قصيده في المطر

[الحفولي]

الأخوه اللي عندهم افاده عن قصيدة شاعر من آل مره يستغيث المطر من الله

وقد سمعتها على شكل (شله) وهي رائعه بحق

من ابياتها

يالله ياللي لا اله غيره
يابا الفضايل ياعظيم الشاني

انت الذي تعطي وعادتك العطا
لاشح الأقصى والرفيق الداني

يالله انا طالبك خاطي ليله
قبل الشتا لاجلوح المقطاني

ليل سحابه يدلهم بغيمه
صوبه يهيف ممحل البدواني

من الكويت الى ورا شروره
ومن الحجاز الى حدود عماني

ناخذ اسبوع مانطالع شمسه
مر حقوق ومرة وداني

كن صوت سيله في مضيق الوادي
حفار رق مقاولة الأعياني

ثم زين شوفه لا انجلا ربابه
والملزم اللي يلتزم ملياني


والسموحه يمكن خربطت في القصيده لأني كبرت والكبر شين

اتمنى من يعرف قائلها الأفاده

[سليمان100000]

السلام عليكم, هذي قصيده كنا نشلها ايام الشديد, والحين دورت عليها ما لقيتها, بكتب الي اتذكره وانا ادري اني بلخبط, العذر والسموحه من النقص, والكامل وجه الله.

يالله وانا طالبك خاطي ليله
قبل الشتا لا شلوح المقطاني
ليلن سحابه يدل همه بغيمه
شوفه يهيض مدخل البدوان
من المويت لا ورا شرورا
ومن الحجاز لا حدود عماني
ناخذ اسبوع ما نطالع شمسه
مرن حقوق ومرتن وداني
قضاه سيله في مضيق الوادي
حفار ابن القنقاع ولد العيان
ثم زين شوفه لا انجاله ربابه
والمرسم الي يرتسم مليان
ثم جاك بدوام تقود وجيها
من صبحها تمشي الى مسياني
يا ماحالا قبالهم وان قبلو من مر....
قبل العشا يا زين حس أصواتهم
زجر الركاب ولجه الحيراني
من حبهم وصفتهم باوصافهم
ولا علي من ناقد الخبلاني
بدو تعز النفس عما يعيبها
درب الخنا والخون والخواني
كيفاتهم ما هي بكل محرم
كيف اليهود الي بها الخذلاني
كيفاتها السكر بدر اجهالها وفنجال بن دلته رسلاني
راعن لها ما جالها بالفيزا
لاهو بلا هندي ولا سوداني
في شفها ماهو يهاب الفرجه
مرن جويع ومرتن عطشاني

طبعا القصيده طويله ويشهد الله سبحانه اني كل ما اتذكرها يصيبني شي من الحزن, لي فيها ذكريات مع رجاجيل شرواك, ومنهم من سبقنا لرب العباد, الله يرحم المسلمين اجمعين
تقبل مروري اخوي
تراني مسجل فالموقع عشان ارد عليك :)

[سليمان100000]

السلام عليكم, هذا مقطع فيه الشله ومو كامله, اسام تسجيل الباندا.

https://youtu.be/edR8_Ofxn3U