المساعد الشخصي الرقمي

مشاهدة النسخة كاملة : شرينا موتر جديد ولدي اشتباه 95% انه مصدوم !


ABO D7OOOM
30/01/2015, 06:21 AM
السلام عليكم
اخواني الاعزاء
شرينا فورد اكسبديشن لون اسود 2014 من الوكالة قبل شهرين

لدي تأكد بنسبة 95% ان السيارة متعرضة لاصلاح في البدي من جهة السائق
الاسباب:
-وجود نفضه في الدركسون والطبلون عند لف الدركسون من والى الجهة اليسار
-وجود لون اسود مشهب في طرف الكبوت
-الرفرف الايسر من داخل الكبوت عليه خطوط صفراء بعكس الرفرف الاخر
-وجود اختلاف واضح داخل الكبوت بين النور الامامي الايسر والايمن
-وجود اختلاف واضح بين اطراف الكبوت من الداخل

الامر الاخر ان المندوب اعطانا وعد بتسليم السيارة في غضون 7 ايام بعد ارسالها للرياض وتجهيزها من جدة .. لكنه فاجئنا باتصاله ودعوته لتسليم السيارة بعد 3 ايام واللوحات جاهزة واتوقع انهم مصدرين لها لوحات تفاديا لوزارة التجارة

رايكم كيف اتاكد من الموتر وآخذ حقي؟
راعي المسرى
30/01/2015, 07:49 AM
....
الله يعوضك ويعينك.

لكن ليه تأخرت شهرين هذا يجعل لهم فرصة في عدم تصديقك.

لكن اذا انت طايب خاطرك من السيارة وفيك شدة شكاوي تأكد من الذي فيها خلال مراكز الفحص الموثوقة مثل كار تك او البريدي .

واشكهم ولا يردك الا المحكمة مباشر لا تمر شرطة ولا غيرها والله يسهل دربك.

او اصبر عليها وصلحها على الضمان عند الوكيل ولن يضيع لك حق يوم القيامة.

وفيه ملاحظة: بالنسبة للبوية ترى الامريكي بويته لك عليها ... والرجة يمكن من الوقفة الطويلة على الكفرات او ضارب بها رصيف احد عمال الوكالة.

وفقك الله لك خير ....

...
N.m.a
30/01/2015, 11:42 AM
اخوي بعد شهرين تجي تقول اشتبهت انها مصدومة ؟

المفروض قبل لا توقع الاستلام تشوفها موب بعد شهرين !
التعـ King ـديل
30/01/2015, 01:19 PM
عزيزي مر على مركز الغروب عند معارض النسيم ب 450 ريال ينفضون موترك كامل

ويطلعون كل عيوبه وانا اكلمك من تجربه انهم افضل مركز فحص افضل من كارتك والبريدي
الذاهب
30/01/2015, 01:37 PM
يالغالي ماتأخرت ولا شي
اخس شي في السياره القربعه والفكفكه المبكره تعيش قلق معها ولا تصيدها
الفورد مايتفكك بسهوله إلا من طيحة قويه اثناء التنزيل أو إنزلاق من السطحه ألخ...
خذ بنصيحة حبيبنا التعديل كنق ولابد من الأوراق الإثباتات تكون معك
واذا لك حق تأخذه
عمرين العمري
30/01/2015, 04:52 PM
أشوف انك تراجعهم أول وإذا ما تعاونوا معاك توكل على الله واشتكيهم بس ما يطلع منها شيء
وانت ذكرتني بصديق لي طلع تاهو من الجميح سنة 2008 جديدة طبعا وأتعبته عيوب كهربائية ورايحة وجاية على الوكالة
وبعد أربعة شهور زهد فيها الرجال وعرضها للبيع
وجاء شريطي وعرض فيها 87 الف وبعدين شاف مكان البدي جهة المقعد الخلفي والبوية تحتها صدئ من وقت ما اشتراها الرجال ونزل السعر 83 الف وشراها الله يبارك له
بس الشاهد ان العيب من قبل ما يشتريها خوي ويمكن وقت الشحن منقورة ومصلحينها وما عندنا حماية مستهلك ولا ما يحزنون
ريف النشاما
30/01/2015, 05:08 PM
هي خربانه خربانه

أولا ..... اثبت ما تقوله بتقارير فحص من مراكز الفحص المشهورة


ثانيا ... وبعد حفظ التقارير رح للوكالة واعرض المشكلة عليهم وشف ردهم
وعطهم فرصه لا تتجاوز مراجعة او ثنتين

ثالثا ... اذا ما ارضوك شب عليهم شكاوي

لا تخلي وسيلة الا وتسويها من أمريكا لين تاصل النسيم

وحاول تثبت مشكلتك عن طريق سبق


الدعوى ما هي زي أول هالحين يرقلون


-------------------


انا زينت صيانة لسيارتي وصار فيها خلل بسيط

صورة المشكلة واشتكيت بيوم واحد ثلاث شكاوي قبل اروح
منها على وزارة التجارة
فعلا لقيتهم يرقلون


شد الحزام ودرب عمك تدله لا تخلي حقك يضيع
اسدهم
30/01/2015, 05:21 PM
الغرووووب مصدق عند المرور والغرفة التجارية. وشيخ المعارض