الدرانفو يطفي لاهديت عند الاشارات او اللفات فزعتكم تكفون

[راعي الدرانقو]

السلام عليكم ورحمة الله
معي درانقو 2007 ماشاء الله عليه بس له فتره بدا يطفي لهديت عند الاشارات او بغيت الف يمين او يسار ماخليت حل ما سويته غيرت الحساسات كلها وطرمبة البنزين وشيكت كمبيوتر وكل مهندس يعطيني راي تكفون ياهل الخبره وش الحل وله مني دعوة في جوف الليل الآخر:mad::mad::mad:

[عميد آسيا]

تقول إنك غيرت الحساسات

طيب جربت إنك تنظف فيش الحساسات؟ لإن احتمال الحساس القديم ما فيه شيء لكن فيه غبار مكان الفيش و ما يقرأ زين

[هاوي بلادي]

نظف فيش الحساسات

وان شاء الله تضبط

[راعي الدرانقو]

الله يجزيكم بالخير لكن وين فيش الحسساسات وكيف ينظف

[عميد آسيا]

مكان ما تركب الحساس

و إذا جيت تنظفه استخدم منظف الكترونيات زي ذا

http://t2.gstatic.com/images?q=tbn:ANd9GcTh-i83Q12FQelzkCpZbtVSKuecPgqP6sxBD3rs-J_bIdZaXma6EA

أو أي منظف الكترونيات و انتبه تستخدم بخاخ ACDelco

http://www.hummer-arabia.com/upadmin//uploads/images/hummer-arabia-a095f3191b.jpg



هذا يستخدم لتنظيف الثروتل أو بوابة الهواء

و وقت ما تنظف الفيش تأكد من الحساسات لا تكون معدومة أو فيها غبار عشان ما تروح و ترجع مرة ثانية

و الله يعينك و إن شاء الله تنحل مشكلتك

[1824]

عادتاً تكون المكشلة من حساس الماف الا وهو حساس الهواء او الثروتل بدي متسخ جدا ويحتاج تنظيف بالتوفيق لك

[م.سعيد]

نظف EGR..
احتمال يكون مسدود

[راعي الدرانقو]

نظف فيش الحساسات

وان شاء الله تضبط

هاوي بلادي وعميد اسيا يعطيكم العافيه نظفت فيش الحساس وضبط نص يوم ورجعت المشكله

نظف EGR..
احتمال يكون مسدود

م.سعيد وشو ال EGR

[م.سعيد]

هاوي بلادي وعميد اسيا يعطيكم العافيه نظفت فيش الحساس وضبط نص يوم ورجعت المشكله


م.سعيد وشو ال EGR

شوف الرابط تحت..

http://www.youtube.com/watch?v=Q-Alq_jlBoQ

http://www.youtube.com/watch?v=afnfqiiB3ls

[راعي الدرانقو]

م سعيد السلام عليكم وبارك الله لك وللاخوه اللي شاركو بالموصوع تم بحمدالله تنظيف EGR قبل 5 ايام وتحسن كثيرا ولكن مازال يطفي باليوم مرتين او ثلاث ولكن كنا وين والحين وين لكم مني دعوة في ظهر الغيب وهل من سبب اخر ليطفي

[MSAN]

م سعيد السلام عليكم وبارك الله لك وللاخوه اللي شاركو بالموصوع تم بحمدالله تنظيف EGR قبل 5 ايام وتحسن كثيرا ولكن مازال يطفي باليوم مرتين او ثلاث ولكن كنا وين والحين وين لكم مني دعوة في ظهر الغيب وهل من سبب اخر ليطفي

هلا بك..

للأسف اني ما أعرف كثر في مكاين الدوج.. لكن هل جربت تنظيف الثروتل؟ (بوابة الهواء)

ثم حساس التحمية


سؤال.. هل لمبة المكينة شغالة؟

[م.سعيد]

م سعيد السلام عليكم وبارك الله لك وللاخوه اللي شاركو بالموصوع تم بحمدالله تنظيف EGR قبل 5 ايام وتحسن كثيرا ولكن مازال يطفي باليوم مرتين او ثلاث ولكن كنا وين والحين وين لكم مني دعوة في ظهر الغيب وهل من سبب اخر ليطفي
وعليكم السلام..
طالما ان السيارة تحسنت عن اول بتنظيف الاي جي ار، احتمال يكون لازال هناك اوساخ تعيق حركته..جرب تعيد التنظيف مرة ثانية او تبدله باخر حتى تقطع الشك باليقين..
هناك ورشة بالرياض تخصص دوج وكرايسلر ولها اعلان في مكشات حاول تتواصل مع الورشة والله يكتب لنا ولك الخير..

