استفسار بخصوص الدبل للجمس

[Q66r]

السلام عليكم ورحمة الله وبركاته

فالبداية يسعدني ان اكون احد اعضاء هذا المنتدى



اما بالنسبة للموضوع ، بغيت اعرف متى يتم استخدام الدبل وكيف يتم استخدامه ؟

ووين مكان الزر فالموتر


الموتر هو جمس سييرا 2012 غمارة دبل

والله يجزاكم خير

[وااضح]

قبل لا تدخل الغراز ولا اذا غزت
لا تحاول تحطه على اوتو لانه يفصل ويشبك على كيفه

[التعـ King ـديل]

الدبل بشكل عام في السيارات الرباعيه لازم يشتغل للحفاظ على السياره عند الدخول للمناطق الرمليه وغيرها

يعني لا تقول موتري ثمانيه سلندر بدخل الرمله بدون دبل حتى ولو شغل الدبل

طريقه عمله بالبدايه وقبل الدخول للرمله توقف السياره وتنزل الهواء في الكفرات الى 20 علشان تكون السياره مرتاحه في المشي وبعدين تحط الدبل على H4 وتدخل بهدوء علشان مايحفر وتتمشى على راحتك ولو لا قدر الله وغرزت حاول الخروج بكل بساطه بالدعس الخفيف بدون ماتزيد الدعسه للحصول على عزم اكبر لاحظت ان السياره متعلقه ولا تطلع بسهوله فض القير وعشق L4 وامش شوي شوي وبتلاحظ الموتر يستجيب معك ويطلع من مكانه احيانا تلاحظ ثقل او ثبات الموتر بمكانه تنزل الهواء الى 10 بالكفرات وان شاء الله انك تطلع بدون مساعده احد بس اهم شي اول ماتطلع من الغراز ماتمشي على الدبل وهو في نمره L4 توقف وتحطه H4 وتكمل طريقك

طبعا انا اتكلم عن الدبل بشكل عام

موقع الفرار اعتقد انه يسار الطاره جنب الطبلون ماني متاكد

http://dc15.arabsh.com/i/02614/7xmvkeq0qn2g.jpg

[مخ سعودي]

ولاتنسى تطفي التراكشن