المساعد الشخصي الرقمي

مشاهدة النسخة كاملة : ارجو المقارنة بين هالسيارتين


ذيب الفيافي
19/12/2006, 01:04 PM
انا محتار بين اللاند كروزر gxr الي 130 الف
وبين النيسان الباترول ..
اريد منكم ان تقارنو لي بين هاتين السيارتين من النواحي التالية :

1- السعة .
2- الراحة.
3- التحمل .
4- صرفية البنزين .
5- الصيانة وتوفر قطع الغيار .
الرسن
19/12/2006, 01:25 PM
انا اقول كل واحد منهم في عين امه غزال.
وتراهم عينين في راس
ويقولون اشتر تبيع وكلهن يباعن ويشترن
ومطلوبات وتراي انا يالرسن اغليهن كلهن
وودي اصفهن عندي في البيت بس ياحسرة شقه
مافيه حوش.
انشريت فالله يبارك لك وان ماشريت الله يوفقك
معالسلامه
اسيزو 4x4
19/12/2006, 06:25 PM
السعة : كلها تقريبا سوا ولكن التيوتا كنة أوسع بشوي (( التيوتا أوسع ))

الراحة : الباترول أريح لأن الباترول نظام تعليقة فريول ولكن التيوتا مقصات (( الباترول أريح ))

التحمل : اتكلم على الجديد من 98 وفوق الباترول بلا منازع التيوتا الجديد صار يتهربد وما يتحمل الجلد (( الباترول أفضل ))

الصرفية : كلها سواء كلهن تصرف (( مافي موتر بنزين ما يصرف إلا الديزل ))

الصيانة وقطع الغيار : كل السيارتين معرفات وصيانتهما سهلة بإذن الله وقطعهما متوفرة أيضاً والأسعار متقاربة.

وأبشرك الباترول يمسك سعرة اكثر من التيوتا (( مثال )):

باترول بالمعارض موديل 2002 نضيف بــ 93 ألف قيمة مشترا الوكالة 126000 الف
وجي اكس أر 2002 نظيف بــ 105 ألف قيمة مشترا الوكالة 158000 ألف

كم نقص من الباترول وكم نقص من التيوتا ؟؟؟

الباترول نقص 33000 ألف

التيوتا نقص 53000 الف


الناس علشان التيوتا يشترونة غالي فلا يشوفون ويحسبون الفرق ...ويقولون يمسك سعرة ؟؟؟

.................................................. ...........................................
برنس777
19/12/2006, 10:26 PM
أخوي ذيب الفيافي السلام عليكم ورحمة الله وبركاته :
أم عن الراحه فا الباترول يتحدى الجيب الكزس لعاد الجي أكس أر وأما عن الصرفي فالجي إكس أر أقل ولكن الباترول صرفيه على سنع الله يحفظك وأما عن الصيانه فتايوتا الله يخلف مهب مثل أول صاير كامري ولا إيكو بالخربات إلى درجة إن الكارونه تفرط وهذا الامر صاير معي وتعطلنا مايقارب 4ساعات بالخلى علشان بس مطب مايذكر وأما عن الاتماتيك فحدث ولا حرج عن زيارة الباش مهندس والمعلم بنقالي وأما عن التحمل فالباترول عطي الله وايت مهب جيب لا من ناحيه قرط الحصى بالجلد ولا من ناحية ظرب المطباط وإذا كان إنك تبي سيارة تشخيص وبالك دونك وصنع تايلند ودوران داخل الديرة فخذ الجي إكس أر والسلام ختام
سفاري نجد
20/12/2006, 10:02 AM
تبي رساوه وبكله بالطريق خذ باترول

تبي قوه بالرمل وراحه باترول

تبي تشتري الحين وتبيع بعد شهر شهرين اشتر جي اكس ار

مواصفات السوبر سفاري افضل بكثييير من الجي اكس ار ،،،،
altheeeb79
20/12/2006, 10:13 AM
ياخي انا عندي باترول 99 ومافيه خلاف ولله الحمد وخفيف ويطامر بس انا اراه على الخطوط الطويله يلعب شوي وخصوصا اذا فيه هواء قوي يتعبك00 اما التويوتا جربتها مسافه بسيطه تقريبا على خط طويل واشوف انه ارسى شوي من الباترول لكن اشوفه مع بعض الربع بالبر ماش ثقيل وغرازه عله00 هذا من وجهة نظري والله يوفقك ويوفقنا0000
الخادم
20/12/2006, 04:03 PM
يقولون اسئل مجرب و لاتسال طبيب
التايوتاء
اوسع ــ اريح بالخط ــ و انت بالبر ماتحس بالغبار ــ عند البيع مطلوب و سعرة حسب نظافتة ــ و اوصيك بالقير الاتوماتيك و الون الفاتح كانك من اهل البر
النيسان
سعة زينة ــ اريح بالبر و خاصة النفود ــ ماتحس بالمطبات ــ بالبر يدخل الغبار ( لكن ركب على البيبان من الداخل شريط لاصق بالغرابي ــ عند البيع زبونة قليل ــ عطالة قليل و هو والله حبيب القلب 0

عليك بالهدد و قيمة اقل من جي اكس ار و اقوى و فية فل كامل يعني مواصفات مسكتة مثل ونش ـ فتحة ــ و هو راعي البر صحيح


