عروض نيسان العيسى ( نص المبلغ ) مهم [الأرشيف]

الغنامي 511

29/01/2015, 04:54 PM

السلام عليكم ورحمة الله وبركاتة

اخواني حبيت استفسر عن عروض نيسان باترول 2015 لدى وكالة العيسى

يقول ادفع نص المبلغ الان والنص الثاني بعد سنتين بدون فائدة ...؟

انا حسيت الموضوع فيه خابور

ياليت احد يعطيني الزبدة وهل احد تعامل مع العيسى بهذي الطريقة او لا

وجزاكم الله خير

سلطان أبونايف

29/01/2015, 05:59 PM

نيسان سيارة ينزل سعرها بشكل كبير. وممكن تعطينا تفاصيل العرض عشان نعرف
وخذها مني مقدما عروض الشركات عندنا كلها خوابير ومواطير لعب في لعب إلا ماندر

الغنامي 511

29/01/2015, 09:41 PM

حياك الله اخوي سلطان

انتظر النشاما شرواك يردون على الموضوع

التعـ King ـديل

30/01/2015, 02:13 AM

هذي حركه تسويقيه سواها العيسى واعتقد العرض انتهى في 31/12/2014 مادري كان مددوه او شي

انا وجهه نظري مافيه خابور ولا شي

لان التمويل اصلا من البنك الاهلي التجاري العيسى يستلم فلوسه كامله كاش

المميـز

30/01/2015, 04:19 AM

:

العرض كان موجود عند البنك الاهلي يمكن تمدد العرض !!
البنك طريقته ياخذ نص قيمة السياره الان وبعد سنتين النصف الباقي
وياخذ تأمين شامل قيمته ١٠ الاف ريال ياتدفعها كاش مع النصف الاول من قيمة السياره
او تقسط ال ١٠ الاف ريال خلال سنتين
السيارة تبقى باسم البنك
اذا مرت سنتين وماقدرت تدبر النصف الاخر من المبلغ المتبقي من قيمة السياره
تقدر تقسط المبلغ بفايدة ٥ ٪ على ما اعتقد
واذا تبي تفاصيل اكثر .. اسأل عنها في بنك الاهلي

:

تميم2222

30/01/2015, 09:59 AM

مجرد تسويق لانه وكيل جديد واشوفه نجح والدليل انتشاره في الشوارع

التعـ King ـديل

30/01/2015, 01:29 PM

مجرد تسويق لانه وكيل جديد واشوفه نجح والدليل انتشاره في الشوارع

سبب نجاح العيسى زي ماقلت العروض المعقوله بالاضافه الى اسعار السيارات نزلت كثير عن الموديلات السابقه ايام الحمراني

ايام الحمراني الباترول السياحي بطل الدروب 2011 كان ب 190 الف

عند العيسى 2013 علشان نفس المواصفات ب 160 الف

الفرق 3 موديلات و 20 الف اقل

القير التماتيك السياحي عند الحمراني ب 200 الف بدون فتحه بدون شاشه بدون شنطه كهرب عام 2011

عند العيسى 2013 فتحه شنطه كهرب بدون شاشه ب 195 الف

الغنامي 511

30/01/2015, 02:47 PM

[QUOTE=التعـ King ـديل;10400922]
هذي حركه تسويقيه سواها العيسى واعتقد العرض انتهى في 31/12/2014 مادري كان مددوه او شي

انا وجهه نظري مافيه خابور ولا شي

لان التمويل اصلا من البنك الاهلي التجاري العيسى يستلم فلوسه كامله كاش
[/QUO

حياك الله اخوي كنج انا ماسمعت جاب طاري بنك الاهلي وماتناقشت معه قلت له قريب بمر عليكم

ومن خلال بحثي عن العرض في قوقل لقيت واحد في موقع نيسان كاتب ان لهم 6 شهور يماطلون فيه ماسلموه السياره

لذلك قلت يمكن الشباب عندهم خبر عن هذا العرض

وشكرا لمرورك الكريم

العطاوي.

30/01/2015, 06:23 PM

هل فيه عروض للتقسيط ؟؟؟؟

سلطان البراق

30/01/2015, 09:10 PM

اخوي رحت لهم قبل فترة ويقولون العرض انتهى
وترا لازم تدفع تأمين تقريبا١٠.٠٠٠

الغنامي 511

31/01/2015, 01:05 PM

اخوي رحت لهم قبل فترة ويقولون العرض انتهى
وترا لازم تدفع تأمين تقريبا١٠.٠٠٠

يعطيك العافي اخوي سلطان

قبل اسبوع يقول هذا العرض موجود لكن ماطولت معاه قلت له بمر عليكم وقت ثاني

لكن ان شاء الله بكره او بعده بروح استفسر اكثر

taal0

31/01/2015, 01:29 PM

العرض هذا عند البنك او الوكاله

الشمروخي

31/01/2015, 01:31 PM

الشمروخي

31/01/2015, 01:33 PM

طبعاً الفتك اكيد بالباترول الجديد بتزود قيمة المخوبره

بروووق

31/01/2015, 04:21 PM

فيه خابور
انا كنت بسوي هالحركه بشري فتك 2014 نص ونص طبعاً سعره بالوكاله 150000 ريال نصه 75 الان وبعد سنتين 75 الف طبعاً تأمين 8500 ياتدفعه كاش او تقصيد يطلع المجموع 158500 الف مع التأمين.

