اين اجد تربة بيت الطين

[بدوي502]

السلام عليكم


ناوي على بناء ملحق طين حقيقي 100%


يحتوي على لبن طين وتبن عزكم الله

بس المشكلة التربة وين القاها ووين تباع وكم سعرها

[فؤاد الزهراني]

أخوي موجود عند دهانات الجزيره بويه جاهزه نفس طلبك

أسمها ( الجزيرة مشاشكو )

وهذي صورتها

http://www.alfaris.net/up/90/alfaris_net_1421223112.jpg




أنا شفتها في بيت واحد من أصحابي والله رووووووووعه وكأنها فعلاً من الطين والتبن أجلكم الله


مر عليهم أو زور موقعهم وشوفها



أخوك/ أبو أحمد

[الشيخ الظريف]

عليك بوادي الرمه فهو المصدر واستشر كبير سن وشكرا

[سحاب الريم]

تجدها في السدود المائية اذهب الى اقرب سد بالوادي وجاف من السيل تجد الارضيه كلها طين
وعند صب اللبن بالقالب اخلط مع الطين التبن

[أبوعبدالله202]

بالد ر عية

[شقران نجد]

تجدها في السدود المائية اذهب الى اقرب سد بالوادي وجاف من السيل تجد الارضيه كلها طين
وعند صب اللبن بالقالب اخلط مع الطين التبن

كما وصف لك اخي الحبيب سحاب ولكنني أنصحك بالمشاشكو ......

الطين يتأثر مع الوقت مع الأمطار ورشاشات الري

[Obu-Nasser]

السلام عليكم
قبل ما تبني ملحق بالطين فيه امور لازم تعرفها، اولاً ماهو اي طين تستخدمه، ثانياً السقف بتسويه بالطريقة التقليدية، اذا كان نعم فلازم تختار الخشب يكون (اثل) ولازم مايكون رطب وكانوا يقصونه بوقت مخصص عشان ما تاكله الارضه، والسطح (سطح الملحق) لازم تروبه كل فترة. واذا بنيت الملحق تتركه فترة بدون ما تبني السقف عشان يتماسك ثم تسوي السقف وتروبه.
صيانة الطين متعبة في اول الامر، لكن اذا اعتدت عليها وعرفت كيف تروبه راح تنبسط منه.
انصحك تدور لك شايب يبنيه لك، او يشرف على البناء، فيه شايب بحريملاء يبني بيوت طين بدور لك رقمه.

[boshaden]

الموضوع سهل وكما ذكر لك الاخوان تلقى الطين في السدود بس حط في بالك حاجتين الاول كل ما كان لون الطين فاتح يكون اشرح وانور للمجلس
الثاني اذا انتهيت من مش الطين وجف 100% فيه مادة شفافه عند محلات البويه تحطها ع الطين بالروله تمشي بها ع الجدران تحمي الطين من الماء والرطوبة


واهم شي السقف اعزله باللي تقدر

[ابو عزيززز]

ملاحظه بسيطه يا اخوان:
بالنسبه لقص الاثل لازم يكون بالمربعانيه علشان يكون الماء فيه قليل قبل مايمشي فيه الما ويبرض .. واذا قص في غير المربعانيه يكون ضعيف وعرضه للارضه او حشره صغيره تحفره وتقضي عليه مع الوقت
وملاحظه اخرى الطين لازم الماء يبقى فيه كم يوم قبل الاستخدام

[ابو عزيززز]

حتى انا عندي ملحق جديد ابسويه تراثي واليوم متكلم مع واحد يبني لي المدخنه ويمكن احط بعد ذالك بويه مشاشكو وجبس نقش تراثي يخلط معه الجص اثناء العمل وانشاء اللي اذا سويته نزلت صوره.. وليت من عنده اقتراحات يزودنا بها
وهذا رقم باكستاني ي يعمل في اعمال التراث يمكن تقابله وتستفيد منه ولو ما تتفق معه واكيد تبي تطلع من المقابله والمفاوضات بفايده واسمه ابو امين
0503214657

[أبوعبود وحمود]

جزاكم الله خير

[ابوصالح3]

أخي الكريم ,,سويت مشب تراثي من الطين الطبيعي والتبن اكرمك الله وندمت ولم استطع الصبر عليه وقمت بازالته بعد سنتين

لانه ذبحني بالحشرات والارضه الارضه هي النمل الابيض ,,,فنصيحة لاتسويه ,,خذ الطين المعالج اللي تلقاه عند محل الدهانات ,,,صبغ طيني ولايجمع حشرات

[الصيادالمليح]

هناك محلات بالاحساء و القطيف تبيع مثل هذا الطين

و تقدر تسأل المحلات اللي تبيع الفخار يدلونك عليه