مشكلة بالفرامل مع السرعات ضروري الفزعه

[aboaody]

السلام عليكم رحمة الله وبركاته


عندي مشكلة بالفرامل اذا كنت ماشي بسرعه 120 وفوق وسحبت فرامل ولو بشكل خفيف او هديت ترج السيارة وماتمسك زين ويطلع صوت طق طق طق طق


الصراحه خطره جدا كذا مره بغيت اصدم عشان هالموضوع


مع العلم اني صنفرت الفحمات مع ان توها فيها عمر وخرطت الهوبات عند العضيب ومانفعت معي


وش تتوقعون المشكله منه


مع العلم ماتطلع الا مع السرعات


السيارة فورد تورس 2014

[ابوعبدالله172]

يبدو ان خرط الهوبات عندك تم خرطها بطريقه خاطئه

[aboaody]

يبدو ان خرط الهوبات عندك تم خرطها بطريقه خاطئه

ونا اخوك خرطتها مرتين مره بورشه عاديه ومره عند العضيب ومانفع معها مع العلم لو امشي 100 الفرامل تمام ماشاءالله بس بلاي لو ازيد عن هالسرعه ،،

اول ماشتريت السياره كان فراملها تمام بس مره مسرع تقريبا 170 وقابلني ساهر وسحبت فرامل بقوه بعدها بدت تظهر المشكله

[ابوسند9]

وعليكم السلام
انا مع ابو عبدالله ممكن الخرط لك عليه .
لكن هنا تقول ان عندك صوت مع الفرامل , وهنا نستبعد ان المشكله من الهوبات ,لان
طيب اخوي هل انت غيرت الفحمات؟ اذا ما غيرتها غيرها وجرب
برضو لو تشيك على الفيوزات وتفصل فيوز نظام الفرامل ال ABS وتجرب فممكن المشكله من النظام وانا اشك الى 90 % ان المشكله منه
واذا كانت المشكله منه فا فيه بعض السيارات تقدر تستغني عنه بمجرد فك فك الفيش او الفيوز

[alwali]

وعليكم السلام ورحمة الله وبركاته
عندي سؤال ليه ماتودي موترك الوكالة تراه مكفول
موترك موديل ٢٠١٤ وتسلمه للصناعيه يلعبون فيه

[1824]

اهلين اخوي اول شيء هوباتك انتهت من كثر الخرط هذا واحد ثاني شيء ليه تخرط الخرط مهو زين والورش كلامهم خراط بخراط وما خرب هوباتنا وفراملنا الا هل الخراط انا موتري ماشي 270 الف كيلو ولله الحمد لا قد خرطت ولا غيرت هوب ولله الحمد ولالا رجة ولا صوت ولا بطيخ اذا طلعت مشكلة في فرامل سيارتك استبعد الخرط تماما الا اذا رأيت انعواج واضح في الهوب فقط غيره لا تخرط مهما كان

الان افصل فيوز ABS وجرب اذا راحت الرجة فهي من النظام فيه مشكلة واذا ما راحت الله لا يهينك غير هوبات والله يعينك بالتوفيق لك

[يالبى الهلا]

تاكد من الكفرات الرجة منها صار معي علي كامري نفس الحدث فرامل علي سرعة مسحت الكفر اﻻمامي
آكيد رجللك كبيرة مقاس 45تؤثر على الكفر والدعسة

[aboaody]

الله يعافيكم


بس الهوبات والفحمات توه تعتبر جديده فيها عمر ماتآكلت او قلة سماكتها , .


بخصوص فيوز ABS شلون اعرفه ووين مكانه





هل ممكن الكفرات يبغالها ترصيص ؟ مع العلم ماترج الكفرات بالممشى بس مع مشكلة الفرامل تظهر الرجه



بخصوص الوكاله قالو بتترك السياره عندنا يومين وبنعلمك بقيمة التصليح ..! يعني بتنلطع السياره يومين وفوق كذا ادفع انا من جيبي


خلني اشتري راحتي الله يقلعهم


المشكلة يا اخوان كل شي الا الفرامل لانه حياة او موت لاقدر الله

[الوقيدي]

السلام عليكم : اذا كانت السياره قبل ممتازه ولكن المشكله حصلت بعد الخرط عليك اعاده الخرط ولكن يكون الخرط موزون وليس فيه ميلان لانه سبب الرجه . وتعيد التركيب مع شد رمانات الهوب جيدا .