رحت للمعارض لقيت 2014 نفس الموصفات بالضبط اصفار وبسمك وكاله 140000 يعني فرق 18500 ريال ويمكن يزود شوي

مخوبرينك ب18000 وزياده يعني هج ونا خوك الله يوفقكم

السلام عليكم
ما اعتقد ان اسمه خابور طالما بتدفع نص المبلغ والنص الثاني بعد سنتين
خصوصا انك خلال هالسنتين سيارتك تحت الضمان لو تشب عطوك بدالها

قس على ذلك اي قرض من اي بنك كم بياخذون عليك فايده

لكن اذا فيه شي ثاني في الموضوع يعني زياده عن مبلغ الكاش او مماطله في الاستلام او او او هنا ما ادري

التعـ King ـديل

31/01/2015, 05:55 PM

فيه خابور
انا كنت بسوي هالحركه بشري فتك 2014 نص ونص طبعاً سعره بالوكاله 150000 ريال نصه 75 الان وبعد سنتين 75 الف طبعاً تأمين 8500 ياتدفعه كاش او تقصيد يطلع المجموع 158500 الف مع التأمين.

رحت للمعارض لقيت 2014 نفس الموصفات بالضبط اصفار وبسمك وكاله 140000 يعني فرق 18500 ريال ويمكن يزود شوي

مخوبرينك ب18000 وزياده يعني هج ونا خوك الله يوفقكم

اخوي الشمروخي اعتبر نفسك ماخذه اقساط عن طريقهم بس قالو لك عطنا نص الحين ونص بعد سنتين وفايدتنا 18000 كثيره ولا شويه ؟

ومن ضمن ال 18000 نامن لك السياره شامل لولا قدر الله صار لها شي

مااشوف فيها خابور ابد

يكفي النيسان انه بالمعارض ارخص من الوكاله بفرق بسيط عكس التويوتا المعارض اغلا من الوكاله لانه تسليم فوري والوكاله انتظار

AL-OTAIBI

31/01/2015, 09:55 PM

فيه خابور
انا كنت بسوي هالحركه بشري فتك 2014 نص ونص طبعاً سعره بالوكاله 150000 ريال نصه 75 الان وبعد سنتين 75 الف طبعاً تأمين 8500 ياتدفعه كاش او تقصيد يطلع المجموع 158500 الف مع التأمين.

رحت للمعارض لقيت 2014 نفس الموصفات بالضبط اصفار وبسمك وكاله 140000 يعني فرق 18500 ريال ويمكن يزود شوي

مخوبرينك ب18000 وزياده يعني هج ونا خوك الله يوفقكم
هههههههه اذا هذا تسميه خابور حياه الله من خابور.
الحين البنك بيسلمك سيارة بنص القيمة و بيصبر عليك سنتين عشان تجمع رويتبك و تسددهم و في الأخير بياخذ عليك 18000 الف ولا بعد نصها تأمين لك انت .
كل هذا و تقول مخوبريني.

رح للمعارض ابو مية واربعين الف و قله بدفعلك نص و الباقي بعد سنتين وشف وش بيقولك.

سؤال لك له علاقة بالموضوع، ما قد سمعت ببيع الحول؟!

يحب البر

31/01/2015, 11:08 PM

انتبهوا ياشباب من ناحية الحلال والحرام
لاتطيح بالمحذور وتتبع هواك اسأل اهل العلم قبل لاتقدم على الشراء

سلطان البراق

02/02/2015, 03:10 PM

دقيت على العيسى اليوم ويقول انتهى عرض50% و50% بعد سنتين

هبوب النود

02/02/2015, 11:01 PM

انا مريتهم في طريق خريص وقالو انتهى العرض مع بداية ٢٠١٥ وسئلتهم اذا بيتمدد قالو لا بينزل عرض جديد.