و الله يدلك لما فية الخير يالغالي
.أبوعبدالرحمن
21/12/2006, 02:24 AM
يا اخي مع الوالد جي اكس ار 2001 بريمي مصدوم مع الوالد صدمة قوية ولا مصلحة 18000 الف ريال واكثر بعد وما شي مع الوالد زي الحلاوة لو تشوفه ما عاد ودك الا به ما شاء الله ومسك به خطوط وطلعات بران ما قد اشتكى منه لا قال انه ثقيل ولا قال انه يصرف ولا قال انه ماهوب راسي ويكون بعلمك الحين يفكر يبيعه ويشتري Gxr جديد تماتيك لان اللي معه عايدي

وقد جرب باترول 1999sgl والله العظيم انه بغى ينقلب به بسسب رجة طلعت منه وكل يوم خربان وكل يوم طالع منه مشكلة وحتى شكله غلط ما خذ من الددسن واجد في وجهه ورح للنفود واسمع مكينة الجي اكس ار واسمع مكينة الباترول تسمع انواع الحنات من الباترول وانواع الاصوات ولكن اسمع الاندكروزر ما فيه حنه ولا اصوات ورزة ورسمي وراسي

والله يكتب لك اللي فيه الصالح
اسيزو 4x4
21/12/2006, 11:50 AM
أخوي الخادم :

الباترول اول ما توقف بالمعارض يشرى :good:

التيوتا يبيلك وقت ويا كثر الاند كروزرات الواقفة بالمعارض ولا امباعت:rolleyes:


.
((فانتوم))
21/12/2006, 06:46 PM
الاخ الفاضل

هل تقصد الباترول VTC 4800

ام 4500

حيث سأشرح لك بالتفصيل

ارجو الاجابة
فانتوم
البيـرق
21/12/2006, 07:12 PM
الله يهديك يبو حمود من وين جايب هالاسعار.......

اخوي ذيب الفيافي ان كانك تبي الشور تراي مستخدم جي اكس ار 2003 و2006 الي

في توقيعي وبعتهم.............

وشريت باترول 2002..............وكل الي اتكلم عنهم قير توماتيك..........

وصلحت في الباترول الى الحين 5000 ريال.......

الباترول يمتاز عن الاندكروزر ب قوة العزم وفي البر احسن............

وصرفيته في الخط بس اقل من الاندكروزر............

اما في الديره الاندكروزر اقل صرفيه بواجد............

واكثر تحمل ويشيل اكثر وارسى بالخط وارغب عند البيع...........

مثال:
جي اكس ار 2003 فل ب100 الف.
سوبر سفاري 2003 فل ب75 الف.

وهذا متوسط الاسعار.....ولك الاخيار...........والله مابغينا لك الاالخير..............

اخوك البيرق.............
الخادم
21/12/2006, 10:57 PM
أخوي الخادم :

الباترول اول ما توقف بالمعارض يشرى :good:

التيوتا يبيلك وقت ويا كثر الاند كروزرات الواقفة بالمعارض ولا امباعت:rolleyes:


.
اخوي اسيزو
ودي كلامك انة صحيح و لكن السوق يثبت كلامي و مثال ذلك

الله يهديك يبو حمود من وين جايب هالاسعار.......

اخوي ذيب الفيافي ان كانك تبي الشور تراي مستخدم جي اكس ار 2003 و2006 الي

في توقيعي وبعتهم.............

وشريت باترول 2002..............وكل الي اتكلم عنهم قير توماتيك..........

وصلحت في الباترول الى الحين 5000 ريال.......

الباترول يمتاز عن الاندكروزر ب قوة العزم وفي البر احسن............

وصرفيته في الخط بس اقل من الاندكروزر............

اما في الديره الاندكروزر اقل صرفيه بواجد............

واكثر تحمل ويشيل اكثر وارسى بالخط وارغب عند البيع...........

مثال:
جي اكس ار 2003 فل ب100 الف.
سوبر سفاري 2003 فل ب75 الف.

وهذا متوسط الاسعار.....ولك الاخيار...........والله مابغينا لك الاالخير..............

اخوك البيرق.............
ولك تحياتي
ذيب الفيافي
22/12/2006, 10:06 PM
الرسن :: الله يرزقك بالحوش الي ترص به هالسيارتين ...

ايسوز 4×4 شرحك قمة في الوضوح شكرا لك .

البرنس 777 شكرا لك على هذه المعلومات .

سفاري نجد ::شكرا لك على هذه المعلومات لكن بما انك كما يبدو راعي سفاري ..بكم تعبيه؟ وكم يجلس معك من كيلو؟

الاخ فانتوم ..والله انك اثرت شيء جديد علي ..انا احسب الباترول 2007 كله 4800 ..ممكن تشرح لي وش الفرق بين 4500 و4800 بالسعر وصرفية البنزين والمواصفات .اذا ماكان فيه كلافة عليك.
الاخ البيرق : شكرا لك على معلوماتك القيمة ..لكن هل السعة فيها فرق كبير ارجو التوضيح .
ذيب الفيافي
23/12/2006, 03:52 PM
اقلطو الله يحييكم
بارود برنو
23/12/2006, 07:27 PM
والله كلهن طيبات
والفرق هوالهههههههههههههههههههههههههههههههههههههههههههههه هههههيبة في سيارات تويوتا للبر اكثر من اي سيارة في العالم