شفاف يركب على الصدام الأمامي واللمبات والكشافات والمرايه اللي على اليمين واليسار ويركب على أطراف الأبواب وهذا تحصله في محلات الزينه وفي محلات تركيب العازل الحراي.

أنصحك فيه أنا مركبه ومرتاح ولله الحمد.

وبعض المحلات يعطونك عليه ضمان.

وأتمنى التوفيق للإسلام والمسلمين والمؤمنين والمؤمنات.

وإذا عندك أي إستفسار بخصوص الواقي كلمني ع الخاص وأبشر باللي يرضيك.

والسلام عليكم ورحمة الله وبركاته.



هلا عزيزي

بس هل يتأثر صبغ السيارة بعد الإزالة ، يكون دائم أو أقدر أشيله بعد السفر ، أي أفضل النايلون ولا البرقع ؟

ماقصرت يعطيك العافية

[ronaldo_4ever]

شوف الموضوع هذا ان شاء الله يعجبك

وللعلم متوفر عند أصحاب زينة السيارات بالثقبة وشارع الملك سعود بالدمام على طريقك


http://www.mekshat.com/vb/showthread.php?t=661864

أي أفضل هذا ولا اللي بالصورة :

http://postimg.org/image/47rgipuyz/6f420a86/

ومشكوررررررر

[ronaldo_4ever]

الرجال شكله سافر ورجع

ههه سافرت الكويت بعدما ترددت أمسك خط قطر بدون حماية ،،،

إن شاء الله قريب لنا سفرة لقطر

تسلم على مرورك يا الطيب ،،،

[ronaldo_4ever]

السلام عليكم

شخباركم يا جماعة الخير

بعد كتابة الموضوع كنت ناوي أسافر لقطر بس صار الترتيب سريع وماصار وقت للحماية ، فكانت سفرتي للكويت ...

في المحطة القريبة من الخفجي لقيت نوعين من التغبيرة وحدة لونها بني والثانية شفافة ، إشتريت علبتين من الشفافة بس للحين ما إستخدمتها وهذي صورتها :

http://postimg.org/image/mc9tgwuub/

شنو رايكم فيها ؟ وهل تأثر على صبغة السيارة بعد الإزالة ؟

حالياً أفكر في البرقع أو الواقي النايلون وفي الطرف الثاني التغبيرة الشفافة أو التغبيرة الملونة ( من وضع الأخ masssss ) وهذي صورتها :

http://postimg.org/image/6jsag6s99/

أتمنى آرائكم ، أدري طولت عليكم بس للفائدة

ومشكوررررين على التفاعل ،،،

[SAS2]

يالغالي حط الي تبي انا كلتها بطريق حرض راحت علي مقدمة الموتر والانوار والشبك والقزاز الامامي مع اني كنت امشي ٨٠ واقل نصيحه لا تستخسر اي حمايه ممكنة وتجي بالسلامة