وش احسن من هالسيارتين

[عاشق نفود عنيزة]

بسم الله الرحمن الرحيم

يا جماعه الخير انا ان شاء الله ناوي لي على موتر للبر

بس اني احترت بين اثنين والفرق بينهم جديد 1000ريال

http://www.mekshat.com/pix/upload/images22/mk23868_dsc075500%20(2).jpg

باترول ربع ستاندرد 2006 (سلقه)

قيمته 81100 الحمراني


http://www.mekshat.com/pix/upload/images24/mk6732_1.jpg


ونيت قطعه 10 قيرعادي الدبل ارضي

قبمته 80000 العيسى




وانا ان شاء شاري باستعمل لعشر سنين قدام

وش رايكم واسفين على الازعاج

[محمد العبدالسلام]

هلابك يا الغالي

بس الصورة الأولى للشخص اللي راح ينظر للصوره راح يظن ان السفاري هو الموجود بالصوره وراح يقول السفاري لو ما حطيت صور يكون احسن او انك تحط صورة الربع السلقه كما ذكرت

بالنسبه لي ارى انه اذا انت راعي عفش فالجمس خيارك واذا انت راعي مطامر وعفشك قليل فالسفاري احسن وبالتوفيق

[ابوفهد5599]

ابن نجد كفا ووفاء 0 ولا عندي زياده :j 0

[الملهي]

غير التيوتا ما يوتامع العلم اني معي سفاري

[عاشق نفود عنيزة]

نجـ أبن ـد

تسلم والله يعطيك العافيه
والسموحه الصراحه اني حاطه على عجل لان ما عندي وقت


ابوفهد5599
تسلم على المرور


الملهي

الله يخليك ويسلمك من الشر
بس اني ما اقرب سعر التويوتا

[غضنفر]

عليك بــــــــــ
ربع نيسان

[المتهني]

انا اشهد عليك بالربع اليويوتا
عزالله انه موتر

[خيال نجد]

وخيال نجد

يقولك

أذا براسك ونيت فانت لا تتعداه

علشانك مهما اخذت من السيارات وانت براسك ونيت ماراح تستانس إلا لما تاخذ ونيت

وأما الباتول فشهادتي فيه مجروحه

وأشكرك على وضع صورة موتري بموضوعك

ودمت سالم

[الكلاسك]

قير عادي لا تاخذ

[الخادم]

قبل كذا صل صلاة الاستخارة و الله يدلك لما فية الخير و احكم بالعقل دون العاطفة
شوري عليك بالونيت المستعمل و مد رجليك على قد لحافك
انت طع شوري و ماراح تحسف

[Mohammad]

قبل كذا صل صلاة الاستخارة و الله يدلك لما فية الخير و احكم بالعقل دون العاطفة

شوري عليك بالونيت المستعمل و مد رجليك على قد لحافك
انت طع شوري و ماراح تحسف



وكذلك ابعد عن الونيت الفورد

[ناصح]

ما يحتاج مقارنه ولا تتعب حالك


النيسان أفضل بمراحل عديدة

بل أنه من الاهانه له أن تقارنه بهذا الوانيت الامريكي

[وين يبون بنا]

انا بالنسبة لي اقول الجمس .. خفيف ووذف ومنظر حلو ويشيل بيتكم لو بغيت .. مجرد رأي والخيار لك ومبروك مقدماً ..

[في اكس ار]

اسمع ياحبيبي اولاً صل صلاة الأستخاره وادع من الله انه يعطيك من رايك ما ينفعك

ثانياً عندي نصيحه بخصوص الوانيت انا استعملت قطع 10(قير عادي) السياره حلوه لكن مشكلتها انها 6 اسلندر وعزمها مو زياده واذا كنت راعي نفود وطلعاتك واجد مشكلتها تحتر في النفود مع اني مركب بلون 900 وذبحتني .وهذي صورة سيارتي اللي كانت عندي
http://www.mekshat.com/pix/upload/images24/mk37806_g.jpg



والله يوفق انشاء الله
ــــــــــــــــــــــــــــــــــــــــــــــــــ ــــــــــــــــــــ


http://www.mekshat.com/pix/upload/images24/mk37806_tmd.jpg

[كل القصيد]

الباترول لاتعداه إلا إذا نفسك في ونيت
وعلى فكره ترا السلقة الحين باب واحد بــ 76000 عند معرض نجد في الرياض

[مكحل الحنشان]

استخر

والله لو انا منك لا خذ اللسلقة بدون ما افكر ليش
لانه افضل خارج الطريق ما يبيلها كلام
وبعدين عدد الركاب اكبر صحيح ان الحمولة تختلف بس مميزات الربع تغطي على الامريكي

[حمد الذكي]

