المساعد الشخصي الرقمي

مشاهدة النسخة كاملة : أملك مركز صيانة سيارات (ميكانيكا،كهرباء،سمكرة،بوية) ..اريد اقتراحاتكم.


الكشاتي
18/12/2006, 02:02 PM
بسم الله الرحمن الرحيم




بعد السلام عليكم ورحمة الله وبركاتة،،،





بداية....أود ان أفيدكم أن لدي مركز صيانة سيارات كبير يقع على مساحة 1000م في الرياض الصناعية القديمة،والحمد لله العمل جيد....وأرغب بتطويرة بحيث يشمل السيارات وتجهيزاتها البرية، بمعنى أن يكون به تجهيز سيارات الرحلات البرية والصيد......والترهيم...وعمل تطوير لبعض قطاعاتة.....مثل ( سلال الجيوب الاندكروزر، الدعاميات، .....الخ.




طلبي منكم :


ماهي الاقتراحات التي ترون انه يجب أن يوفرها هذا المركز؟






ملاحظة: ( لن أذكر أسم المركز لكي لايكون من باب الدعاية )


تحياتي للجميع....وفي أنتظار أقتراحاتكم.
الكشاتي
18/12/2006, 03:39 PM
ابو سعود....

بداية أشكر مرورك....وتشريفك هذا الموضوع....لكن...مافهمت عليك....ارجوا ان تكون واضحاً...ولا تبخل علينا.

تحياتي
العشة
18/12/2006, 03:43 PM
مر على ورشة التميز في موقعهم الجديد على مخرج 18 واستفد منهم .
لملوم
18/12/2006, 03:44 PM
تسلم والله اخونا الكريم وكثر الله من امثالك وهذا مو دعايه لك بل شرف لنا ان تكون هناك ورشه يدرها سعودي وبعد ويش خليت تهتم فى الكشاته
عندي اقتراح
ان تقوم فى تصميم تانكي الماء الذى يركب بدل السله الخلفيه للسياره فى الهوك الخلفي
تحياتي لك
الخادم
19/12/2006, 01:47 AM
وكذلك ورشة السوافي بمخرج 18 من الشرق

و خذ منهم افكار تصلح لك
كل القصيد
19/12/2006, 12:12 PM
اهم شي الامانة والاسعار والله يوفقك ويرزقك
مكحل الحنشان
19/12/2006, 12:46 PM
نبي طال عمرك ناس فاهمة وجودة واسعار زينة واماااااااااانه وصدقني من ناحية الورش خذها نصيحة مني حاول تكسب الزبووون لا تحاول تكسب منه اول
لانه راح يتعطل شي عنده وراح يرجعلك يعني ممكن تكسب الزبون حتى لوشغلك عادي وبعدين في مجتمعنا دعاية الورشة هي السمعة عند الناس وعطها من وقتك لا تخلي العمالة يمطرسون به

والله يوفقك وان شاء الله تمسك وكالة نيسان بدال هالحرامي الحمراااني
الكونترولCONTROL
19/12/2006, 12:59 PM
أهم شي وانا اخوك دعاء من لهم حق عليك

والديك و زوجتك و ابناؤك




=========================================

و خصم خاص حقيقي لذوي رحمك

=========================================

و خصم لأعضاء مكشات .... (( أمزح ما عليك منهم ))

=========================================



ثم نصيحة فنية :



على الفني اذا سئل عن عمل شيء لا يعرف له أن يقول (( آسف ... لا أعرف ))

و هذا شيء ممتاز و يفكك و يفك عمالك من كثير من المشاكل

و يرضي عنك الناس بعدم التعبث في سياراتهم

خاصة في السيارات المعقدة من ناحية الكهرباء و الميكانيكا

============================================



و الله يوفقك و يرعاك ...,,,,,,,,, و يرزقك النية و الذرية الصالحة ...
الكشاتي
19/12/2006, 01:52 PM
اشكر الجميع كلاً بأسمة....على ماقدمتم لي...

