اي افضل وافوى شي للبر من السيارات التالية

[بربنجي]

السلام عليكم ورحمه الله وبركاته

اخواني
اي افضل للبر والطعوس والكرف والخطوط كذلك
فقط من السيارات التاليه نيساااااان فقط
طبعا موديل 2015 فقط
ولا يمنع 2014 وكاله طبعا اذا موجود


1 / بطل الدرور بلاتينوم ماكينه 400 مع انه يقولون شووووي حساس بالبر والكرف مره ما يصلح له ولكن يقولون على الخطوط ممتاز

2 / الفتك ... يقولون ميزته ما فيه تقنية كثير فعشان كذا هو افضل من البلاتينوم بطل الدروب للبر والطعوس والكرف

3 / الباترول الربع

اكرر ابي حق كرف وطعوس ويتحمل

والله الموفق والله يحفظنا واياكم

[ابو فهد...]

الباترول ربع هو احسن خيار اذا كنت تبي تطعيس
والصالون نفس الشي بس اثقل من الربع

[الصيادالمليح]

كلها سيارات تهربد و تتفكك بعد سنة او اقل اذا قعدت تطامر فيها بالبر

افضل لك ربع باترول ما تخسر فيها

[الفهيد بدر]

أفضل لك الفتك أو بطل الدروب

[م ح م د 17]

ارشح لك جيب الربع التويوتا ..
ولا تستعجل الله يكتبلك اللي فيه الخير

[اليامي قطر]

بطل الدروب هذا ابعد منه هذا يصلح حق تصوير فقط

اخذ لك فتك ابودفرنشات هو اطلق واصبر على الاستخدام والسنوات

[بربنجي]

الباترول ربع هو احسن خيار اذا كنت تبي تطعيس
والصالون نفس الشي بس اثقل من الربع

يعني الاخ ابو فهد يعني على كلامك اشتري ان شاء الله الربع
طبعا غالبا يكون لي لوحدي بمعنى انه ليس للعائلة
احتمال وليس اكيد يطلع معي واحد بالسياره فقط

لاني احب اطلع بسيارتي لحالي مع الشباب بس ما ارتبط معاهم اني اخذ اي شخص عشان متى ما بغيت باذن الله ارجع بكيفي

[بربنجي]

بطل الدروب هذا ابعد منه هذا يصلح حق تصوير فقط

اخذ لك فتك ابودفرنشات هو اطلق واصبر على الاستخدام والسنوات

الاخ اليامي قطر
تقصد الفتك احسن من الربع
طبعا تقصد ابو دفرنسين
وهل هو موجود بالوكاله ولا ارهم له دفرنسين
اذا ترهيم ما ابي

[بربنجي]

ارشح لك جيب الربع التويوتا ..
ولا تستعجل الله يكتبلك اللي فيه الخير

الاخ محمد

كلامك سليم ولا عليه كلام
الربع التويوتا قوي ويتحمل اكثر من الباترول
لكن الباترول اريح واخف وتحس فيه مرونه اكثر من التويوتا الربع

[بربنجي]

كلها سيارات تهربد و تتفكك بعد سنة او اقل اذا قعدت تطامر فيها بالبر

افضل لك ربع باترول ما تخسر فيها

الاخ الصياد المليح

الضاهر زي ما قلت الربع نيسان افضل وحتى للتطعيس كويس واخف

[بربنجي]

أفضل لك الفتك أو بطل الدروب


بطل الدروب ما عليه كلام
بس هل تتوقع انه افضل او احسن من الربع بالبر والطعوس والكرف
خاصه انه لا اريده للعائله يعني غالبا للبر والمدينه

[ا ل ح]

نيسان ربع هو الفضل بس اذا انت راعي مكاشيت بيكون ضيق في تحميل العزب

[التعـ King ـديل]

بطل الدروب SE من واقع تجربه قير عادي / تماتيك موتر يعتمد عليه ويبيله واحد يعرف له

الخيار الثاني فتك صالون حلو وقوي ويتحمل وموتر بر رقم 1 بس صار قديم خلاص اذا مايهمك الشكل وعادي عندك توقف جنب 2005 سفاري ون نفس موترك وهو 2015 خذه

الباترول الربع او الربع بشكل عام ممل

[ارثمس]

عليكم السلام ورحمة الله وبركاته والله ونا خوك ان الربع ارخصلك وافضلك واريحلك اهم شي 4800 والله يحميك من كل شر والله يكتبلك اللي به خير لك

[مخاوي المكشات]

بما انك من محبي النيسان

فارشح لك شاص النيسان VTC
ارى انه ممتاز للبر ويشيل العزب وتقدر تفصل بالحوض دواليب وسحابات للرحلات وتانكي ماء وتانكي بنزين ومضله وخيمة ايضاً

الربع ممتاز لكن ان بغيت تشيل اغراضك راح يكون هناك ضيق بعض الشئ هذا ان كانت رحلاتك للبر قليل
اما ان كانك دايم ماتفوت الاجواء الحلوه وكثير ما تمرح بالبر فارشح لك شاص النيسان

[m900]

شف الاكستيرا تراه بطل يمكن يعجبك حق كرف وانشط من الفتك

[شاق النفد]

من تجربة
ما فيه حاليا جيب للديرة والسفر وخصوصا البر مثل ربع الفتك
قوة وعزم وراحة ورساوة وعزل هواء كويس
مهوب مثل البلوى الي اسمه ربع التويوتا

[الكدن1]

اذا انت تتحمل المطبات ولا يهمك الراحة ارشح لك التويوتا الربع او الشاص
واذا انت تبي الراحة والمرونة ارشح لك الباترول الفتك ربع اوصالون اوحوض
غيرهن لا تدور للبر والكرف والتحمل
من حيث قوة المكينة ترجح كفة الفتك