مساعده .. شوركم علي يا أخوان

[مامادو]

السلام عليكم ورحمه الله وبركاته

يارجال انا اخواكم متردد وعندي الف شغله وشغله في راسي كل فترة ناقز على موتر ابشتريه ابشتريه همن اتردد واحول على موترن ثاني وهمن ارجعله

محاكيكم راعي سرعه نوعاً ما على الخطوط الطويله لكن داخل المدن ممشاي


من 80 الى 100




ابي مشورتكم من هالنواحي :

كم اسعارهن للي يعرف الاسعار بالضبط

تحمل الموتر
راحت الموتر
توفر قطع الغيار واسعارهن
الثبات
بعد خمس سنين من الان بيكون خوين للورش او كفو ويجمل !!




باترول ـvtc4800
اربع ابواب رفارف سود قير عايدي او رفارف بيض قير عايدي
..
لاندكروز وارد اليحيى gx v8
لاندكروزر g v6
..
برادو v6 فل
..
FG فل
..
اكستيرا
..
هايلوكس دفرنس او دفرنسين
سعودي او خليجي ...




ابي شوركم يا اخوان وليت تفيدوننا بجميع النواحي


ابي مشورتكم من هالنواحي :

كم اسعارهن للي يعرف الاسعار بالضبط

تحمل الموتر
راحت الموتر
توفر قطع الغيار واسعارهن
الثبات
بعد خمس سنين من الان بيكون خوين للورش او كفو ويجمل !!



وجزاكم الله خير

[الفهيد بدر]

راعي خطوط وبر عليك بالجكس 8سلندر أو باترول بطل الدروب وارشح لك بطل الدروب شيخ المواتر بلا منازع والياباني بصفه عامة تحافظ عليه يعطيك 8 سنوات بالراحه وتفجره يعطيك إلى 5 سنوات

[امير المشاعر]

اخوي على حسب الميزانيه حقتك
ميزانيتك تحدد لك النوع اللي يناسبك

[مامادو]

الله لا يهيينكم

بطل الدروب يا اخوي بدر عزالله انه كفووو
بس الخوف ونا خووك من مشاكله الالكترونيه والكمبيوتر :confused:

عشان كذا استثنيته مابي اضافات كثيره كثرت الاضافات والكمبيوتر بالموتر
تكثر اعطاله وهذا اللي مخليني ابعد عن بطل الدروب واتجه لــ vtc

من جربه وبالذات في هالنقاط يفيدنا

والله يجزاكم خير

[حسين2002]

وعليكم السلام ورحمة الله وبركاته

رأيي تحاول إنك تستعير السيارات هذي من أقاربك أو زملائك أو تستأجر من محلات التأجير وتجربها بنفسك

وبالتوفيق