الله يوفقك وتشري السيارة اللي براسك

[هاوي الله]

عليك بالجمس قطع عشره و 8 سلندر حجم المكينه 350 إسأل مجرب

[محب النياق]

انا انصحك فالجمس عطي الله

[هويدي]

انصحك بالسلقه موتر يتحمل الكده ولو طرالك بيع ما يطيح سعره زي الامريكي

[SilverSniper]

لا تتلف مالك بالياباني.. الجمس وبس

[بن نويشر]

تبي الصراحة ولا بنت عمها ؟؟ أكيد أنت راعي بران وطلعات وروحات والحديث يقول (الدين النصيحة) وأنت بكيفك . أقول أن الجمس موتر ياخذ عفش بس ما ياخذ ركاب ، والسفاري الربع ضيق وما ياخذ عفش . إن كنت هاوي البران وفلة الحجاج بإمكانك بهالقيمة تشتري لك داتسون بكب غمارتين جديد دفع رباعي بأقل من هالقيمة بكثير ويمكن توفر العشرين ألف ريال ! الحقيقة تبيه حمولة ركاب أو عفش يشيل ويوصل اللي راح توصله هالمواتر . بالأمس بإجازة عيد الأضحى كشتنا بواحد موديل 2006 والحقيقة ولا أروع ولا تنسى أنه بكب يعني حق كلش ..

وتقبل تحياتي ،،

[ابوشلاخ]

غير السفاري لا تدور

[abo naser 21]

خذ لك .... باترول ربع ..

أفضل بلا أدنى شك ..

ولاتقرب الأمريكي وأنا أخوك .. ( صرفية بنزين + قطع غيار نااار + كثيرً خرابه )

والله يوفقك ويكتب لك الخير

[* Storm *]

جيب الربع او الشاص والله ان الربع قطعنابه شعبان بالصمان من سنتين ماخرب علينا ماشاء الله عليه يسوا الجديد 70000 وتلقا رخيص واجد

والصورة من موقع اعجبتني مرة وحفضتها

http://www.mekshat.com/pix/upload/images25/mk42127_mk22865_good.jpg

[ليالي نجد]

شوري عليك خذ اللي خاطرك فيه ... وان كنت محتار استخر ...وتوكل على الله

اما رايي ...فأنا مع السفاري .

والله اعلم

[كاشت شمال]

خذلك سلقة وريح عمرك ومالك ومال هالجمس الخايس ولاتنسى ان الأمريكي يحب المقالب "إذا أبعدت عن الديرة قال هذا مكاني" خرب ويالله دور سطحة !!


اشوف الحميدي جايب دفعة جديدة باترول 2006 او 2007 خذ لك واحد وريح عمرك وانا خوك.

[قرمزي الجواء]

نصيحه لا تعدى الياباني خاصة الباترول عليه نشاط ماهوبصاحي لا تقرب الإمريكي تكفـــــــــــــــى

[ملبق غلـــــط]

نصيحه لله لا نريد جزاء ولا شكورا

الونيت حق خط بس بالصحراء خايس وثقيل ثقيل بالحيل بتغريزة ومطابة عله معن ينوقز

معنا بالعمل ونيتات دبل 2005 والله انها تحوم الكبد


خذ لك سلقة باترول لون فضي وركب له جنوط النجمة الرمادية يصير خيالة فيه واحد بالخبر ماشاء الله عليه قم بالسكبة


اسف على الاطالة

[عاشق نفود عنيزة]

ابشركم يا جماعه

استخرت ربي وطلعت باترول ربع والحمد الله

والصراحه اني نويت اطلع الجمس بس كل الوكالات والمعارض ما عنده

واسف على ازعاجكم وكل عام وانتم بصحه وسلامه

[ابو سحاب]

أول شيء يا أخوي صل صلاة الإستخارة


ثم فكر بالمستقبل هل انت راح تمل من الونيت او لا


إذا كانت راعي نفود و مطامر لا تتعدى السفاري


إذا كنت راعي تخييم وراعي على ما قال قنص وتعزيب فلا تتعدى الونيت والأمر راجع لك

[mushari-saud]

نصيحتي لك ياخوي
أنا معي ونيت جمس قطاع عشرة دبل قير عادي بس 8 سلندر موديل 2002 بس والله ولا أروع سواء حمل أو ماحمل الموتر يعطيك في البر والمدينة وعلى قوته سعرة مقبول إن كانك بتستخدم
وغالباً إلي ماينصحونك بالجمس يصيرون ماجربوه أنا يامكلمك مجرب الأثنين بصراحة فرق في الراحة والقوة والخفة وغير كذا يشيل عفشي والأكثر من ذلك الجمس له هيبة أكثر من الربع
وأنصحك بالمستعمل أرخص لك
والله يبارك لك مقدماً