وشهوا احسن مفك للستعمال الدايم للسيارت

[الاشهب 507]

بسم الله الرحمن الرحيم
السلام عليكم ورحمة الله وبركاته
وشهو احسن مفك عايدي ومربع
للسيارات والاستعمال الشبه يومي
والمستمر لاني عجزت احصل نوع ممتاز
كله مره اطب في واحد تخرب سنونه
ويخرب علي المسامير بلا فايده
كان عندي واحد ممتاز اسود قلاب اثنين في واحد
عايدي ومربع واهداه لي واحد الله يجزاه خير
وضاع ولا عد حصلته ولا لقيت بديله
بلذات العايدي كله اي كلام عرضه ماتدخل
في الخط حق المسمار ابغى واحد كفوا اعتمد عليه
وبيض الله وجيهكم
الأشهب 507

[الحربي 591]

تبي مفكات اصليه.. لك وللزمن
اطلبها من الخارج.. امازون ايباي ممتازه واصليه
عندنا ماراح تحصل الا قليل بعدد اصابع يدك

[الاشهب 507]

طيب عندك العلم
كم تكلف وانا
ترى ماعرف اشتري
من النت ولا اعرف اتعامل
إلى بالعربي فقط حتى
معرفتي في الاشياء هذي قليله
بس كم تكلف يعني سعرها معقول
ولا كيف وانا ماعرف إلى ابحث في
قوقل وهل منتدى الي زي العسل
الأشهب 507

[الحربي 591]

في وسيط يجيبه لك في منتدى البوابه الرقميه
يشتريها لك ويوصلها لحدك بعموله ما تزيد عن 100ريال
والسعر
ما اقدر احدده
الا اذا علمتني وش تبي بالضبط عده كامله ولا مفك ولا اي شي ثاني...

[الاشهب 507]

ابغى مفك
مربع وعايدي
2 في 1 ومن النوع
الممتاز إلى حديده متين
واسنانه كويس مايخرب بسرعه
الأشهب 507

[الحربي 591]

ههههههههههههههههههههههههههههههههه

مفك واحد الله يصلحك
ماعليه
فيه نوع مجربه جاي مع السياره شد بلد
هذا هو ماخليت مسمار مافكيته فيه ماشاء الله تراه 1في 6
http://www.amazon.com/gp/aw/d/B000SJDQVS/ref=mp_s_a_1_12?qid=1420139765&sr=8-12&pi=AC_SX110_SY165_QL70

وفيه نوع ثاني ماجربتها لكن التقييم ممتاز
http://www.amazon.com/gp/aw/d/B00009V431/ref=mp_s_a_1_1?qid=1420139765&sr=8-1&pi=AC_SY200_QL40

وهذا نوع ممتاز يمكن افضل منهم كلهم لان التقييم والردود و الشركه ممتازه
http://www.amazon.com/gp/aw/d/B000HB1ELQ/ref=pd_aw_sbs_10?pi=SY115&simLd=1سعره تقريبا 20ريال بدون الشحن
ويمكن توصل لحدك مع الشحن 50ريال

[ريان2002]

ابغى مفك
مربع وعايدي
2 في 1 ومن النوع
الممتاز إلى حديده متين
واسنانه كويس مايخرب بسرعه
الأشهب 507


طالما إن المسأله مفك عايدي ومربع أمرها بسيط
روح للي يصلحون الأجهزه المنزليه عندكم في النماص زي الغسالات والتلفزيونات وبتلقى عندهم مفكات جيده وبعضها رأسه فيه مغناطيس
إذا شفت المفك اللي يعجبك أسال العامل من فين أشتراه

[م.سعيد]

من احسن العدد اليدوية:
- WIHA
- WERA
- FELO
- Klein
- channellock

[الاشهب 507]

المشكله كل ما رحت محل
او سألة كلهم يقلون هنبل
وهنبل ماعنده ماعند جدتي
وغالي وحتى قطع السيا رات كله تجاري
لكن باشوف يمين يسار او باشوف احد
يطلب لي من النت لكن وشهي صناعة
المفك الممتاز والا كله صيني
الأشهب 507

[اليامي قطر]

انا شريت المفك حق الكفرات اللي على شكل +

صناعه الماني وماشاءلله تبارك الله

[الاشهب 507]

والله ماحصلت إلى صيني
حتى مفك الكفر مافيه إلى صيني
لكن شكلي باروح ابها يقلون فيه
محل مايبيع إلى شين اصلي
يبع شيء صناعته اماني واسترالي
وعنده ياباني اصلي بامره بكره ان شاء الله
وابشركم ترى الموتر بخير بعد ماغسلته
بموة الفناجيل والبيالات إلى عزمته
والحمد لله ان إلى نفس شينه كان فنجاله بينهم
بس ماعرفة منهوا لكن الحمد لله الموتر تمام ماشاء الله
وسار خفيف ولله الحمد وبعد ماغيرة شكله سار كلن يسب فيه
يقول هذا قرنبع ماهوا مثل الاول طيب هو قرنبع من قبل
يعني فرقة ذلحين في عيونه جعله تفقع واحمد الله انهم سارو يذمونه
ويسبون فيه
الأشهب 507