الاخ/ مكحل الحنشان....

ماقصرت يالحبيب...

الكنترول....انا من المتابعين لمشاركاتك....والمدمنين...إذا ضاق صدري...لما تتمتع به من خفة الظل ...ورجاحة العقل.....لدي أحساس ..ان الناس الذين حواليك سعيدين عند حضورك....

تحياتي للجميع مرة أخرى
البارق الاصلي
19/12/2006, 02:27 PM
والله يوفقك وان شاء الله تمسك وكالة نيسان بدال هالحرامي الحمراااني.....................................
الصراحه هذي الجمله تكتب بماء الذهب انا احسب بس انا اللى حاقد على الحمراني بس انا سمعت كلام من راعي محل قطع غيار بقول شركة نيسان قلوا لك مهله ثلاث سنوات اذا زادة مبيعاته ونقصت الشكاوي اللي علية او يبون يسحبون الوكالة منه امييييييييييييييييين وعندي طلب يقولون فيه في موقع نيسان بريد مخصص للشكاوي على الوكلاء لو يتكرم واحد من الشباب اللي ثقافتهم انجليزية ( لان ثقافتي فرنسية ) ويجيب الأميل وطريقة الأرسال او يترجم عدة رسائل علشان اي واحد ينسخ الرسالة ويرسلها والله .يوفقك واهم شيئ بعد لا تصلخ العالم مثل بعض الورش السله الي فوق عنده 600 ريال وفي القصيم 250 تقريباً وش الفرق بس الطمع
المربد
19/12/2006, 02:37 PM
اسال الله لك التوفيق والسداد
واهم شيء تواجدك في الورشة لأن الاولين يقولون: عينك على حلالك دواء.!!

ثم طلاقة الوجه في وجه الزبون
واما الافكار فان الزبائن هم يقترحون عليك وما عليك الا التطبيق.
قلب الداهيه
19/12/2006, 05:17 PM
ما أقول الا الله يوفقك ويرزقك بالرزق الحلال
هذا ما لدي

أتمنى لك التوفيق والنجاح والتقدم ان شاء الله00
كحيلانه
19/12/2006, 08:25 PM
والله بالنسبه لي ماافهم في هذي الامور بس ابتخيل اني اسوق واقولك وش تضيف للورشه الله يبارك لك فيها

بالنسبه لعدة الكشتات افكر تضيف شدود متحركه بحيث اي احد يقدر يركبها ويفكها
وتجهز توانكي ماء على حسب شكل السياره

وكبوس تشتغل على ولاعة السياره

وتضيف سلك اضافي للبطاريه بغطاء علشان اي احد يبي يستخدم كهرباء شي ماله داعي يفك اسلاك ويركب يكون سلك جاهز بغطاء

وانا نفسي يكون عندي ورشه علشان اغير شكل السياره من والى بسعر رمزي

مثلا فيه بعض الشباب سياراتهم قديمه ويحبونها وماعندهم نيه يغيرونه

اعطيهم عرض بتحديث شكلها مثلا
1- البويه الخارجيه ومااعتقد احد وده يغير بوية الوكاله بس يكون عندك الوان جديده اومدرجه
2-تغيير الجلد الداخلي بشمواه بشكل جديد والتخشيب بنفس تدرج اللون لازم يكون عندك فلبيني هم يعرفون بذي الامور وصناعة تكايه بغطاء هايدروليك بها فراغ داخلي لوضع الاشياء فيه
3-تغيير المسجل على حسب طلب العميل اوتركيب سماعات جديده مضخمه للصوت
4-تركيب شاشات السي دي والماجلان
5-تركيب جنوط مناسبه وجديده
6-تركيب مساج للمقاعد
7-تركيب ثلاجه في الشنطه مع تمديد الكهرباء لها بطريقه ذكيه
8-تركيب درج خلفي للجيوب لوضع عدة الصيد
9-جهاز انذار اللي يحمي السياره عند حصول السرقه عن بعد عن طري الجوال اللي دعايته في جريدة الوسيله
10-تركيب توربو لزيادة السرعه للسيارات لرياضيه مع اني ماانصح فيه
11-تركيب جهاز الايكوم الكينود
وتكون مجموعه تعديلات في عرض واحد مع نسبه للتركيب ويكون عندك عرض متكامل ولوتسوي له دعايه في احد الجرايد عن طريق بروشور يكون افضل