وبعد فتره نزل عرضهم حق صيانه ٤ سنوات

ورد الربيع

03/02/2015, 07:29 AM

العرض هذا حراااام شرعا ومتأكد منه
واي عرض فيه تقسيط اجارة منتهي بالتمليك
حرام شرعا بكل اشكاله حتى لو ماياخذون
فائدة بالدفعة الاخيرة ايضا حرااام
والفتوى من كبار العلماء اكتب بقوقل
فتوى الفوزان التأجير المنتهي بالتمليك
واللي يبي شوري لا يقرب اي سيارة ماتسجل
باسمه فورا
يا إخوان شوفوا سياراتهم اللي عند الوكالات
اللي محترق واالي متوفي واللي عدمانة نهائي
والله العظيم لاتوجد تلك الحاجة لهذا الصنف من
التعامل المحرم شرعا
للاحاطة اي قضية مطالبة تخص التاجير المنتهي بالتمليك
حتى القضاة يهربون من البت فيها !!!
وخوذوها مني ان لم تشترى السيارة بالقسط يعني بدون
ضمان مصلحة طرف على طرف فهي حرام وكلكم عارفين
انهم يضمنون حقهم وهذا معناه ضامنين ربحهم وهذا حرام
واللي يبي سلامته يبعد لاتنسون بالامس القريب قبل وفاة
الشيخ ابن باز كان التامين حرااااام الله يوفقني واياكم

ورد الربيع

03/02/2015, 07:40 AM

علشان ترتاحون
شراء سيارة ودفع نصف والنصف الخر بعد سنتين
هي تاجير منتهي بالتمليك !!
لكن تحايل بطريقة اخرى !!
واذا كنتم تبون تتاكدون اطلبوا من الشركة نقل السيارة
باسمك يرفضون لانهم هدفهم ضمان حقهم وتصريف الموديل
ولو قلت لهم ابقسط الدفعة الثانية رضوا وخذوا فائدة يقولون
انها تامين !!!!!!!
وهذا هو الحرام بعينه
واللي يبي شوري لا يقرب الجديد السيارات
رايحة تحت !!
واللي معه قريشات يخليهن لحاجة اهم اذا معه
موتر يمشيه ترا قراطيس الوكالة تنتهي وناستهن
بمجرد اسبوع وتوهقون بدين ومع انه ديم محرم شرعا
الشيخ العلامة الفوزان يقول التاجير المنتهي يالتمليك
حرام ولا يجوز ولم يستثني منه شيء يعني بكل
صوره واللهم قد بلغت

الفهيد بدر

04/02/2015, 07:32 PM

السلام اخوي بالنسبة للإيجار المنتهي بالتمليك هو من المسائل الفقهية النازلة واختلف العلماء بحكمه والراجح والله أعلم انه جائز وفق شروط وضوابط انت إذا بغيت تشتري ايجار منتهي بالتمليك اسالهم عن فتوى العلماء في الشركة نفسها

كم كيلو باقي

04/02/2015, 11:24 PM

الأخ اللي يفتي
ترا الموضوع متشعب وله تفاصيل كثيرة
لا تفتي نصيحة خلك ناقل لفتوى الثقات دائما

masssss

05/02/2015, 12:49 AM

انا شريت بنفس هذا النظام 50% دفعة و50 % بعد سنتين

تاهو 2015 قيمتة 187 الف كاش

حسبوة لي 204000 الف

دفعت 102 وبعد سنتين 102

نفداوي

05/02/2015, 01:48 AM

الله يحفظنا والمسلمين من الحرام
المعروف ان اجتماع عقدين في عقد حرام مثل التاجير المنتهي بالتمليك
لكن شراء سياره بنظام دفعتين /بشرط الدفعة الاخيره ماتحول الى اقساط
وعقد جديد مبني على الاول /يعني تدفع كاش ان شاء الله مافيه محظور

الفهيد بدر

05/02/2015, 06:06 AM

اخوي نفداوي الايجار المنتهي بالتمليك يختلف عن العقدين في عقد المنهي عنه وله صور كثيرة وما وافق الشروط فهو حلال وما لم يوافق فهو حرام

عطيب المضارب

05/12/2015, 05:02 PM

سبب نجاح العيسى زي ماقلت العروض المعقوله بالاضافه الى اسعار السيارات نزلت كثير عن الموديلات السابقه ايام الحمراني

ايام الحمراني الباترول السياحي بطل الدروب 2011 كان ب 190 الف

عند العيسى 2013 علشان نفس المواصفات ب 160 الف

الفرق 3 موديلات و 20 الف اقل

القير التماتيك السياحي عند الحمراني ب 200 الف بدون فتحه بدون شاشه بدون شنطه كهرب عام 2011

عند العيسى 2013 فتحه شنطه كهرب بدون شاشه ب 195 الف

غير صحيح العرض هذا عند الحمراني كان عام 2010 وأقل فئة السياحي كان ب 175 الف
على ضعف وكالة الحمراني أشوف إنها أحسن من العيسى بكثير