المساعد الشخصي الرقمي

مشاهدة النسخة كاملة : من يفتيني في اليوكن الجديد


بو محمد2
18/12/2006, 06:09 PM
السلام عليكم ورحمة الله وبركاته
احبتي ارجو من يملك معلومات عن اليوكن 4x4الجديد مثل
عيوبه , ومميزاته وكيفه في البر والنفود بمعنى يفك عمره ويمشي ما هو ثقيل
وهل يتهربد
طبعاً يا شباب الشكل الجديد بصراحه جميل ومثل ما تعرفون الشتاء ثلاثه شهور وبعدين ...... جاي الحر يعني طلعت البر راح تكون خفيفه أو معدومه
كنت في البدايه ناوي اشتري سوبر سفاري لكن غيرت الفكره
تنصحوني فيه يا شباب وكيفه في الخط مريح وراسي ولكم جزيل الشكر :j
علي الشهري
18/12/2006, 06:45 PM
لن تجد على الإسفلت أريح ولا أرسى من اليوكن بالتجربة
وأما البران فلأصحاب الاستخدام العادي فممتاز جداً
وأما مدمني البران فلا يناسبهم لأن الياباني أمتن منه وأصبر
وأنا كثير الروحات للصمان وسيارتي يوكن 99
وقطعته نفود الدهناء أكثر من مرة
وللاستزادة عن يوكن 2007 فعليك بالرابط التالي
http://82.96.75.104/sahat?14@175.vOSpbqtkzI1.1@.3ba974e8
بو محمد2
18/12/2006, 08:36 PM
يا جعلك تسلم يا التنهات على المعلومه والرابط بس يا خوي كيفه في النفود يمشي طبعاً النفود المتوسط وكيف مع البطانيج الصمان تفكك السيارة
علي الشهري
18/12/2006, 11:20 PM
بالنسبة للنفود يمشي بكل سهولة لكن ترى العلم على السواق....
والبطانيج تؤثر فيه طبعاً ...... لكن السواق الذهين يخارج نفسه
أبوكلبشة
19/12/2006, 02:39 AM
اولا السلام عليكم
ياخوي اليوكن جدا ممتاز خاصة 2007
هذاه مع خويي وانواع الخطوط بين القصيم والدمام مشاءالله تبارك الله ماتحس انك تسوق جمس والله كأنه سيارة صغيرة
ومطبة حلو وبالبر ممتاز بس لاتنسى التنسيم
للعلم الي مع خويي يوكن xl الي بدال السوبربان
وقبل لا انسى اذا شريت الموتر على طول غير كفراته وهذا اهم شي
لان كفرات الوكالة شينات بالحيل ويتصلخن وانصحك باليوكهاما
وازيدك من الشعر بيت ترا الكفرات الي على الجمس مختارهن المصنع علشانهن رخيصات
وقيمتهن بأمريكا 35دولار
وأي استفسار انا حاظر
بو محمد2
19/12/2006, 05:55 PM
يا جعلكم تسلمون الله يجزاكم خير ومشكر يا التنهات
واخوي ابو كلبشة يعني اتوكل على الله وشتري
سداااااح
19/12/2006, 06:16 PM
اليوكن بالراحه ماله مثيل
وبالنفود ممتاز
لكن بالبطناج يتفكك لتخفيف البطناج نسم شوي
انا معي موديل 98 فاكه وكاله والى الان ماشي معي ممتاز بس جت فتره طرمبة البنزين ولقيت لها حل والحمد لله
رؤى المستقبل
26/12/2006, 11:58 AM
اليوكن بالراحه ماله مثيل
وبالنفود ممتاز
لكن بالبطناج يتفكك لتخفيف البطناج نسم شوي
انا معي موديل 98 فاكه وكاله والى الان ماشي معي ممتاز بس جت فتره طرمبة البنزين ولقيت لها حل والحمد لله



تكفي الله يجزاك خير

عطنا سواتك مع الطرمبة وكيف حليتها اتعبتنا

الله يحفظك
الجبيلاوي2007
26/12/2006, 12:58 PM
السلام عليكم ورحمة الله وبركاته

أنا عندي يوكن 2005 علي الزفلت وبالسفر لادور غيره راحة ماتلاقاها في كثير من السيارات وخفة عزم ونفس
والنفود وأنا أخوك علي السواق بعض البدو يطلعون علي داتسون ,اليوكن بالنفود قوي مع تنسيم الكفرات ولكن تراه ماهو جيب .
مع المطناج تراه ماهو خوش ولد يحتاج أنك تحافظ عليه مع المطبات .
الشقردي
26/12/2006, 01:10 PM
أعتقد طرمبة البنزين مشكلتها محلولة بعد الـ98

وانا مع أخونا التنهاة في راييه في حال ان عيالك أو أهلك كثيرين أما اذا لا فأنصحك لا تتعدى الياباني ترى الجودة تفرق كثير لصالح الباترول واذا معك دراهم زود Vxr خاصة اذا انت بتخليه معك 8 سنين وطالع أحفظ للقيمة وأصبر على الزمن.