[مسير عليكم]

هههههههه الحمد لله انه طاح من انفسهم
بالنسبه للعدد ماشفت بالسوق شي صاحي حتى الاماني لزق يحطونه اخوي انت بعينك وخبرتك احكم من نضافه الصبه والخرط وينفس الوقت لون المعدن لايكون مصبوغ واحرص علي انك تخليه هو الي يتفلسف عليك لاتبين له انك فاهم خله يعطيك الي في بطنه وقارن كلامه بالي تشوف عينك

[الاشهب 507]

أجل شكلي بديت افكر اطلب من النت
بس ماتحسه غلي ب 50 تقيبن تزيد ماتنقص
لكن أنا اقلو لو شريت مره ب50. باوفر اكثر من 50
بلشعل الي بشتغله به
الأشهب 507

[ريان2002]

هداك الله يا الأشهب
إنت معقد نفسك والمسأله بسيطه كلها مفك عايدي ومفك مربع

[مخاوي المكشات]

لو انك بالرياض وصيتك على محلات ماتبيع الا اصلي واغلب استيرادهم من اليابان وبريطانيا

[الاشهب 507]

وصوني على محل
وان شاء الله ياروح
له بكله وانت صادق تراها بسيطه
بس المشكلة وين الاصلي كله تخرب
وخساي على الفاضي عندي اكثر من 20 مفك
ولا ولاحد صاحي كله خربانه اسنانها وخربة عليه المسامير عليه
كله سارت مخرب مكان الي يركب فيه المفك خربت من المفكات
التقليد لزم يكون حديدها كويس ماهو اسلاك علاقات
الأشهب 507

[يالبى الهلا]

ممكن من طريقة فكك لللصامولة اذا عنت معك لاتحاول تشد مغة ارخيلة وساعدة ﻻتضغط علية حتي ﻻتخرب السنون
اﻻفضل طريقة فك الصامولة أضرب على راسة الين يفك بمطرقة خفيفة طرق خفيف يفك معك وفك الصامولة ويرتخي معك ا لصامولة

[الاشهب 507]

صادق وانا عارف الاشيء هذي
وعندي اساري الخاص في التعامل
معى المسامير لكن ترى التجاري
والنوعيه الي ماهي كويس معروفه
انه تخرب المسامير اللول والصواميل
والحمد لله كل إلى استعمله كويسه
لكن اقصد المفك الموجب والسالب
المربع والعايدي والمسامير اللولب
وهذي كان معي واحد ممتاز جاني هديه
عجبني وسالت الرجال خويي وقال
خذه يفداك عندي كثير وضيعته ولا عاد
شفته لي سبوع وبديت اشتري وكله ماتصلح
ويخرب المفك ولا استفدة منه شيء
الأشهب 507

[يالبى الهلا]

[QUOTE=الاشهب 507;10376278]صادق وانا عارف الاشيء هذي
وعندي اساري الخاص في التعامل
معى المسامير

ممكن لو سمحت تعلمنا سرك الخاص مع التعامل مع المسامير وتكون مرجع لنا

[الاشهب 507]

إذا فضيت من عيوني
وانا افكاري ذلحين مشتته
مالحق افكر فهذي ولا في همي
الشغله الفلانيه ولا في متى يخلص هذى
ومتى يجي راعي هذي وخله على الله
بارتب كل شيء واجيبها لكم في موضوع
مفرد بأذن الله تعالى
وبكره عندي شغل الين راسي لين شغلي ماهوا
حكومي عمل حر. ونضامي العطله خميس مجمعه
ماهوا جمعة وسبت نضامي كفوا
ولله الحمد
الأشهب 507

[LampLamp]

موفق ان شاء الله

[عمرين العمري]

حبيب في ماركة إسمها ستانلي ألمانية ومتوفرة في السوق من زمان عندي مفكات من أكثر من عشر سنين وشغالة ماشاء الله
خذ منها وريح نفسك

[Laith123]

اخبر واحد بها المنتدى عارض مفتاح يفتح كل المسامير والصواميل


لكن ضيعت رقم الصفحة

[الحربي حاتم]

الله ييسر أمرك

[الصيادالمليح]

افضل عدد استخدمتها من شركة بروتو الامريكية

http://www.protoindustrial.com/_Layouts/15/StanleyProto/UI/img/bg/site-logo.png

[1824]

يا اخي طولت المسالة وهي بسيطة روح لساكو واشتر من هناك كلها ممتازة وامريكية نوعيات جبارة بالتوفيق لك

وافضلها ستانلي عليه ضمان مدى الحياة