[يالبى الهلا]

http://mekshat.com/vb/showthread.php?t=465656
أحد مواضيع او دروس مشرف المنتدى أصيل حجازي عن كيفية عمل الحساسات

[راعي الدرانقو]

هلا بك..

للأسف اني ما أعرف كثر في مكاين الدوج.. لكن هل جربت تنظيف الثروتل؟ (بوابة الهواء)

ثم حساس التحمية


سؤال.. هل لمبة المكينة شغالة؟

شكرا لك اخي ونعم لمبة المكينه شفاله

[راعي الدرانقو]

وعليكم السلام..
طالما ان السيارة تحسنت عن اول بتنظيف الاي جي ار، احتمال يكون لازال هناك اوساخ تعيق حركته..جرب تعيد التنظيف مرة ثانية او تبدله باخر حتى تقطع الشك باليقين..
هناك ورشة بالرياض تخصص دوج وكرايسلر ولها اعلان في مكشات حاول تتواصل مع الورشة والله يكتب لنا ولك الخير..

امين وياك وان شاء الله راح اعيد التنظيف

[راعي الدرانقو]

http://mekshat.com/vb/showthread.php?t=465656
أحد مواضيع او دروس مشرف المنتدى أصيل حجازي عن كيفية عمل الحساسات

شكرا لك لاهدائي هدا الدرس والشكر موصول لمشرف المنتدى ولكل من شارك معنا

[craino]

شكرا لك اخي ونعم لمبة المكينه شفاله

مدام لمبة المكينه شغاله
يعني هناك خطأ مسجل
كم رقم الكود المسجل
اكتبه هنا فغالبا المشكله فيه

[راعي الدرانقو]

مدام لمبة المكينه شغاله
يعني هناك خطأ مسجل
كم رقم الكود المسجل
اكتبه هنا فغالبا المشكله فيه

يعطيك العافيه اخوي طلع لي كود p0174 وحاولت اعرف معناه P0174 Fuel Trim System Lean Bank 2 وما فهمت

[م.سعيد]

يعطيك العافيه اخوي طلع لي كود p0174 وحاولت اعرف معناه P0174 Fuel Trim System Lean Bank 2 وما فهمت

اخوي راعي الدرانقو..
من خلال تصفحي لمنتديات امريكية وضح ان مشكلة سيارتك من حساس MAP بالدرجة الاولى وقد تكون هناك ايضاً مشكلة في حساس IAT..
انصحك تبدلهم وان تتأكد ان الاسلاك الواصلة لهم ما فيهم مشكلة..
التالي رابط يبين لك كيف تبدل الحساسين..

https://www.youtube.com/watch?v=NwHcui1R6Gg

وهذا درس عن كيفية عمل حساس MAP

https://www.youtube.com/watch?v=gq4szm5Re0g

علامات عطل حساس الماب:
1- زيادة في استهلاك البنزين
2- تفتفة في المحرك
3- تنتيع عند الدعس على دواسة البنزين

[craino]

يعطيك العافيه اخوي طلع لي كود p0174 وحاولت اعرف معناه P0174 Fuel Trim System Lean Bank 2 وما فهمت

حياك
كنت متوقع انه هذا الكود
هل متأكد انه الوحيد او فيه كود ثاني مثل p0171 لأنه ايضا مهم ة

بشرح فكرة الكود على السريع
الكود يعني ان الخليط في غرفة الاحتراق (السلندر) فيه خلل في نسبة الهواء مقابل البنزين حيث ان الهواء اكثر من المطلوب او البنزين اقل من المطلوب فالاحتراق ليس بالنسبه المطوبه
هذا الكود يعني ان المشكله هي في bank 2 اي الاربعه سلندرات في جهة الراكب غالبا , تقدر تعرف اي جهه من المكينه هي bank 1 حيث اقرب كويل او سلندر جهة الرديتر هو سلندر رقم واحد وهو bank 1 ,

السياره طبعا تعرف ان الاحتراق فيه مشكله بواسطة حساس الاكسجين الامامي الي قبل دبة التلوث فيكون الخليط فيه اكسجين اكثر من الازم , وبهذا يوضع هذا الكود

