ايهما افضل معارض النسيم ولا الشفاء؟ +الاسعار

[خالد 177]

السلام عليكم
ي اخوان بدون مقدمات
عندنا كامري 2005 للوالد بنبيعها له فحبيت اسالكم وش افضل اوديها معارض الشفاء ولا النسيم وش رايكم اوقفها فمعرض
ولا ابيعها برا المعرض
واللي يعرف كم تسوئ يعلمني الله لايهينه
ماشيه 450 الف الصدام مرشوش والرفرف فيه رش والباب فيه رش
بدون حوادث جميعها حكات سيمت ب 15 الف
جزاكم الله خير

[يامدور الهيّن]

عليكم السلام
كلهم سوا يمكن النسيم اكبر شوي وحركته اكبر من الشفا
والبيع برا افضل لأن المعرض ياخذ عموله عليك لكن انتبه من الشريطيه
وبالتوفيق

[التعـ King ـديل]

النسيم افضل ولكن مايمنع تاخذ جوله في الشفا اول وبعدها تقرر تروح للنسيم او لا

وانتبه تروح للنسيم اول لان الشريطيه هناك يحفظون السياره واذا شافوها اكثر من مره كسرو قيمتها وضيقو صدرك

خذ لفه الخميس في الشفا واعرف القيمه التقريبيه لسيارتك وبعدين رح للنسيم

وجهه نظر تقبل الصواب او الخطاء

[خالد 177]

فكره ممتازه من كنق التعديل
الشريطيه انا عفادهم ماعليك
يعطيكم العافيه
وننتظر افاده باقي الاخوان

[Obu-Nasser]

الله يعينك على الشريطية، فيه فئة وهي تشكل اغلبية ماتخاف الله وتكذب وتدلس انتبه منهم

[خالد 177]

ابوناصر انا استمتع بالتعامل مع الشريطيه
اجلس احشره واصك عليه في قرنه
واقوله قبل تعرف قيمتها ولا تسووم
واكثر من مره بغئ يحصل بيني وبينهم
بقس لاكن يستر الله

[مسير عليكم]

الله يرزقك البيعه الي تسرك
وتاكد لا شريطي ولا غيره بيرد عنك رزق مكتوب لك

[الدبا]

ابوناصر انا استمتع بالتعامل مع الشريطيه
اجلس احشره واصك عليه في قرنه
واقوله قبل تعرف قيمتها ولا تسووم
واكثر من مره بغئ يحصل بيني وبينهم
بقس لاكن يستر الله
:D:D:D
انتبه شارع المعارض من اوله حتى مكان الدخول استقبال من الشريطية من ابو يمن وربعنا
إذا حبيت تدخل وسط المعارض انصحك تجي قبل العصر بنصف ساعة حتى تستطيع الدخول
احيانا يجي المرور ويقفل المداخل الي على شارع المعارض طبعا يوم الجمعة والسبت
واحيانا الخميس
الشريطية يحتاج التعامل معهم فن ;);)
الله ييسر امرك اخوي

[ANAS1994]

من خلال تجربه

بعت موتري افالون 12

جابت سعر اكثر بمعارض النسيم

وانت واقف عالمدخل

ولا تقول الحد اللي براسك ،، خلهم يسومون وبس وقل على السوم ومالي حد لين تجيب القيمه اللي تبيها

[خالد 177]

الله يعطيك العافيه جميعا
اقرب فرصه علئ المعارض ان شاءالله

[dos]

اعرضها بموقع البيع المعروفة اخوي عندك موقعين
وياخذون نسبة بسيطة 1 بالمية من قيمة البيع
ماتنذكر , مدري الادارة تسمح بعرض المواقع
ويعضها مجانا ايضا
انا بغت عدة سيارات لي بالطريقة ذي اقلها عرفة قيمة سيارتي