تجهز ركن عندك بالورشه متخصص لعدة الكشتات من والى وتتفنن فيها

تانكي ماء مع عدة حنفيات باحجام مختلفه دام عندك لحام اشتر الحديد وصنعوه عندكم ماراح يكلف شي

شنطة عزبة متكامله من خيام خفيفه اللي تتسفط وتغدي كنها شنطه صغيره وفراش بر اللي يتسكر ويصير الواحد فيه تسنه دودة القز خخخ

حبال الحديد اللي تسحب السياره اذا غرزت مدري وش اسمها

عدة الميكانيكا حقت السيارة بشنطه حلوه وعمليه

هذا اللي عندي واذا طرالي شي بعد اضفته لاتضحكون علي ترى مااعرف شي بهاالامور بس حبيت ابدي اقتراحاتي والله يوفقك ويبارك لك في تجارتك وان شاء الله نسمع اسمها يصدح في الآفاق
سلكي نت
20/12/2006, 12:15 AM
على بركة الله ... والله يوفقك ... انا اكره الورش اللي فيها شاميين ابعد عنهم تربح غالين ونصابين ومشلحين سيارات الزبائن ... شوف فلبينيين ولا مثلهم او هنود .............


ندعو لك بالتوفيق
ابونايف الروقي
20/12/2006, 10:35 AM
الاخ الكشاتي
السلام عليكم ورحمة الله وبركاته
نتمنى لك التوفيق في مشروعك وانشاء الله نشوفك مستقبلا من الناس الي يشار اليها وعندي كم ملاحظه وانشاء الله ما اكون ثقيل :
1- لا تترك العماله تستغل الزبون ولا تكون الاخلاق سيئه :mad: مع الزبون .
2- من حق الزبون ان يقف على سيارته في وقت الاصلاح لان بعض الورش يقول لا :no2: ما تدخل مع السياره .
3- وضح للزبون العطل الذي بالسياره واشرح له وش اسباب العطل وكيف تفاديه مستقبلا .
4- انصح الزبون من ناحية قطع الغيار من ناحية الافضل :good: والارخص .
5- جهز الورشه بجميع العدد ومكائن الخرط (( لان الزبون اذا قلت له الشي الفلاني ماهو عندي بروح اوديه لورشة فلان قال ايه هين:confused: ماعنده سالفه ))
6-لا يمنع انك تروح للورش المتمرسه :j عشان تستفيد منهم افكار جديده من ناحية الترهيم والاشغال الاضافيه .
7- استخدم الاسلاك والتوصيلات الاصليه الجيده وخل شغلك مرتب ;) (( يعني جمع الاسلاك مع بعض وترتيبها واي شي ينفك يرجع مكانه ))
8- وهذا الاهم جرب سيارة العميل وعطه ضمان على شغلك عشان يرتاح:D .
9- لا تستعجل فانت الان في مرحلة البدايه وحط هدف بعيد (( لا تستعجل في المكاسب )) لانك لازم تكون زبائن وهذي الشغله يبي لها فتره .
10- ربي يوفقك ويرزقك واسف على الاطاله .
مدهوش
20/12/2006, 11:37 AM
أسأل الله العلي القدير لنا ولكم التوفيق

أولآ عليك بإرضاء الزبون مهما كلف الأمر حتى ولو ما تكون ربحان منه لأنه سوف يذكرك بالخير وراح يمدح ورشتك عند ربعه وبدال ما يجيك واحد راح يجيك خمسة والخمسة بعدهم عشرة والله يعينك على عد الفلوس عمومآ

