كبسة أهل حايل أذا طلعوا للبر

[مميز]

مساكم الله بالخير هذي طبخة على كيف كيفكم
أول شي تحط القدر على النار وتحط الزيت وتخليه حتى يصخن .
2 ـ تحط البصيلات المقطعه صغير بالقدر وتقلبهن حتى يحمر البصل .
3 ـ وبعدين تحط الطماط على البصل وتقلبهن حتى تحس أن الطماط نص أستوى .
4 ـ بعدين تحط الماء الحار على مقدار قدرك وتزوده شوي على شان تخلي اللحمة تطبخ زيادة .
5 ـ وأذا شفت الماء يطبخ تحط لحمة هالنعيمي و هالريش الي يحبه قلبك :) وتحط طال عمرك الكمون والدارسين ( قرفة ) والهيل شوي يعني 15 حبه وليمون أسود تكسرهن كسر صغير من شان يطعم بالأكله وصلصه السعودية ولاتحط الملح الا أذا قربة اللحمة تستوي على شان ما تتأخر بنجوضه وتخليها تطبخ ساعة ونص تقريباً على حسب كبر ذبيحتك بعد حيي أنت .
6 ـ تجيب قدر ثاني وأنت مغسل رزك وحاطه بالقدر الثاني وتصب مرقت اللحمة على رزك على حسب كثر الرز الي أنت حاط وتخليه على نار هادية حتى تستوي طبختك .
وبالهنا والشفا
مع تحياتي فتى حائل
momayez_2002@hotmail.com
:cool:

[أبن الجبل]

بعد حيي يالمميز

وعقبه بريق نعناع وحولك صفت شباب على الكيف
بعد حيي تدري لك الهديه



http://mypage.ayna.com/nbnt172001/11.jpg

[بودحيم]

مشكور يابعد حيي فوق هذا كله تطبخ على ضو حطب تشوف الفرق غير الغاز الله يعطيك العافيه

[البوصلة]

جعل النار ماتجيك يابعدهم .
طريقت وصفك لعمل الكبسة تخلي الواحد يبولع ريقه .... وشلون اجل طعم الكبسـه؟؟
وتقبل تحياتي.

[nahham]

ياخوي ذبحنا الجوع

والله لو كملت هالكلام بصوره كان تمام

يعطيك الف عافيه

[الدهماني]

يا خوي أن ودي أطلع للبر الحين حتي أسوي هالكبسة
الله يجزاك خير على وصفك للطبخة

[ولــ حائل ــد]

الله يعطيك العافيه

[جلمود1]

الله يهديك اخوي مميز خليت عصافير بطني بتصوصو

[ابوحماد]

ونا بعد قامت تصوصو

[الصمان]

السلام عليكم ورحمة الله وبركاته
مشكور يالغالى

[صوح الجبل]

يابعد حي .... تسلم .. تسلم .. عزا الله ان هاالطريقه من يوم اني طحت فيها معاد اخليها الا ان كاني مستعجل كبست الجميع والا هي افضل طريقه مريت علي تسلم .... على هالموضوع ....
وصح لسان الشاعر اللي يقول ( حائل وانا اقول احسن منطقه في الشمال = لاجاهم اضيف كلا قام في واجبه ) ولك تحياتي