السلة الخلفية منافعها وأضرارها؟؟

[راعي الدتسن]

السلام عليكم

كيف حالكم شاء الله بخير؟

ياجماعه ناوين نكشت ونسافر حنا والأهل ان شاء الله

حنا واجد وبسيارة واحدة ( ممكن لاند كروزر أو فان ) ، وبنفس الوقت راح نشيل ذبيحتنا وعزبتنا وأغراضنا كلها معنا

فكرت بالسلة الخلفيه ( أذكر أنها تباع عند السنيدي ولا أعرف غيره )

حينما سألت عنها هناك من حذر وهناك من أشاد بها

السؤال لمن يعرف عنها أو جربها

* هل هي خطيرة على السيارة ؟

** هل ممكن تحميل ذبيحتين عليها بكل راحة ، أم يستلزم ذلك اشتراطات خاصة ؟

*** أتمنى أن تفيدونا بأي تجارب أو مشاكل عنها ؟

**** هل يمكن تركيبها أو تفصيلها على سيارة فان ؟

***** ماهي أسعارها وعند من يتم تركيبها ؟


وكذلك الأسعار لمن يعرفها

تكفون محتاج لمشورتكم

ولكم تحياتي

[الحربي 591]

اخوي الخطر في الشكمان
اذا كان قريب منها
مثل سيارات تايوتا
الشكمان متوجه على السله على طول ويزيد الطين بله اذا كان فيه دبه غاز ولا ولاعه
وقد انحرق جيب والسبب شكمان الموتر
http://im70.gulfup.com/eqTXCj.jpg
لكن اللي شكمانه جاي على جنب مثل الجمس والفورد ان شاء الله مافيها ضرر

[ksaboss]

اذا تقدر تركب سلة علوية يكون افضل و اذا ما تبغى ركب خلفية لكن مشكلتها انها تنزل السيارة من الخلف اذا كثرت فيها الاغراض و اكيد تأثر على توازن السيارة مع السرعة و المنعطفات. ركبها و تركد

اذا الشكمان متوجه عليها ركب عليه ماصورة شكمان من محلات الزينة تكون متوجهه للأسفل

[حسين السبيعي]

اخي العزيز ركبته علئ سيكويا له اكثر من سنه واحط العفش فيها وشنطه للعزبه وشنطة ثلج فيه ذبيحه كامله ومافيه اروع منها فيه نوع اسمها سلة رفيق الدرب مصنوعه من المنيوم قويه وخفيفه في نفس الوقت انصحك به مع ان سعرها غالئ او فصل عند حداد والجاهز يوادئ الغرض وفقك الله واطال عمرك علئ طاعته وتقبل تحياتي

[راعي الدتسن]

الله يعطيكم العافيه

سلة رفيق الدرب وين أقدر أحصلها بالقصيم ؟

[بن نويشر]

السلام عليكم ..

يا راعي الداتسون .. الشي إذا زاد عن حده انقلب لضده .
والسلة لها منافع وأضرار .
ممكن تركب على الجيب وبحمولة محدده . أما على الفان لا تفكر .. وخاصة الفان الكورية أو اليابانية لأن السلة تركب على الشاص . أما اللي تركب على الهوك فحمولتها تكون أقل .
حاول ان توزع الحمولة على السيارة بشكل متساوي .. بإماكنك إستخدام السلة العلوية للحمولة المتوسطة .
لا تقم بحمل الأحمال الثقيلة جداً بالسلة .
انتبه لمخرج الشمكان .
انتبه لوزن السيارة .
لا تسرع في الطريق . لتكون سرعتك القصوى 120 عند الضرورة .
لا تشتري الذبائح ألا قبل الوصول للموقع المحدد . أو بعد الوصول وذلك من باب الإحتياط ودواعي السلامة .
سلة رفيق الدرب تعتبر من أفضل السلال .. وبإمكانك التواصل مع رفيق الدرب ومعرفة أقرب موزع لها بالقصيم .


موفق خير ...

[مسير عليكم]

يالغالي على وصفك يبي لك ونيت
السله لها حد معين من الوزن اهم شي اسال كم تتحمل من كيلو

[كم كيلو باقي]

أقترح انك تشتري قلص .. اريح لك ولموترك وأحفظ وأرتب للأغراض ولو تبي تشيل بيتكم مافيه مشكلة
واذا خلصت غرضك تبيعه أو تحتفظ فيه لك وللزمن

[turki_20041]

فعلا السله الخلفيه لاتتحمل حمولة ثقيله نوعا ما , ( لاتتعدى 200كيلو )فقط.

[راعي الدتسن]

يعطيكم العافيه وماتقصرون