الان ماهي الاسباب :
اذا فيه خلل في حساس ماف يعطي قراءه خاطئه لكمبيوتر السياره عن كتلة الهواء الداخل
اذا فيه اي تهريب للهواء من الليات او الخرطيش الداخله للمكينه حيث لا يكون مقروء بواسطه حساس ماف (خصوصا ليات التبخير pcv
اذا فيه تهريب في القزوز قبل حساس الاكسجين تدخل هواء الى القزوز
حساس الاكسجين خربان في نفس الجهه حيث يقرأ خطأ
ايضا اي سبب يؤدي الى نفص البنزين الداخل للسلندر يعطي نفس الكود
مثل
طرمبة البنزين ضعيفه
انسداد في اكثر من بخاخ
او مشكله في الكويلات

طيب الان اش المفروض تعمل
اولا تأكد من كل الخراطيش والليات موصله الى مكانها ومافيها تهريب لأن هذه المشكله شائعه في السيارات الامريكيه
وهذا مهم جدا
لاحظ ان المشكله تظهر اذا هديت وهذا مهم للتشخيص
لأنه لما تهدي يزداد الضغط السلبي للمكينه فتسحب الهواء من اي تهريب اكثر من لما تكون داعس او ماشي عادي
وهذا يعطي احتماليه كبيره بدخول هواء الى مكينة السياره من الخراطيش او الليات

بالنسبه لحساس ماف او حساس القربه ما اعتقد انه المشكله لأكثر من سبب : اولها انه لما يكون وسخ يعطي اشاره ان هواء اكثر داخل للمحرك بينما الهواء اقل من قراءة الحساس فكمبيوتر السياره يحقن بنزين اكثر وما يعطي مشكله انه lean
ثانيا لو حساس ماف فيه مشكله فراح يكون عندك كودين وليس كود واحد اي PO174 و P0171
اي في كل الجهتين من المحرك وليس جهة واحده

ايضا هذا الكلام ينطبق على ضغف طرمبة البنزين , وضغف طرمبة البنزين يكون واضح جدا لما تحتاج تدعس للسياره بتسارع عالي وتحس ان في السياره تردد او ضعف في الاداء

اذا النصيحه افحص الليات ولو تغير لي وبلف التبخير PCV

[tevo]

السلام عليكم
اخوي جرب تنظف بخاخات بي 100 ريال سبق صارت لي المشكله بجمس وانحلت بعد التنظيف

[ابو شكاع]

حصلت مع اخوي قديماً يوم كان معه شيروكي
تبهذل مالقى حل وبالاخير طاح له بشايب خبير راعي ورشة قال له من كراسي المكينة
وشرح له مامعناه انك اذا هديت تتقدم المكينة وترجع وتفصل سلك الكهرب
حاجة مثل تسذا
بالتوفيق

[راعي الدرانقو]

اخواني واحبائي السلام عليكم ورحمة الله وبركاته
اشكر لكم مساهماتكم معي ومشاركاتكم والحمدلله انتهت المشكله بعد وجود تهريب في ليات الهوا والان ومن\ ثلاثة ايام لم يطفي فشكرا لكم من الاعماق واسال الله لكل من شارك معي ان يوفقه لما يحب ويرضى ويعطيكم العافيه

[عميد آسيا]

مبروك

الله الله بالتيس :D

[راعي الدرانقو]

مبروك

الله الله بالتيس :D

ابشر والله بسعدك وحياكم متى تبون واين

[craino]

اخواني واحبائي السلام عليكم ورحمة الله وبركاته
اشكر لكم مساهماتكم معي ومشاركاتكم والحمدلله انتهت المشكله بعد وجود تهريب في ليات الهوا والان ومن\ ثلاثة ايام لم يطفي فشكرا لكم من الاعماق واسال الله لكل من شارك معي ان يوفقه لما يحب ويرضى ويعطيكم العافيه

ما شاء الله
مبروك
توقعي طلع مضبوط
العمل يعمل :good2:

[راعي الدرانقو]

ما شاء الله
مبروك
توقعي طلع مضبوط
العمل يعمل :good2:

الله يبارك فيك ويعافيك ماقصرت وبيض الله وجهك

[kha6622]

تفاعل الاعضاء مع الاخ راعي المشكلة
جدا ممتاز