دائمآ الورش الناجحة تكون متخصصة بشيء معين مثل التعديل أو التربيط العام أو التدعيم مثل الباترول من موديل 88 حتا موديل 97 يدعم من داخل البيبان بإسفنج مقوى ويكون مالها صوت قرقعه بعدها
ولو تبي نصيحتي ركز على الباترول عمومآ مع إحترامي لهل السيارات الثانية لأن الباترول سيارة عريقة ومحبوبة ولكن يبيلها شغل غالبآ مثل التربيط وتغيير ربلات البدي والرباطات والشيالات ولكن إذا جا الزبوط وقالك أبي تربيط عام للسيارة تأكد أن التربيط يكون على جميع السيارة من فوق لتحت وترى الناس فاهمه بحيث بعد ما يطلع الموتر منك يروح لبيته أو للإستراحة ويجلس يمخمخ عليه وإن شاف حاجه ما زبطت تراك راح تخسرة وراح تخسر من وراه الكثير لأنه راح يسب شغلك عند ربعه

عمومآ للنجاح وغيرك المعلم إكسب الزبون بالوجه البشوش وسماحه النفس وأنا أعرف إن (رضى الناس غاية لاتدرك) ولكن أنت تبي ترزق الله والله يحب إذا عمل احدكم عملآ أن يتقنه وأنا اعرف عدة ورش مشهورة عندنا ببريدة وما اشتهرت إلى من أصحابها نفسهم وبإهتمامهم بالزبون وحاول جاهدآ الإلتزام بالوقت وبالتوفيق
GMC79
21/12/2006, 01:53 PM
الامانه ثم الامانه ثم الامانه مخافة الله عز وجل هي مفتاح الخير في كل شيء
تيتشر
22/12/2006, 10:06 AM
بسم الله الرحمن الرحيم
اولا الله يوفقك ويرزقك
ثانيا ضرورة التواجد بالورشه من قبلك
ثالثا احرص على استقدام عماله متمرسه من كل التخصصات اللي بتشتغلها
الله الله بشغلات الترهيم سواء الكهربائيه كالبطاريات الاضافيه واللمبات او الخارجيه مثل الدعاميات والصدامات والونوش
واذا لا سمح الله اشتغلت لزبون شغله وما صارت صح ما يمنع من الاعتراف بالخطأ ومحاولة ارضاء الزبون بما يرضيه سواء باعادة الشغل مره اخرى او باعادة فلوسه
خلك بالواجهه مع الزباين ترانا نرتاح لا شفنا راعي الورشه فيها
وبالاخير ياليت توصف لنا ورشتك ونزورك
الكشاتي
22/12/2006, 07:36 PM
اشكر الجميع على مداخلاتهم....ولكن لازلت أطمع بالمزيد...

تحياتي لكم
محتري السيل
22/12/2006, 07:51 PM
أسأل الله لك التوفيق والنجاح

ونصيحة أستقدم العمالة ذات الخبرة والطموح والنشاط والرغبه في التجديد حتى لو كانت رواتبهم عالية

والفلبن ممتازين وشغلهم نظيف ومتكتك

نظافة الورشة وترتيب العدد ومكان جميل وهادئ لأستقبال الزبائن وأنتظارهم مهم جدا

وأذا فيه شاهي وكافي وسندوتشات مجانية يكون ممتاز هههههههههههههه

وذلك لتلافي دوجة الزبون وسط الورشة وتعطيلهم العمال عن آداء عملهم


وبالتوفيق
الباحث_الصغير
22/12/2006, 11:24 PM
الله يوفقك .

زي ماقالوا الأخوان قبلي لازم تكون متواجد في أغلب الأوقات للتفاهم مع الزبائن.

مانبي اللي يستقبل الزبون أبو هنووووود ولا غيره (( سوي كذا أيووووووووه أنا في معلوم)) ويوم تجي لهو قالب الدنيا فوق تحت.

وعلى فكرة ريموت سيارتي يبيله برمجه إذا عندكم وصفلي الموقع بجيكم.
ولك مني أطيب التحايا.